تجربة تغيير مقاس الكاوتش للجنط ال 17

**dr_k** · 07-12-2010 01:17 AM

بسم الله الرحمن الرحيم
رجالة نايل موتورز ووحوش السيراتو احب احكيلكم تجربة الكاويتش المقاس الجديد
طبعا الكل عارف موضوع العفشة الناشفة ومشكلة الجنط ال17 و البلالين والحوارات دى
كان فيه احد الاعضاء غير المقاس بتاع الجنط ال17 من 215/45/17 ل 225/45/17 وكان قال انه عمل فرق جامد معاه
لكن الجديد ان انا غيرت المقاس للفرد اللى ورى ل 235/45/17
طبعا مش عارف اوصفلكم الفرق الرهيب اللى انا حسيته بجد يا جماعة الفرق جامد جدا
انا ركبت فردتين ميشلان فرنساوى مواصفاته عالية سرعة w وطبعا تاريخ الصنع الحمد لله كان جديد
وعلى فكرة الكاويتش ما بيحفش ولا حاجة حتى مع الوزن الكبير لكن بجد فرق جامد فى المطبات

**Deshahcoka** · 07-12-2010 05:37 PM

يعني يا باشا حضرتك ركبت 225/45 قدام و 235/45 ورا ؟ هل دا بيفرق في الملفات ؟ حاسس ان العربية بتعوم و كدة يعني ؟ بما انها دفع امامي مش خلفي يعني ! و الف مبروك

**Formulator** · 07-12-2010 06:40 PM

المشاركة الأصلية كتبت بواسطة dr_k

لكن بجد فرق جامد فى المطبات

معلش نرجو التوضيح: حضرتك قصدك فرق فى المطبات ولا الملفات
اللى اعرفه انوا مفروض يبقى اسوأ شوية فى المطبات

وبرده زى ما ComputerKing قال
المفروض ان عربيات الدفع الخلفى عجلها من ورا أعرض مع Radial اقل و ارتفاع اكثر للكاوتش عن العجل اللى قدام (Radial كبير و كاوتش رفيع)

ياريت تفسر لنا شوية علشان نستفيد

**aaet1** · 12-12-2010 03:04 PM

طب يا باشا منين وبكام

**damneder** · 12-12-2010 03:19 PM

المشاركة الأصلية كتبت بواسطة dr_k

اولا بعتذر عن التاخير فى الرد
بالنسبة لاسئلتكم الفرق كبير فى المطبات والثبات مجربتهاش لسة بس اعتقد هتكون افضل من الاول
كمان انا ما غيرتش المقاس اللى قدام يعنى عندى قدام 215/45/17 و ورى 235/45/17 وطبعا ورى زادت فى العرض 2 سم والارتفاع 1 سم

طيب ياباشا معلش لما على كلامك حضرتك العرض زات 2 سم معنى كده انه بقى اعرض من الجنط ولا ايه بالظبط ؟؟
وكمان هل ال 1 سم ارتفاع فى الخلف مؤثر فى العربيه ولا غير ملحوظ ؟

**dr_k** · 13-12-2010 06:13 PM

المشاركة الأصلية كتبت بواسطة aaet1

طب يا باشا منين وبكام

انا جبته من السعودية بس سمعت انه هنا بيوصل ل 1150 جنيه بس مش متاكد

**dr_k** · 13-12-2010 06:16 PM

المشاركة الأصلية كتبت بواسطة damneder

طيب ياباشا معلش لما على كلامك حضرتك العرض زات 2 سم معنى كده انه بقى اعرض من الجنط ولا ايه بالظبط ؟؟

وكمان هل ال 1 سم ارتفاع فى الخلف مؤثر فى العربيه ولا غير ملحوظ ؟

ايوة فعلا هو بارز عن الجنط شوية وعلى فكرة مدى شكل حلو وهجومى اما الارتفاع تاثيره انه رفع العربية شوية و فى الشكل كمان خلاها مش محتاجة تسقيط من ورى بس على فكرة بقى الثبات احلى من الاول

**TheGreat1** · 25-12-2010 09:43 PM

Specification--Sidewall--Radius--Diameter--Circumference----Revs/km--Difference
215/45-17------97mm---313mm-----625mm--------1964mm--------509--------0.0%
235/45-17-----106mm---322mm-----643mm--------2021mm--------495--------2.9%

طبعا لما الفرق يكون حوالى 3% يبقى انت غلطان و بيقى بتظلم العربية و بتظلم نفسك و اسال اى حد بيفهم هندسة العربيات

ده تاثيره مبدئيا على عداد السرعة و التراكشن كنترول و الفرامل الabs عشان كده السنسور يحس ان فى عجل اسرع من عجل و كمان كده gravitational center مكانه مش زى ما العربية تم تصميمها و طبيعى لو العجل ورا اعلى من قدام فى عربية جر امامى يبقى الunder steer زاد على حد علمى

اسال اى متخصص عنده خبرة هندسية عالية ممكن يفيدك اكتر لان الحاجات دى مش باللى منظره حلو