باركولى .. ركبت بارك سينسور ووحدات رفع والسعر خيالى
الحمد لله وبعد نصيحه الاعضاء ركبت وحدات رفع وبارك سينسور فى التوكيل والاجمل من كده ان كان معايا الاستاذ احمد منسق قسم نيسان (Ahmed T.V)
مش عاوز اقولكم يا جماعه والله الاستاذ احمد ماسبنيش لحظه وانا فى التوكيل لمجرد انى كنت كلمته انى عاوز اركب حاجات فى العربيه
بس بجد انا عملت الموضوع ده علشان الناس كلها تاخد بالها من حاجه مهمه جدااااا وهى ان محدش يركب اى حاجه بره التوكيل خاصه حاجات الكهرباء
انا ليا واحد صديق معاه نيسان 2011 اشتراها معايا فى نفس التوقيت تقريبا ... وكان عاوز يركب وحدات رفع وبارك سينسور وبصراحه انا نصحته وقولتله بلاش علشان العربيه ماتخرجش بره الضمان
لكن للاسف هو ماسمعش الكلام وراح ركب الحاجات دى بره وانا كنت معاه علشان حبيت اشوف الناس بتركب الحاجات دى ازاى
بصراحه كان شغل افتكاسه ومش كويس حتى البارك سنسور الحساس بتاعها كان لونه اسود طبعا مخالف للون الاكصدام وشكله مش حلو ... على فكره الراجل صاحب المحل اكدلنا ان العربيه مش هتخرج بره الضمان...طبعا ده كلام بياعين وخلاص وحتى الضمان كان كاتبه على ظهر الفاتوره ... ولما صديقى ركب الحاجه وعمل صيانه الالف قالوله ان العربيه كده بره الضمان لان اى عيب ممكن يكون السبب فيه الحاجات اللى ركبت
انا بصراحه مقدرتش استنى صيانه الالف ورحت ركبتهم فى مودرن موتورز وكان معايا الاستاذ احمد طبعا والناس هناك استقبلونا استقبال كويس جدا ...فرع ابو رواش..
الاكسسوارات هناك كتيره وزى ما انت عاوز ... هم سالونى عاوز تعمل ايه واخدو مفتاح العربيه وركبو الحاجه
والمفاجاه انهم رشو حساس البارك سينسور بنفس لون الاكصدام بالظبط وكانه جاى مع العربيه حته وحده من المصنع ... بصراحه كان شكلها عجبنى اوى وكمان التقفيل كان اكثر من ممتاز... لا سلك واقع ولا اى حاجه اطلاقا عكس اللى شفته مع عربيه صديقى وكمان عليها ضمان وغير كده هم مسؤلين عن اى شئ يحصل للعربيه ولسه فى الضمان
نيجى بقى للاسعار ...بارك سينسور 250 جنيه....وحدات رفع تايوانى 300جنيه ( 4 باب (واحد واحد ) ... على فكره بره كان اغلى من كده وكمان بره اللضمان خلى بالكم يا جماعه من الموضوع ده اوى
وبجد اللى عاوز اى اكسسوارات يروح مورن ابورواش تحفه بجد وبردو مش عاوز انسى وقفه الاستاذ احمد معايا لحد ما استلمت العربيه وحتى الضمان هو اللى كان بيسال عليه كانها عربيته.
