كلمة ونص 29مايو 2007

**sab3aawy** · 29-05-2007 02:13 PM

بعد طول معاناه مع زحام مصر ومطبات مصر وغلاسة سواقين ميكروباسات وشرطة وجيش مصر وتناحة وبرود سواقين تاكسى مصر والركنة وحجز الاماكن بالبراميل والسلاسل فى مصر وغتاتة منادية مصر وكماين مصر وضباط مصر اتعلمت ان قيادة السيارات فى مصر يمكن تلخيصها فى جملة واحدة:

"مين ترك داره اتقل مقداره"

**memo_hefnawy** · 29-05-2007 02:43 PM

ههههههههههههه و فيه توصيف كمان يا أبو السباع :)

السواقة فى مصر يعنى بلطجة و إللى ميعرفش يبلطج يتبلطج عليه :twisted: للأسف هى دى مصر

بس محدش يفهمنى غلط :) أنا مش بدعوا للبلطجة عشان الكلام يكون واضح أنا أقصد إن تكون بلطجى مع البلطجية و قلالة الزوق و عديمى المفهومية و محترم مع المحترمين لكن متديش فرصه لحد يبلطج عليك ده مبدئى فى السواقة فى المحروصه

**mohamed el hussien** · 29-05-2007 08:33 PM

تعرف احلي حاجة انك تبقي بارد اوووي اووي
وتشغل كدة تكييفك في الصيف
وقافل زجاجك وليك ليك علاقة بالدنيا
اللي يكسر يكسر من غير حرقة دم
والحياة حلوة
انا اعرف ناس كدة بس انا طبعا لا
بس ترتيب جامد اووي يا ابو السباع

**جندى مجند** · 29-05-2007 10:25 PM

تعرف احلي حاجة انك تبقي بارد اوووي اووي
وتشغل كدة تكييفك في الصيف
وقافل زجاجك وليك ليك علاقة بالدنيا
اللي يكسر يكسر من غير حرقة دم
والحياة حلوة

أنا مستنى الجات لما تيجى عشان أول حاجة ناوى أعملها انى أشترى هامر H1 ان شاء الله حتى لو بالتقسيط على 20 سنة و أقفل الازاز و أشغل التكييف و الكاسيت و الجدع بقى يهوب .. ذنبه على جنبه

**Abdallah** · 30-05-2007 12:41 AM

انا بقيت اخدها من قاصرها ومش بركب العربية الا للضرورة القصوى, دى بقت بلد غريبة يا جدع مش عارف الناس جرالها ايه, وعلى راى المثل " اجرى يا ابن ادم جرى الوحوش عن رزقك لن تحوش "

**Ahmed Hassan** · 30-05-2007 01:58 AM

الاجانب لما بيجو مصر بيتصدمو من طريقه السواقه العظيمه اللي عندنا.. مع ان اساسا همه قبل ما يجو بيكون عندهم فكره لأن مصر سمعتها سبقاها بره في موضوع السواقه ده. الغريب يقه ان نفس الاجانب دول لو اقاموا في مصر شويه بتلقيهم تحول اسلوب سواقتهم الى الاسلوب المصري البلطجي الشهير :? و علشان يعرفوا يبلطجوا كويس بيفضلوا الـ فور باي فور