ياجماعه...السرقه...خلي بالكو.... نصيحه لوجه الله
السلام عليكم ورحمه الله وبركاته
اولا انا بعمل الموضوع ده تحذير ليكم ولابأكم وامهاتكم
انا اخويا نزل امبارح راح البنك عشان يسحب فلوس من البنك وكده وراح يدفع قسط العربيه في البنك وسحب فلوس اخري وحاطيتها في جيبه عادي يعني المبلغ كان 3 الاف جنيه فبعد ماخرج من البنك بشويتين لقي عربيه بتقوله لو سمحت عايز اروح عند جمعيه رساله امشي ازاي وفيها حد بيسوق وواحد قدام وواحد ورا عادي يعني فطبعا وكعاده كل المصريين بيحبوا يخدمه ويساعدوا الناس فوقف اخويا ووصفله انت تمشي كذا وكذا قاله اه اه خلاص شكرا عرفت فااللي ورا نزل لاخويا قاله انا اسف جدا اني بسمعك وانا قاعد فاخويا قوله لاء ياحبيبي مفيش مشكله فقاله احنا خلاص عرفناه شكرا تعبناك وسلم علي اخويا فأخويا استغرب جدااا بس عادي يعني يمكن ناس محترمه زياده عن اللزوم برضه كطبيعه المصريين بنفترض حسن النيه والطيبه قالوله شكراياحاج تعبناك وربنا يجازيك خير ويكرمك قليل لما نلاقي حد يدل حد كده وركبه العربيه ومشيوا بعدها اخويا بيطمن علي الفلوس في جيبه ملقهاش تقولي ازاي اقولك معرفش المهم العربيه طارت الله اعلم اخدوها ازاي بس انا بقوله احمد ربنا انك محستش وهما بيخدوها لانك لو حسيت مش هيسيبوك عشان هيخافوا ياهيخبطوك ياهيضربوك بحاجه فده رحمه من عند ربنا وقضي اخف من قضي والله ياجماعه مش عارف البلد بقي فيها ايه انا وصلت لمرحله لو واحده بتموت قدامي او واحد في الشارع همشي واسيبهم هل بقينا كده ليه قلبنا مات نفترض اللي خارج من البنك واخد الفلوس يعمل عمليه لابوه او امه او في اشد الاحتياج ليها لمراته او اي سبب ليه يكون حالنا كده معدومي الضمير والقلب عموما حسبي الله ونعمه الوكيل فيهم وربنا ينتقم منهم ان شاء الله ووالله بندلعهم في صلاوتنا ان ربنا ينتقم منهم عشان الحرام ده بس الحمد لله انها جت علي قد كده ... طولت عليكم بس حبيت انبهكم عشان تعرفوا عائلتكم تخلي بالهم لان بقي عندهم طرق عديده للسرقه الله اعلم مخدر ولا ايه
وشكرا :satelite: