عرض للطباعة
السلام عليكم ورحمة الله وبركاته
الرجاء النصيحة منكم
انا قدامي بيجو 305 موديل 79 - 1500 وزجاج كهربا وسنتر والعربية مرفوعة 10 سنوات فبريكة من جوه ورشه بره نضافه ولسه معملها عمرة ماتور (18000 جنيه)
و 128 موديل 88 ولسه بردو متظبطه ومعملها عمرة ماتور 1100 (23000 جنيه)
انا شغلي فيه سفر كتير فارجو منكم النصيحة اخوتي اعزكم الله والافادة بمميزات وعيوب كل عربية والاصلح للشراء ان شاء الله وجزاكم الله خيرا
اخوكم في الله احمد محسن
ال 28 بس حاول تهز السعر شوية
نصيحه مني تجيب 128 لان البيجو قطع غيرها ناااااااااااااااااار وبعدين ال 128 سهل اي حد يشتغل فيها وقطع غيرها رخيصه ومتوفره جداااااا
ابعد عن البيجو ال 305 بالذات ....
نصيحة هات ال 28 . بس اكشف عليها كويس
قطع غبار رخيصة وموجودة فى كل حتة وأى ميكانيكى يصلحها .
ال128 افضل لأنها ح تكون موديل احدث وصيانتها اسهل وغيارها ارخص .. يعني ممكن البقال اللي جنبكم يصلحلك اي حاجة فيها .. مش محتاجة ميكانيكي عبقري
المبلغ اللي معاك ممكن تشتري بيه 128 موديل اول التسعينات واعتقد ح تكون 1300 مش 1100
ربنا معاك
128 أفضل من نواحي كتير
الموديل 1988 لوكان 1100 يبقى حلو أوى عليها من 1900:20000 لآن فية من 1988 (1300cc) ولو حلتها حلوة أوى يبقى 21000اقتباس:
المشاركة الأصلية كتبت بواسطة aif
128 ولا كلام يقال بعد اللى اتقال
وفعلا انا عندى قريبى معاه بيجو 205 تقريبا وقطع الغيار نار نار
1000 شكر بجد ربنا يكرمكم على النصيحة
السلام عليكم
انا محتاج عربية في التسيعنات بس تكون في حدود 27000 جنيه
حد ممكن يدلني على اكسيل هاتشباك نضيفة بالتمن ده كتير قلولي ممكن تلاقي في الحدود ديه
يا ريت لو حد عنده يقلي او ينصحني
انا انصحك انك تشترى 132 افضل بالسعر اللى معاك خصوصا انك بتسافر كتير
ممكن تشترى 131 أفضل من الاتنين و اوعى تشترى التركى فكر فى الايطالى انا عندى واحده (مو 80 و أول يد) و مش بعيد عن السعر ده
نصيحة لحضرتك فيات 131 أحسن مليون مرة و لا يعلى عليها في الفيات كله استخير ربنا .
موفق ان شاء الله
لو بتفكر في الفيات يبقى131 بدون كلام ,
اما لو عايز حاجة أحدث بكماليات اكتر (تكييف و باور...) يبقى دور على اكسل أو كيا العصفورة و هتلاقيه قريبين من السعر ده ,
في مواقع كتيره على النت و ممكن من خلال الوسيط أو سوق الجمعة أو معارض ,
يا ريت تدور على مواضيع في المنتدى تساعدك على البحث ...
السلام عليكم
طبعا زى ماجميع الاخوه قالو ال128 افضل
بس هى افضل لانها فى مقارنه مع البيجو305 بس
اما من ناحية تقييمها كعربيه بصفه عامه وبعيد عن هذه المقارنه فمش هى الافضل
بل هى من جيل السيارات الضعيفه جدا
طبعا هى قطع غيارها رخيصه جدا جدا
بس طبعا ده قصاده ان عمر قطع غيارها عمرها ايضا قصير جدا جدا
اما بالنسبه للبنزين هى فعلا موفره فى البنزين
انا حبيت اقولك على بعض الاشياء اللى الاخوه لم يذكروها
مع عدم التعدى على ارائهم
ابعد عن ال 305 خالص
هات اي حاجه تانيه الا العربيه دي :(
البيجو 305 كانت معانا فتره لابأس بها من الزمن
و هقولها كلمه واحده و رزقي علي الله لو عصابه البيجو خطفوني( تبقو لمولي الفديه بلاش شغل عيال:smile:)
ابعد عنها نهائي عربيه تشكك انها مش بيجو كل شويه عند الميكانيكي و العفشجي و كأنها بترفض الاصلاحو الله العظيم مفتكرش انها كانت بتعدي شهر من غير ما تفتح بقها و بقها ده بيصرف كتييييييييييير
305 لا يعلى عليها, قطع غياراغلى قليلا و لكن معمرة اكثر,كانت معي و سافرت بها كثيرا(في يوم سافرت من اسماعيلية الى القاهره الى المحلة الى ميت غمر)و ثابتة جدا على الطريق بس عيبها الوحيد (تقيلة في البيع).
انا رايي مازدا 323 موديل 1982 و انا معايا واحدة لو تحب تعاينها
ال 305 لأ لأ لأ ..................
بلاش ال 305 علشان فطع الغيار غليه و هتتعب علشان تلقيها
و كمان العربيه شكلها مش حلو اووي
انا راي انت تجيب 205 احسن منها مليون مره و قطع غيارها غاله شوية بس عربيه كفائة
و انا بقول ابعد عن ال 128 علشان دي عربية مش تمام معا العلم انها معايا علشان محدش يزعل بس انا بتكلم علي العربية
يعني ايه كل 5 ايام عند الميكانيكي و قطع الغيار كل شهر او 3 شهور حد اقصي ليه انت لو حسيتها صح هتلاقي عربيات تنيه كتير احلي
128 طبعا
كل حاجه فيها سهله
هات ال 128
2b3eed 3an al 30555 deh 3arabeya saye2a lelghayaaaa
kanet m3aya we kanet bet3tal keteeer we sarft 3alaiha keteeeeeeeer
we masad2t anne khelest menha wallahe we bes3er olayel geddan 3ala 2mkaneyat 2l 3arabeya
28 يا عم مش عايزة كلا بس هز السعر شوية
:1eye:
ابعد عن الفيات القديم بانواعه
البيجو 305 قطع غيارها صعبة
و بعدين ايه يا عم الاسعار الغريبة دى
ال 128 موديل تمانينات دلوقت بيتكلوما فى 12000
القديم كله نزل جدا
بيجو504 من 17 الى 23 الف
و ممكن تشوف ريجاتا او مازدا 323 من 23 الى 27
اقتباس:
المشاركة الأصلية كتبت بواسطة meeezo333eg
مع احترامي لحضرتك بس ما اعتقدش ان الكلام ده مظبوط
اقتباس:
المشاركة الأصلية كتبت بواسطة kimo-nubira
خالى شافها فى معرض و صاحبها فى الاول كان طالب 27000 و فضل كل ما يروح يلاقى صاحبها اتنازل شوية 25000 و بعدين 22000 و هكذا لغاية ما راح مالقهاش و عرف انها اتباعت ب 17000
28 عن 28 بتفرق
جرب ال 132 المبلغ اللى معاك يجيبلك 132 بحالة ممتازة جدا مكيفة وباور وازاز كهربا
وممكن فيات 131 وممكن الريجاتا كمان
law awez 128 79 nova
awel yad behaalla very very good
معايا مازدا 323 مو 82 ممتازة مش هتصرف عليها أى حاجة و متزنة جداً و عربية بتاعت سفر و حاجتها رخيصة و متوفرة و إسأل عليها و برقبة أى عربية ثانية و تعال شوف بنفسك
أحمد 0101959294
128 احسنلك فى كل حاجه
يا جماعة الموضوع قديم الراجل كان منزل الموضوع من شهر مارس يعنى من 9 شهور تلاقية اشترى من زمان وفى الغالب اشترى اسكودا فليشيا .:004: