ياجماعة انا حاجز من اول شهر اكتوبر جين 2 والي الان لم استلم شيئا

**uoka** · 06-12-2010 05:17 PM

ياجماعة انا حاجز من اول شهر اكتوبر جين 2 2011 من توكيل العجوزة والي الان لم استلم شيئا
اتصلت وقالولي انتظر حتي منتصف او اخر شهر يناير
انا بجد زهقت وقاعد مربوط في البيت من غير عربية
وشكلي كده هلغي الحجز واجيب سيراتو قسط بدل من جين 2 كاش
لاني سمعت كتير ناس بتقول ان فرامل الشاهين وال 128 اقوي من فرامل الجين 2 !!!!!!
وناس كتير هنا في المنتدي بتشتكي من فراملها يعني دي حاجة في الاساسيات مش لعبة ومسألة حياة او موت الفرامل دي
ناس تقولك دوس علي الفرامل براحة علشان تفرمل جامد وحاجات غريبة اوي جدا
امال لو ماكانتش فرامل ABS EBD ومن تصميم شركة بوش الالمانية كانت عملت ايه
بجد بقيت مستغرب لما قريت مواضيع الفرامل ساعة لما المنتدي كان واقع ورجع
بجد حاجة غريبة
ولي التأخير ده كله
ده مفيش ولا شركة ماجبتش موديل 2011 الا بروتون والسبب اكيد طبعا هو عز العرب وسياستة الغريبة
مابيعملش اعلانات وبيأخر الموديل الجديد وبيقولك كمان هايغليه 4000 جنيه
يعني لما العربية تبقي الاتوماتيك منها ب 95 الف بقي ايه المميز فيها
مع سعر اعادة بيع قليل
وبقيت قريبة في سعرها من النيسان صني والكيا سيراتور
واغلي من الشيفورليه الاوبترا
بجد انا بقيت محتاار
ياريت تدلوني

**solghof** · 06-12-2010 05:28 PM

متابع بإهتمام .......

**uoka** · 06-12-2010 05:35 PM

محدش عبرني ليه ياخوننا

**mahmoud_magdy** · 06-12-2010 06:07 PM

حضرتك سيبك من ال جين2
واشتري 128 او شاهين افضل
ليه بقى ؟
لان حضرتك سمعت وصدقت
حضرتك تقدر تروح تعمل تيست درايف في الصحراوي وتتأكد بنفسك

**mido_soliman** · 06-12-2010 06:21 PM

المشاركة الأصلية كتبت بواسطة musiccairo

حضرتك سيبك من ال جين2
واشتري 128 او شاهين افضل
ليه بقى ؟
لان حضرتك سمعت وصدقت
حضرتك تقدر تروح تعمل تيست درايف في الصحراوي وتتأكد بنفسك

+11111111111
وجالك قلب تصدق ان فرامل الشاهين اقوى
انا رائي انك مشحون من عز العرب حاليا ودة باين من كلامك ومطلع شحنك دة فى انك بتقنع نفسك بان العربية دى مش حتنفعك علشان عيوب قريتها او سمعتها من ناس جاهلة
حلك يباشا يا انك تهدى شوية وترضى بالامر الواقع ان العربية حتتاخر لحد يناير ودة اقل من شهر
او انك تتكل على الله وتسحب فلوسك وتجيب اى عربية تانية علشان انت مش حتقدر تستنى الوقت دة كلة
تحياتى

**uoka** · 06-12-2010 06:26 PM

بص يا استاذ musiccairo
انا قريت المواضيع دي هنا في المنتدي
http://www.nilemotors.net/Nile/165556-gen-2-a.html
http://www.nilemotors.net/Nile/166099-vs.html
http://www.nilemotors.net/Nile/167937-2.html
وهدورلك فين الراجل اللي كان كاتب فرامل الشاهين اقوي منها
وجيه موضوع غلاء الاسعار مع موضوع الفرامل مع تأخير العربية في يوم واحد

**mahmoud_magdy** · 06-12-2010 07:28 PM

المشاركة الأصلية كتبت بواسطة uoka

بص يا استاذ musiccairo
انا قريت المواضيع دي هنا في المنتدي
http://www.nilemotors.net/nile/165556-gen-2-a.html
http://www.nilemotors.net/nile/166099-vs.html
http://www.nilemotors.net/nile/167937-2.html
وهدورلك فين الراجل اللي كان كاتب فرامل الشاهين اقوي منها
وجيه موضوع غلاء الاسعار مع موضوع الفرامل مع تأخير العربية في يوم واحد

حضرتك اتأكد بنفسك لو سمحت
في تيست درايف متاح انك تعمله للعربيه
اتصل بعز العرب واستفسر منهم
انا مقرأتش المواضيع اللي حضرتك حاططها
لاني بالفعل معايا العربيه
انا مش بدافع عن العربيه لالا خالص ومش مهمتي اني ادافع عنها
انا بقول لحضرتك اثبت الشك باليقين
ورأيك هو الاهم بالنسبه ليك مش كلام الناس
او وقائع فرديه مثبته بتجربه او عن طريق نقل الكلام ومن غير تجربه

ياريت متاخدش كلامي انه هجوم على حضرتك لا خالص
انا بتكلم من منطلق
التجربه خير دليل

ملحوظه: لما حضرتك تجرب العربيه هتلاقي دوسة الفرامل مختلفه عن بقية العربيات (مش باللمس)

ولو حضرتك مقتنع بالعربيه جدا ومش قادر تستنى موديلات 2011
تقدر تتصل بالموزعين وهتلاقي عندهم موديلات 2010 وهتكون ارخص كمان
بما ان 2011 هتكون اغلى

**sayed911** · 06-12-2010 08:52 PM

صدقني انتا الكسباااااااااااااان وعن ثقة والله ..... وبعدين كل الموديلات الخليجي هيا اللي نزلت اما تقولي في توكيل نزل من الوكيل موديل 2011 فده مش كتير قوي .. + صدقني الجين 2 عربية تستحق الإنتظار + حضرتك بتشتري عربية مش بتشري موبايل يعني التريث هو الرقم واحد في الموضوع كله لأنك دي حاجة سلعة معمرة مش ها تغيرها بكرة الصبح ... فخليك ثابت على المبدأ اللي اخترته ومتخليش شوية غضب الآن يأثروا على قرارك ... وتحياتي لك اخي والله الموفق ..

**uoka** · 06-12-2010 10:27 PM

الف شكر ياجماعة علي الردود والاهتمام ويارب صبرنا علي عز العرب وبالة الطويل
واجلعلنا العربية فيها كل خير انا شاء الله ومافيهاش المشاكل الغريبة اللي الواد بيقرأ عنها كل يوم دي

**spiderloking** · 06-12-2010 11:19 PM

يا جماعه فعلا زي ما قال الاخ musiccairo فعلا دوسه الفرامل في بروتون مش باللمس زي بقيت العربيات التانيه لازم تاخد عليها و مشوارها طويل شويه عن العربيات التانيه و علي فكره هيه قويه جدا و عن تجربه والله ده انا الساجا معايا مفيهاش abs و فعلا نقذتني كتير ما بالك الجين 2 اللي فيها الاي بي اس اخي العزيز صاحب الموضوع صبرت كتير معلش اصبر شويه و بجد هتكسب الجين 2 عربيه كويسه جدا و تحفه والله و هتقول الناس ديه قالت و هترجع تشكر الناس كلها في المنتدي زي ما كتير قابلك كان عندهم نفس الموضوع من شك و قلق و حيره و بعد ما استنوا زيك و استلموا العربيه والله قالو الحمد لله اننا متسرعناش و اشترينا اي عربيه تانيه ربنا يوفقك في اختيارك و ان شاء الله تستلم علي خير