ياشبابا لو حد مركب زينون وخاصة في الفوج لايت هل بيفرق في الشبورة الجامده اللي بنشوفها اليومين دول ولا مش هايفرق كتير عن نور الشبورة العادي
عرض للطباعة
ياشبابا لو حد مركب زينون وخاصة في الفوج لايت هل بيفرق في الشبورة الجامده اللي بنشوفها اليومين دول ولا مش هايفرق كتير عن نور الشبورة العادي
انا سمعت انو هي بتضر مش بتنفع ....ده حسب واحد اعتقد انو فتاي
الزينون والنور الابيض مابينفعوش في الشبوره.
انا مركب العادي زينون والعالي هالوجين. طبعا ولا بيبانوا اصلا
قبل كده لما كان العالي لمبه صفره كانت بتبان في الشبوره انما دلوقتي خلاص ببقى ماشي بالبركه و نور الشبوره مابيعملش حاجه يادوب ينور تحتي (مش عارف ايه الاختراع العبقري ده )
انما الزينون ال4300 ماجربتهوش بصراحه وماعرفش ايه رأي الي جربوه
ولا حاجة ... لو الزينون فى العالى يبقى عليك العوض
لو فى الواطى ومش ع عدسة يبقى تقفلة احسن لأن الضوء المشتت حينعكس من الشبورة ع عينيك ولو فى فوانيس الشبورة يبقى.... هى فايدة فوانيس الشبورة اصلا ؟!!!! :))) بتنورلك تحت الأكصدام بمتر !
من الأخر رجلاش فانوسك وهو ع العدسة هو اللى حيحكمك
لأن بردة كل العربيات الجديدة نازلة بزينون فأكيد المصنعيين من بلهاء يعنى عشان ينزلو حاجة تضر
زلبانى الافضل تشوف شكل اللمبة بتاعت الزينون أية لآن الفج لايت بتاع التمبرا متقفل بطريقة محكمة جدا و بيركب فية اللمبة الى لها سلك فقط خلى بالك قبل ما تشترى
دى شكل اللمبات يا زلبانى غير دول مش حا تركب فى الفوج بتاع التمبراhttp://img42.imageshack.us/img42/8358/050920101682.jpg
الفوج لايت متصمم علشان يفرش النور بالعرض أكتر حاجة مش اتنوير الطريق قدام العربية والفكرة أنه في الضباب الجامد أهم حاجة أن الواحد يبقي شايف الخطوط الأرضية والرصيف علشان مايطلعش برة حارته أو بره الطريق
وبيبقي نور العربية الواطي علشان العربيات تشوف بعضها مش أكتر
ازيك يا باشا عامل اية يا أستاذى العزيز بص أنا مركب فى الفوجات اللمض دى الواحدة 100 وات بس ماجرتهومش فى الضباب بصراحة بس دول مش زينون بس العلبة مكتووب زينون عليها و معنديش الماكينة بتاعت الزينون أنت شوفت شكل الفوجات الى كنت منزلهم على الرابطة بتاعت التمبرا . عموما دة شكل العلبة بتاعت اللمض زلبانى دول كورى الجوز كانو ب يا 35 يا 40 جنية من التوفيقية مش فاكر بالظبط http://img411.imageshack.us/img411/1...0920101679.jpghttp://img843.imageshack.us/img843/7...0920101680.jpg
معلش يا باشا ما شوفتش المشاركة دى و النور بتاع اللمض الى كنت حاطة دة شكل الاضاءة بتاعة بس الصورة دى بالنهار فى الشمس http://img33.imageshack.us/img33/1586/291020102654.jpg
هو عموما من كام بوم كنت راجع من الاسكندريه بليل و كان في شبوره جامده اوي و بعدين صادف ان واحد راكب لانسر و مركب زينون كان طافيه طول الطريق و كان ماشي علي النور بتاعي كان بينوره في الشبوره تلاقي الدنيا كلها بقيت ازرق فاعتقد انه مش مفيد خالص
ما هو ده لأنه في النور العادي لكن أظن لو الزينون في الشبورة وضارب في الأرض هايكون افضل حالا من الاضاءة العادية بس عايزين حد يكون مركب زينون في الشبورة يقولنا على تجربته عشان نستفيد كلنا
متابع
هشام باشا اللمبات ألي عندك دي بتدي نور أزرق جربتها من سنين مشكلتها أنها شكل أكتر منها وظيفة بتبقي ضعيفة علي الطريق حتي لو 100 وات
الزينون قصة تانية خالص أقوي بحوالي 3 مرات من اللمبات العادية مركبه عندي علي الفوجات والواطي بس ماجربتوش في الشبورة خالص(ماعندناش شبورة ) بس أنا ميال لأنه هيبقي أفضل من العادي
تخيل بقى أنا كنت جايبها على أساس انها تدى أضاءة بيضاء طلعت مش كدة هههههههه مع أنى كنت عاوزها أبيض بس نورها تقريبا زى لون النور العادى بتاع العربية
أنا شوفت فى الحرفين كهربائى كان بيركب زينون بصراحة النور بتاعة قوى جدا جدا جدا بس يعمى الى سايق أدامك و ممنوع من المرور
اعتقد ان لو زينون اصف فى الفوات مش ازرق ولا ابيض هايبقى احسن
او ممكن ال 12000 كيلفن اللى هو مدى على موووف شويه ده
الله اعلم بس اكيد نور ابيض او ازرق فى شبوره مش مفيد
متابع باهتمام لاني كنت ناوي اركب زينون في الفوجات
في الشبوره الأخيره دي كان ماشي ورايا بي ام مركب زينون وفاتح النور كل ما اوسعله علشان يعدي ميعديش ويفضل ورايا واضح انه مكانش شايف حاجه بشكل اكبر مني وانا كنت طافي النور خالص معتمد علي الفوج علشان اشوف الخطوط واضاءه الطريق
وكذا حد عندهم زينون بيقولو مبيفرقش في الشبوره .. بس يا تري كل الزينون كده ولا ايه
الزينون مش بيفرق خالص
انا عندي كشافين شبوره خارجي
بيركبو ب مغناطيس قوي علي الكابوت وبوصلهم بالبطاريه واعيش
بلاقي الطريق كله ماشي ورايا :) :)
هما ياباني وكانو جايين من بتاع 15 سنه كده :)
الأضاءه تفرق علشان صفرا جدااااااااااااااااااااااا ااااااااااااااا
وكانو جايين من السعوديه من 15 سنه تقريبا
واول ما ييجو هصورهم علي طول علشان مع اخويا في اسيوط لأنه مسافر بيهم
يا جماعة انا معايا زينون بس على النور العالى ومن كام يوم ماشى على طريق المريوطية والطريق على شمالى ترعة وعلى يمينى غيطان وطبعا مشغل النور الواطى اللى هو أصفر كان موضح الطريق شوية وعلى فكرة الطريق حارة واحدة ومفيش خطوط حارات ولا خطوط جانبية بعدها جيت أشغل الزينون لقيت باين أن لونه بنفسجى ومضيع النور الاصفر اللى أنا ماشى عليه وبعد ما طفيته حسيت أنى مش شايف خالص (الظاهر انه بيزغلل العين)
بس نصيحة والله بجد ملوش لازمة فى الشبورة الجامدة ولو معاك متشغلوش عشان ما يلخمكش
وربنا يستر طريقنا جميعا
الموضوع علميا
الزينون فى الشبوره ملهوش لزمه خالص
لان لونه ابيض والشبوره لونها ابيض فالضواء مش بيقدر يتتخلل الشبوره وبيعدم الرئيه اكتر
على عكس الضواء الاصفر الى بيقدر يتتخلل الشبوره ويمكنك من الرئيه
على وجه عام الزينون ملوش لزمه غير انه شكل جمالى مش اكتر وقوه اضائه اقوى
بس الافضل اكيد هو الضواء الاصفر
لان بيديك قده على تميز الاشياء اكتر من الزينون
على كده الإضائة الصفرا أوي بتاعة الميكروباصات اللي بنشوفها على الطريق تبقي ممتازه في الشبورة انا بتكلم على اللون الأصفر اوي
الكشافات الصفراء دى كان احسن نوع اسمة هيلا و دة ألمانى انا كنت بشوفة زمان دلوقتى ال هيلا مش موجود قوى بس لو جبت كشافين لونهم اصفر حا يشتغلو كويس بس دول ممنوعين من المرور
و دى معلومة اخرى .........((( منقول ))))) طريقة عمل الزينون
يتفاعل التيار الكهربائي مع غاز الزينون ويجب طاقة كهربائية كبيرة لعمل هذا الاتحاد ولاعطاء الاضاءة (ما انفع مدرس كيمياء :graduated )
وهذا السبب اللي يخلي المحولات لابد منها مع شمعات الزينون ..
اختلاف لون الالاضاءة
أما بالنسبة للنور فيختلف لونه باختلاف الغاز ...
فعادة الهالوجين يعطي ازرق ولكن مائل للبياض(يعمي العيون ) مثل انوار الفي اكس آر القديم ...
اما الهيليوم فيعطي ايضا لون ازرق ولكن اقوى نوعا ما من الهالوجين : مثل الجي اكس آر الجديد(جي)
اما الزينون فيعطي لون ابيض ناصع مثل البي ام واللكزس ... وغيرها
لو لاحظنا ان دائما الزينون الابيض يستخدم مع السيارات الفخمة ..
طبعا بالنسبة للسيارات الرياضية يختلف باختلاف الشركات والصنع ...
انواع الزينون
هناك عدة انواع للزينون ... منها الالماني واشهر انواعه ثلاثه(على حد علمي) :
1 ــ hella : مثل انوار البي ام والفياغرا الجديدة
2ــ philips : لون نوره ابيض واحيانا يجي ازرق على حسب الشمعات ..
3ــ osram : ولونه ابيض ...
طبعا بالنسبة للكوري فيجي ازرق جدا جدا عشان كذا ما انصح فيه ولا يكون قوي ...
ونصيحتي للي يبغى زينون ازرق وقوي جدا ياخذ محولات المانية(hella) وشمعات كورية ... تعطيك لون ولا احلى ...
عندي الفوج اصفر والواطي زينون..
في الشبورة الزينون زيه زي العادي لو في الواطي بس المفروض تنزل الفانوس لتحت على اقل حاجة (النور يبقى في الارض قدامك) في عربيات بتتحكم في مستوى الاضاءة..
كده كده لو النور لفوق شوية هيعكس مع ذرات الشبورة ومش هتشوف حاجة..
فكرة الفوجات ان مستواها يكون اقل من الفانوس العادي فتنور في ارتفاع اقل عشان النور ما يعكسش مع ذرات الشبورة وبالتالي تشوف حدود الطريق والناس تقدر تشوفك..
في الفوجات الافضل يكون اصفر عشان العربيات المقابلة تشوف النور بتاعك عشان كده تلاقي معظم العربيات الامريكية النور الصغير بتاعها بينور الاشارتين بنور ثابت على طرف العربية..
ولنفس السبب الناس بتشغل انتظار في الشبورة..
انصح بتركيب زينون في الواطي فقط عشان اضاءة الطريق بدون شبورة (يفضل لو معاه عدسات)
العالي هالوجين عشان ترعش براحتك
الشبورة اصفر على قد ما تفدر