قربة مياه المساحات

**ah-gawad** · 07-12-2010 02:17 AM

النهارده حصلت معايا حاجة غريبة و انا بزود قربة مياه المساحات لاني اول مرة املاهها للاخر لقيت مستوي المياه بينزل لوحده من غير سبب بصيت اسفل العربية لقيت سرسوب مياه من تحت و شوية و بقي التسريب نقط و بعدين قطع خالص فهل ممكن ده يكون ثقب في الخزان ده و كيف يتم اصلاحه هل هو معدن و لا بلاستيك ارجو الافادة و شكرا علي فكرة عربيتي نوبيرا 2004

**pesso** · 07-12-2010 03:03 AM

متقلقش ده حصل معايا بالظبط وأفتكرت زى ما أنت فكرت بص يا استاذى عندك فى الاربه مكان دخول المياه عباره عن زور لو أنت شديت هذا الزور للخارج هيطلع فى أيدك وهتلاقى فى أخره جوان كاوتش ممكن تغيره لو بايظ وممكن طريقه تانيه لو أنت خايف تخلع الزور أضغط برفق على الزور لاسفل ممكن يكون الزور متحرك من مكانه أو مهوى شويه وبهذه الضغطه يرجع تانى وأن شاء الله يقطع التسريب

**mely** · 07-12-2010 04:34 AM

وكمان ممكن يكون الخرطوم الخارج من القربه مخلوع او مقطوع بفعل فاعل (فــــــــــــــــار )

**pesso** · 07-12-2010 01:07 PM

المشاركة الأصلية كتبت بواسطة mely

وكمان ممكن يكون الخرطوم الخارج من القربه مخلوع او مقطوع بفعل فاعل (فــــــــــــــــار )

كلام سليم ممكن قوى ولو قدرت تمسك الفاعل أجعله مفعول به ههه ههه ههه

**ah-gawad** · 07-12-2010 01:44 PM

الف شكر للاستاذ pesso و الاستاذ mely علي مشاركتهم الفعالة و ان كنت ارجح راي الاستاذ pesso لاني لسه من اسبوع الكهربائي فك الزور ده و ركبه تاني اثناء تركيب كتاوت للنور انا هجرب و اقول النتيجة ان شاء الله الف شكر احلي منتدي و الحمد لله علي العودة مرة اخري للتواصل

**ah-gawad** · 08-12-2010 12:18 AM

الحمد لله المشكلة اتحلت انا لما شديت الزور بتاع تزويد المياه لقيته طلع معايا بسهولة اوي و اتضح انه لما يتركب في مكانه له لازم يتلف لفة بسيطه علشان يمسك تمام و الحمدلله جت سليمة شكرا احلي منتدي

**ah-gawad** · 09-12-2010 11:29 AM

يا ريت استفسار كمان هو فوانيس الشبورة بتوع النوبيرا يعملوا كام تقريبا و هما بيتباعوا باللمبات و لا من غيرهم و كمان كنت عاوز اعرف مكان لمحطة بنزين كارجاس بالاسكندرية علشان بفكر احط زيت فيسكو بس يا ريت لو حد جربه يقول ايه الاخبار لاني لحد دلوقتي بحط موبيلxhp ارجو الافادة و شكرا