الموضوع: مصل الإنفلونزا العاديه

فلماذا آخذ تطعيم الانفلونزا وجهازى المناعى سليم؟؟؟؟؟؟؟؟
خاصة لو تطعيم ضد الانفلونزا العادية وليست ضد أى وباء ثبت أو لم يثبت خطورته وخاصة أن التطعيم لن يعطى مناعة 100% ولا للأبد!
----------------

و ليه ما اخدش حقنة ب 30 جنيه و اعراضها الجانبية معدومة تقريبا و ارحم نفسي من دور انفلونزا يكسحني اسبوع و يجيب لي سخونة و وجع في الجسم و صداع و يقعدني من شغلي ؟

المشاركة الأصلية كتبت بواسطة dr ahmed

المصل من المفترض أنه جزء غير ضار من الفيرس يهدف لاستثارة الجهاز المناعى لتكوين أجسام مضادة ضد الفيروس الحقيقى وتكون جاهزة فى حال الإصابة الفعلية بفيرس حقيقى
أى أنه يعتمد أيضا على مناعة الشخص الذى يتعاطى المصل (وليس أجسام مضادة)

وعن نفسى لا أرجح الإسراف فى الأمصال فالجهاز المناعى البشرى فى الحالة العادية يكفى وزيادة إن شاء الله
وربما نعتقد أن الدواء الذى لا ينفع لن يضر
وأنا لا أعتقد هذا أبدا
فالدواء الذى لا ينفع سيضر ، وهذه القاعدة أعممها على جميع الأدوية حتى الفيتامينات .. وعلى الأمصال أيضا

لماذا نأخذ تطعيم الالتهاب الكبدى الوبائى بى؟ .. لأننا معرضون بشدة للإصابة به (شكة إبرة ملوثة) وهو مرض خطير لأى مصاب
لماذا نأخذ تطعيم اضد شلل الأطفال؟ .. لأننا معرضون بشدة للإصابة به (من مياه الشرب) وهو مرض خطير لأى مصاب
لماذا ضد الحصبة؟ ... مضاعفاتها خطيرة جدا واحتمال حدوثها وارد جدا لأى مصاب
لماذا ضد x ؟ ... لأن x شديد الخطورة أوشديد المضاعفات المحتملة عند الجميع أو فرص إصابتى به أصبحت عالية ومناعتى ضعيفة

فلماذا آخذ تطعيم الانفلونزا وجهازى المناعى سليم؟؟؟؟؟؟؟؟
خاصة لو تطعيم ضد الانفلونزا العادية وليست ضد أى وباء ثبت أو لم يثبت خطورته وخاصة أن التطعيم لن يعطى مناعة 100% ولا للأبد!
----------------
د hm414 أرجوك مراجعة مصدرك عن غلى عصير الليمون وخلطه بالعسل ومبدئيا المعلومة مخالفة لما نعلمه فإذا كان هذا الخليط مفيدا فبسبب الدفء والعسل ولا دور لفيتامين سى ، وإذا ثبت لك فساد فيتامين سى بالغلى فقم بتعديل الوصفة لأى مشروب دافئ وعليه عسل + شرب عصير ليمون أو أكل برتقال ويوسفى

لا حول ولا قوة الا بالله
انا مجبتش سيرة فيتامين سي!!!!!!
هل انا قلت هات كباية فيتامين سي واغليها عشان تبوظ الفيتامين وبعدين حط عسل واشرب!!!!
طيب معلومه عالماشي
لم يثبت العلم اذا كان لفيتامين سي اساسا دور في علاج نزلات البرد
ده اولا
ثانيا
قد تكون الحكمه كما ذكرت في المشروب الدافئ بالعسل
ثالثا
ليس لي هدف غير اني افيد العضو
ولو كلامي ده عن غير تجربه لكنت قلت معرفش اسهل على قلبي...

يا جماعه
في الكليه احنا مبندرسش طب بديل
هل ده معناه انه مش موجود؟؟؟

واذكركم بقول المصطفى عليه السلام (كذبت بطن اخيك وصدق الله)
واعتقد كلكم عارفين قصة الرجل اللي جاء للرسول يشكو ان اخوه عنده ألم شديد في بطنه ونصحه بالعسل فعاد له ....الخ

والفكره في اي علاج بالعسل هو الاعتقاد بان الشفاء من عند الله وان العسل ما هوا الا سبب


يارب اكون وضحت
ولو هيا دي المعلومه اللي مضايقاكم خلاص محدش يقراها ولا ياخد بيها ومش مهمه خالص.....


ومش عايز اكتب كمان كفايه

تحياتي

المشاركة الأصلية كتبت بواسطة Dr Ahmed

وليه ماخدش مسكن كل يوم بدل ما يجيلى صداع يتعبنى ساعات طويلة ويحرمنى من شغلى؟
وليه ماخدش بنسلين طويل المفعول كل شهر علشان ميجيليش التهاب زور؟
وليه ماخدش حقنة ديبروفوس كل 6 شهور علشان ميجيليش حساسية؟
ومافيش أعراض جانبية معدومة .. كل واحد ونصيبه
-----------
بالنسبة لك خدها طبعا!!!!!!!!!!!!!!!

فيه فرق بين اني اخد كيماويات مالهاش لازمة و ليها تأثير على الكبد (في حالة المسكنات) او تكون جيل من الباكتيريا عنده resistance (زي البنسلين) أو بتضرب المناعة بالقديمة (زي الديبروفوس) .... و اني اخد تطعيم يخلي المناعة مستعدة لمرض احتمال الاصابة بيه في موسم الشتاء مرتفع جدا .......

المشاركة الأصلية كتبت بواسطة Dr Ahmed

طيب طالما كده ليه اخترت عصير الليمون
وهل إذا ثبت خطأ شئ فى الطب "البديل" ستتمسك به؟
علما بأن لا أحد هنا انتقد ما ذكرته عن العسل وأن الطب النبوى شئ والطب البديل شئ آخر
-------------
المتتدى نحاول جميعا فيه نشر المعلومة الصحيحة وكل ما طلبته منك إن تراجع مصادرك حتى عن الطب البديل لأن ظاهرالمعلومة يدعو لتصحيحها وليس تأييدها وسأكون سعيدا لو نبهنى أحد لخطأ وسأراجع معلومتى فورا وسأتراجع وأتأسف لو ثبت خطئى ولن أحاول التملص ولا الهروب مما قلته

حاضر يا دكتور احمد
اختياري لعصير الليمون لم يكن مني
الموضوع كله بالتجربه ليس الا وبالتواتر
الكبار قالو كده
جربنا لقيناه مفيد ماشاء الله
الموضوع لا يستدعي كل الكلام ده
التجربة خير برهان

عن نفسي متعود اساسا اني بحلي مشروباتي السخنه بالعسل
بحب الزعتر والينسون والنعناع
بعملهم مكس على بعضه ومعاهم شوية زنجبيل وبحليهم بعسل وباخده وده بيضيعلي اعراض البر لكن اقل من الليمون
ده بالتجربه


لو ثبت طبعا ان الطب البديل في اخطاء فطبعا الحاجه الخطأ هتركها اما الصح فاعتقد اننا نتمسك بيها

ويكفيني ذكر مثال ليك
والدي جاله MI ومعرفش ازاي الدكتور اللي راحله شخصه في السعوديه على انه acute bronchitis مع انه عامله اشعة وعامل اي سي جي وباينه الاديما عالرئتين ومع ذلك قاله برونكايتس!!!!
واداله مضاد حيوي
والوالد بيحكيلي وبيقولي والله يا ابني انا لا كنت بعرف انام ولا اخد نفسي ولا اعمل اي حاجه
وبيقول مرتاحش غير لما بدأ ياخد العسل يوميا الصبح
يحكيلي انه كان بياخده اول اما يصحى وكان بيعمل مجهودات ما شاء الله ربنا يديله الصحه والعفيه
ومش هنسى لما اخدنا في الاردن (بحكم انها بلدنا الام) لاستشاري هناك قال انا مش عارف انتا ازاي عايش!!!

واتعملتله عمليه بعدها واتركبله 5 شبكات وربنا يديله طولة العمر والصحه والعافيه ولازال مداوم عالعسل.....

ساعات يعجز العلم عن تفسير الحاجات دي لكن لازم نؤمن بوجودها....

احييك على سعة صدرك وانت استاذ ليا وانا اتعلم منك وانا لسا عيل يعني معرفش حاجه



بالنسبه للتطعيم بقا
انا كنت بقرأ في موقع ال cdc
center of disease controle and prevention
في امريكا ولسا كاتبين كلام جميل عن مين ياخد التطعيم

CDC - Seasonal Influenza (Flu) - Q & A: Seasonal Flu Shot

كاتبين انه المفروض فعلا كل واحد ياخده وخصصوا ناس يكون الافضل انهم ياخده

ياريت تقرؤه لانه فعلا كلام جميل


تحياتي وشكرا لك استاذي مره اخرى ومتزعلش من رد فعلي لان تلاته دخلو قالولي حكاية فيتامين سي دي مع اني انا مجبتش سسيرته