الحمد لله نجوت من الموت

**mr_sameh** · 06-12-2010 12:50 PM

الحمد لله علي كل شئ انا ابن خالتي مرشح نفسه في الانتخابات في البلد وانا كنت عامل فيها شملول لدرجة ان وصلني اكتر من تهديد بالقتل . حاجه كده زي افلام السيما ومكنتش مصدق . امبارح بقي كنا في جولة الاعادة وكنت داخل لجان الفرز وجالي تليفون ان عربيتي اتكسرت وناس من عندنا دخلو فيما يشبه حرب مع انصار المنافس وجابو العربيه في مكان امن بعد ما تم تكسير كل قزاز العربيه وخدوش بسيطه في الصاج والحمدلله كانو لسه هيولعو فيها لكن ربنا ستر وقدرو ينقذوها بعد اعلان النتيجه والحمد لله الفوز الساحق بفرق 40000 صوت جينا نطلع الامن منعنا من الخروج خوفا علي حياتنا وفوجئنا بعد كده الدنيا اتقلبت ضرب نار في كل اتجاه وبنزين مولع وتكسير وعينك ما تشوف الا النور لكن الحمد لله فرحة البلد عندنا والناس نستني كل حاجه
بجد لعبه الانتخابات دي لعبه قذره وبالرغم من نجحنا الساحق الا انه كان بالتزوير لكن اقسم بالله لم اشارك فيه لكن للاسف كان بيتم امامي ولوعاوزين اعمل ليكو موضوع عن الانتخابات وتجربتي ممكن لو طلبتو ذلك

**kamalsalem** · 06-12-2010 12:52 PM

انا على الاقل بحترم فيك انك قلت النجاح جه ازاي

**Dojuar** · 06-12-2010 12:56 PM

المشاركة الأصلية كتبت بواسطة mr_sameh

بجد لعبه الانتخابات دي لعبه قذره وبالرغم من نجحنا الساحق الا انه كان بالتزوير لكن اقسم بالله لم اشارك فيه لكن للاسف كان بيتم امامي ولوعاوزين اعمل ليكو موضوع عن الانتخابات وتجربتي ممكن لو طلبتو ذلك

طالما كنت معاه يبقى شاركت

**الصيداح** · 06-12-2010 12:58 PM

أولا حمدا لله على السلامة
بغض النظر عن الموضوع
إحكي لنا التفاصيل

**sheriefaly** · 06-12-2010 01:05 PM

حمد الله على السلامة
احكيلنا بقى على التفصيل

**mrwho1982** · 06-12-2010 01:09 PM

الف حمدا لله علي السلامة وفعلا لعبة قذرة

ربنا يرحمنا

**أبو صلاح** · 06-12-2010 01:24 PM

أولا حمد لله على سلامتك
انا بعتبر الانتخابات دي لعبة الموت بجد

ومبروك ليك ولابن خالتك

بس احكيلنا - لو ينفع- إزاي التزوير ده تم ؟

**م. عصام مهنى** · 06-12-2010 01:25 PM

اصعب انتخابات ممكن تشوفها عندنا فى الصعيد فى المنيا وفى القرى بالذات لانها بتبقى عائلات وكل عيلة مع مرشح معين وبيبقى ضرب نار وخناقات لدرجة ان يوم الفرز بالليل بيبقى منزلين عربيات امن مركزى فى القرى دى علشان ميحصلش مجازر ويعرفوا يسيطروا على الموقف .
انا فاكر ان لما مرشح نحج فى الانتخابات فى سنة من السنين اللى فاتت كان ضرب النار زى متكون فى حرب واية بنادق آلى على رشاشات على طبنجات وهات يا ضرب فى الهواء من بالليل للصبح .
بجد اصعب انتخابات تشوفها فى الصعيد
وبعد ما ينجح العضو متشفش وشه غير فى الانتخابات اللى بعديها ، أهم حاجة ان العضو ينجح وخلاص مش مهم عمل اية او هيعمل اية المهم عناد فى العيلة التانية وخلاص .

**A7MED_PHARMA** · 06-12-2010 01:31 PM

صراع من أجل البقاء
زي مايكون المرشح إلي مش هياخد العضوية .. هيموت محروق
وحسبي الله ونعم الوكيل..ووداعا للأبد لسلطة القضاء
وأهلا بالأمر الواقع.. وواقع السلاح

كنت بسمع مسرحية الزعيم.علقت معايا كلمة كان عادل إمام بيغنيها
"" وأنا أبقى ليه وطني ... هوا الوطن وطني؟؟""
كلام منطقي والله..طالما الواحد ملوش حاجة في البلد
يبقا فايدتها إيه

حمد الله على السلامة...وفداك 100 عربية

-

الموضوع: الحمد لله نجوت من الموت

LinkBack

أدوات الموضوع

عرض

الحمد لله نجوت من الموت - انشر الموضوع فى :

-

-

-

-

المواضيع المتشابهه

طرق الموت في مصر

الحمد لله نجيت من الموت

عن الحياه و الموت

---الاقتراب من الموت---شيق

الكلمات الدلالية لهذا الموضوع

المفضلات

المفضلات

ضوابط المشاركة