عرض للطباعة
يا جماعه انشاء الله قدامي عربيه نوبيرا مانيوال 2005 لونها اسود فابريقه برة و جوه بس راشه اكصدامات ورا و قدام و حالة الاكصدام الخلفي قد يحتاج الي تغيير ، و تم الفحص في البنزينه و حالتها جيده العداد 85000 كيلو يا تري دي تعمل كام يا شباب ، و كام تبقي عمولة التاجر اللي جايبها لي و شكرا يا ريت الرد انهاردا لاني هاشتريها بكره
56000 وعمولة التاجر حوالي 300ج
شكرا يا فاستر بس ايه رايك في العربيه و ايه نصيحتك ليا
اهم حاجه بص علي العافشه و الرشاشات بتعتها لو بتغيب في الدواره يبقي لازم تقلل من تمنها علشان الرشاشات كنت مغيرها في التوكيل ب 1400جنيه
والعربيه تقريبا من 56000 الي 58000حسب الحاله وربنا يوفقك ان شاء الله وماتنساش تكبس الماتور علي الكمبيوتر
شكرا جدا لكم علي بركة الله
لاشكر علي واجب ربنا يوفقكاقتباس:
المشاركة الأصلية كتبت بواسطة mastersami1
ياريت تاخد بالك من الفرامل والطنابير برضه والشكمان
وتعمل حسابهم في السعر
العفو يا باشا وتحت أمرك وأنا رأيي في النوبيرا أنها عربية كبيرة ومحترمة بالنسبة لسعرها بس ملاحظات الناس والميكانيكية عليها أن عفشتها مش تمام وبعدين سير الكاتينة بتاعها مالوش أمان خلي بالك منه لازم تغيروا وتالت حاجة أن سعرها بينزل بسرعة شوية غير كدة العربية ممتازة من جميع النواحي
وبالتوفيق أنشاء الله