الموضوع: محطة شل شارع النزهة بارض الجولف

انا اخر مرتين قمت بتغيير فيهم الزيت كانت فى شل ( من قبل كان تغيير الزيت بيبقى موبل وان فى محطات موبيل ) المهم اثناء التغيير رأيت العشر خدماتا المجانية موجودين فى لوحة كبيرة على الحائط فرحت اثناء التغيير سألت عامل المحطة عن هذا الموضوع فراح قالى يا بيه اهم متعلقين كدة من ساعة العرض ( انهى عرض انا مش عارف ) و على العموم انا تحت امرك عايز تكشف على ايه
طبعا حسيت ساعتها ان الموضوع حيبقى اشتغالة و كل ما حيكشف على حاجة من العشرة الحسابة حتحسب ، و موضوع الكشف المجانى على سوائل السيارة و خلافة من خلال عشر خدمات مجانية ده ما هو الا عبارة عن يافطة موجودة فى معظم محطات شل و لا يحرص عليها عمال المحطات و طبعا لا يتابعهم مديرو المحطات ان كانوا فى الاصل لا يعلموا ، ما حدث هذا كان فى محطتين شل الهرم اللى امام بعض فى الثلث الاول من شارع الهرم

يا رب ارحم اهل مصر من كل سوء ومن بعضهم
ايييييييييه السرقة العلني دي في كل مكان وكل حاجة
يا ناس الحل ايه ؟ حقوقنا ليه رايحة كدة
نقاطع الحرامية والمستغلين ونعلن عنهم هنا وفي كل مكان نفضح سرقاتهم لنا ولا نتعامل معهم شوفوا لنا حد يجيب لنا حقوقنا المنهوبة هو حماية المستهلك دي وهم ولا ايييه؟
اي خدمة بفلوسنا نروح نتسرق غصب عنا هو ايه دة
عن نفسي تضامنا معكم انا وكل اللي اعرفهم مش حنتعامل مع شل ومحطاتها وبلغهم انت بقي مش سرقوك
حسبنا الله ونعم الوكيل

المشاركة الأصلية كتبت بواسطة shames50

هو حماية المستهلك دي وهم ولا ايييه؟

لأ.... جهاز حمايه المستهلك مش وهم و لا حاجة في ناس كتير لجأوا ليه و اخدوا حقهم بالكامل او جزء كبير منه و بالرغم من ان دورة كويس لكن مش متفعل حلو
عارف ليه.؟؟؟

لأننا شعب في سلبيه كبيرة جدا و نسبه ضئيله جدا اللى بتدور على حقوقها اللى بتديها له القنوات الشرعيه

عارف لو نسبة الناس اللى بتلجأه للشكاوي الفعاله و اخذ حقوقها من كل المستغلين و كل النصابين و المستغعلين عرفوا ان الناس فاقت و الاجهزة دي بقت بتحميهم فعلا
هيفكروا الف مرة قبل ما يستغلوا حد او ينصبوا على حد ....:)