الموضوع: و اخرتها ...... الهم ارحمنا ؟!

المشاركة الأصلية كتبت بواسطة khaled ayman

يا باشا ولا تزعل نفسك ...
انا على الزراعى راجع من القاهره ..بيكون على الشمال فى رصيف ...عرضه حوالى متر ...بس طبعا عالى و مينفعش تطلع عليه
الى حصل والله كالاتى:
1-انا فى الشمال على سرعه 110 والطريق كله بيجرى عادى
2-على شمالى مقطوره
3-ادانى اشاره شمال ..بس كنت قريب منه اوى و هحتاج اكبس فرامل ..رعشتله نور ...وهديت ..قام طافى الاشاره و شاورلى انى اعديه
4-كبست و طلعت اعديه ...
5-وانا جمبه بالظببببببط حدف عليا شمال بطريقه مشوفتش زيها فى حياتى ...
اصلا مفيش فرصه انى افرمل ولا حتى اكبس بنزين ...
انا كل الى قدرت اعمله انى طلعت فوق الرصيف !!! بالنص الشمال بتاع العربيه ...وانا عندى يقين بنسبه 80% ان العربيه هتيجى على سقفها ..ستر ربنا ان العربيه اترفعت جامد جدا ..طبعا صوت رزع جامد تحس انك وقعت فى بركان ...والبرنس بتاع المقطوره فضل زانقنى فوق الرصيف ...لحد ما عدا ...وانا مش عاوز افرمل عشان هتعوم ...
ده تقوله ايه ؟؟
وغيره كتير يعنى ...
متشغلش بالك

بتوع المقطورات دول باشاوات الطريق ملهوش دعوه بينا احنا بتوع الملاكي قلي تحت
حصل فيا موقف مشابه و علي الزراعي بردو كنت ماشي بالعربيه و هوا قدامي علي اليمين كنت بجري و ماسك شمال راح دخل في الشمال بالمقطورة و قطع عليا السكة و انا جاي كابس سحبت فرمله محترمة و لما علقت علي الكلاكس تخيل حضرتك عمل ايه ؟؟؟؟؟؟
فتح اشارة شمال (مع ان المفروض ان الاشارة بتتفتح قبل مايغير الحارة) بس هوا قال عشان اريحو و خلاص
طبعا انا ضحكت
و ممكن تلاقي اتنين بمقطورة ماشين قفلين الطريق و بيتكلموا مع بعض و لما تدي كلاكس يبصلك كده كانك من المريخ و ان العادي بتاعه انو يمشي و يقفل الطريق علينا عشان يتكلم مع الاخ التاني و في منهم قلي شوفته سايب الطارة و ماسك شيشه بايد و ايده التانيه بره العربيه و بيبص عليا و بيضحكلي غير ان هما بيجملوا زلط و يوقع علي العربيات قلي ماشيه وراه و يبهدل الدنيا

المشاركة الأصلية كتبت بواسطة khaled ayman

تقوم انت مفرمل لحد ما يبقى قريب منك ..وتشغل الفوج الى ورا:f_eyeb1[1]: انا عارف انه اسلوب غلط ...بس مهو كله "بتنجان" بقى

ماهي المصيبة إنه بيطلع راجل كبير أو واحد معاه أطفال وماينفعش تغلس على حد إلا لو إنت عارف إنه هيعرف يتصرف

أنا مرة استغاظت قوي من أتوبيس بتاع مصر للسياحة أنا طالع من المنيب وهو جاي من الهرم طاير وعماليحدف يمين وشمال على الناس ماشي بـيه كأنه ماشي بماروتي وال عربيات يمين وشمال بتتحدف على بعض وأنا ماشي على 80- 100وهو قدامي وال ساعة كانت 5- 5:30 يعني الطريق زحمة طول الطريق مش عارف اعديه
بيحدف بـغباوة على الكل المهم أنا متغاظ من أهله وستعنيت لما الطريق التزاحم قوي عند كبري الاوتستراد ورحت معديه من آخر الشارع فينفس الوقت اللي كان بيبعد حد عن طريق كالعادة كنت رامي نفسي قدامه بتعرف العربية لأن اللي هيوقفوا عربية قدامه مش جنبه أول ماشفني راح مفارمل وحدف يمين روحيه حدف نفسي يمين معاه راح كابس بقى المرة دي وواقف وعمل يادي فيكلاكسات
المهم يعني وقعت قلب أمه وكنت هخليه ينط من على الكوبري بس واللهِ أنا عملت كده بس عشان اللي عمله في الناس طول الطريق واللهِ أنا كنت ماشي وراه متنح من اللي بيعملوا

بس إنت ماينفعش مهما ابلت من بهايم إنك تغلس عليهم لإن إنت ماتعرفش هيعرف يتصرف ولا حيودي نفسه ويوديك في داهية

أنا لسة من الجمعة اللي فاتت حلفت لرمي واحد من فوق الكبري بتاع القلعة وفضلت وراه لحد ممراتي قعدِت تصوت جنبي وتقولي حرام عليك هيتقلب ويعني هو مش حرام عليه مكان هيلبسني في نقل من 200 متر وبدله كلاكس بيشتم ومش عاجبه اللذيذ بقى إن نفس الامور ده كان مراخم عليَّ في طلعة شارع في المعادي
وقلت أنا طريقي طويل مش طالبة حرقة دم من أوله

أنا بشوف بلاوي واللهِ وأنا ماشي بس بجد أنا مش عارف احنا سوقتنا بقت كده ليه أنا فاكر من 5 سنين ماكانتش كده مش عارف....

المشاركة الأصلية كتبت بواسطة mbhead

فتح اشارة شمال (مع ان المفروض ان الاشارة بتتفتح قبل مايغير الحارة)

شكلك كده جديد في السواقة هو كده استخدم الإشارة صح إنت اللي فاهم غلط
الإستخدام التاني ل الإشارة هو لما تدي يمين - شمال -يمين -شمال للي وراك عشان تقوله وحياة ماما ما أنت معدي

المشاركة الأصلية كتبت بواسطة mailo

شكلك كده جديد في السواقة هو كده استخدم الإشارة صح إنت اللي فاهم غلط
الإستخدام التاني ل الإشارة هو لما تدي يمين - شمال -يمين -شمال للي وراك عشان تقوله وحياة ماما ما أنت معدي

انا بسوق من زمان اكتر من 10 سنين
هوا فتح الاشارة لما لقاني بزمر عشان يسكتني و خلاص لان كده الاشاره ملهاش لازمه ماهو كسر عليا و خلاص
حضرتك فاهم الموقف غلط بس