سؤال عن المياه الخضراء و دوره التبريد

السلام عليكم و رحمه الله و بركاته و مبروك علينا عوده المنتدى الجميل


و انا بنضف موتور العربيه بالهواء فى بنزينه الراجل قالى ابقى زود المياه الخضراء

كنت بفكر اصلا من فتره انى لغيرها و اعمل غسيل لدوره التبريد عند بنزينه او اى متخصص

عايز اعرف رايكم اقدم على الخطوه دى ولا بلاش طول ما الامور ماشيه كويس اصلى خايف اعملها تحصل مشاكل فى درجه الحراره

و لو نصحتونى اعملها ياريت تقلولى نوع المياه المناسب و بكام علشان فى انواع كتيره و اسعار مختلفه

و ياريت كمان لو فى مكان مجرب تقلولى عليه علما بانى مغيرتش المياه قبل كده و معملتش حاجه فى دوره التبريد

العربيه لانوس 2007 _83 الف كم و صيانه ال 80 فى التوكيل

و اسف للاطاله

متابع . . .

ممكن تغير الميه بنفسك دي سهله خالص وفي موضوع هنا بالقسم فيه شرح كيفيه التغيير ...اما بالنسبه للميه المستخدمه هات ماركه ايديا علشان تركيزها خفيف وبتؤدي الغرض كويس ولو هاتجيب حاجه تركيزها عالي يستحسن تخففها بميه مقطره علشان ما تاكلش مواسير الردياتير...

متغيرش المياه لو نظيفة وليس بها شوائب وزودها فقط

الايدا الاسباني ممتازة عن تجربة وشهادة من جميع الاعضاء وانا حاطتها في سيارتي

يعنى حضرتك ماشى بالمية 80 الف ؟

وفيه نوع كويس اسمه mobil بتلاقيه في اي بنزينة موبل

لكن ليا سؤال لو سمحتوا الوقتي اساسا العربية (lanos) نازل في المانيوال بتاعها ان تركيز المياه يكون 50 % التركيز بتاع مياه موبل دي 33% يعني مش محتاجة تخفيف ودا اكبر تركيز مياه انا شوفته
هل بتحتاج انكم تخففوها ولا ؟؟؟؟؟؟؟؟؟؟؟؟؟؟؟

انا شايف من كلام حضراتكم انى اجيب المياه الايدا الاسباني

بس فى الموضوع المثبت الاستاذ عصام استخدم موبيل(و انا مع هذا الاختيار نظرا لان نسبه التركيز مقاربه للكتالوج)

انا شفت الموضوع المثبت و هو اكثر من رائع و ربنا يجازى الاستاذ عصام خير

ياريت كمان لو فى مكان مجرب تقلولى عليه بنزينه او اى متخصص

علشان انا خبرتى محدوده و اخاف اعمل حاجه غلط و ابوظ الدنيا

شكرا جزيلا على الافاده و جزاكم الله خيرا

اقتباس:

---

المشاركة الأصلية كتبت بواسطة sherif khalifa

يعنى حضرتك ماشى بالمية 80 الف ؟

---

للاسف لانى مكنتش اعرف انه لازم تتغير دوريا

فى مياة سعودى تركيزها اعلى من الاسبانى واى محطه بنزين بتعملها

طيب انا شاري سيارة قريب و صاحبها كان بيحط فيها مياه خضراء بس انا مش عارف اي نوع و انا كمان جبت مياه خضراء بس اكيد نوع تاني هل فيه مشكلة من وجود نوعين مع بعض و لا عادي ؟ و سؤال اخر مهم اوي المفروض يكون معدل تناقص المياه الطبيعي اد ايه يعني كل كام ازود مياه اد ايه تقريبا و تباه حاجة عادية مش مقلقة و شكرا