تقيم للفيرنا ستار at 2010 بعد 10000 كم

**Ahmedmamdouh** · 06-12-2010 04:26 AM

انا الحمد الله تميت ال 10000 كم من كام يوم وحبيت اقيم العربيه بمنتهى الامانه:

درجات التقيم: 1-ممتاز 2-جيد 3- مقبول 4-ضعيف

1- المتور و الفتيس: ممتاز.
ساعات كتير بحس ان انا راكب عربيه مانيول مش اتوماتيك (سحب العربيه مع تشغيل التكيف كويس اوي).
المشكله الوحيده ان الصوت المتور عالي (بسبب ان العزل بين التبلوه و المتور مش اوي) بس ممكن تتعايش معاه.

2- الهيكل و التقفيل الخارجي: جيد.
في موديل 2010 و لي بعديه: علبة الشكمان مرفوعة اكتر عن الارض ناحية الشنطة و بالتالي مابتحكش في الارض زي الموديلات السابقه, العفشه ناعمه الى حد ما بس محتاجه تربيط كل 5000 كم.

3- الدهان: ضعيف.
العربيه بتدخدش بسهوله جدا لدرجة الصاج الاحمر بيبان في بعض الاحيان و ساعات بحس ان لون العربيه بيبهت مع الوقت.

4- التقفيل الداخلي: مقبول.
التقفيل الداخلي كويس (بس مش اوي) تحس ان الخامات المستخدمه متوسطة الجوده....
الابواب وخاصة الاماميه لما بفتاحها بترحع تاني تقفل (ما تسبتش على الفتحه)
بعد ال 120 Km/hr تحس بصوت صفاره بسيط بسبب الهوا الي بيدخل من بين الابواب و الإيزاز مقفول.

5- Power Steering: ممتاز.

6- التكيف: ممتاز.

7- الثبات: جيد.
العربيه ثابته كويس لغاية ال 120 Km/h (بفضل الجنط ال 14 المتركب فيها من المصنع). بعد كدا العربيه بتكون خفيفه.

8- استهلاك البنزين: جيد.
داخل المدينه 8.5 كم لكل واحد لتر
خارج المدينه 15 كم لكل واحد لتر
متنوع (65% خارج المدينه و 35% داخل المدينه) 12 كم لكل واحد لتر.

9- CD Palyer و السماعات: ممتاز.

10- قطع الغيار: ممتاز.
الحمد الله انا لغاية دلوقتي مغيرتش الا فلتر زيت...........
و شكرا

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة