شكرا ليك على المتابعه بس احنا ممكن نحط الايدج سبورت اللى بيتحط بالبسات طالما هو افضل ولا انت رايك ايه
عرض للطباعة
لا الي اعرفه انه ما ينفعش لأن كل عربية وليها الزيت المتوافق معاها
دا الرابط بتاع موقع كاسترول والي بتختار منه نوع وموديل وسعة محرك العربية وهو يحددلك الزيوت المناسبة ليها
http://www.castrol.com/castrol/ifram.......Id=7061487
في نوعين من الزيت ممكن يتحطوا للميجان
النوع الأول كاسترول ايدج ودا زيت تخليقي بالكامل وسعر الـ 4 لتر 260 جنيه
والنوع الثاني كاسترول ماجنتيك ودا نصف تخليقي وسعر الـ 4 لتر 210 جنيه
هو حضرتك معاك ميجان؟؟ اصلها مش واضحة في انواع السيارات المكتوبة في البروفايل بتاعك
عموماً الزيت بتشتريه من عند الفاخوري الي في الحرفيين (خلف حديقة بدر) وبتغيره في اي مكان كويس انت شايفه وبتحاسب فقط على تفرغ الزيت ووضع الجديد مكانه
لكن بصراحة الي انا غيرت عنده الزيت في صقر مش فاكر اسمه انا اعرف بس اروحله ازاي لكن وقت ما حضرتك تحب قولي وانا اجي معاك انا ساكن قريب من هناك
بالنسبة للصيانة ففي اكثر من حد بتعامل معاه في الميجان يعني مثلاً الكهربائي والميكانيكي والعفشجي وبتاع التكيفيات وبتوع قطع الغيار فشوف حضرتك عاوز تعمل ايه وقولي وانا اقولك تروح لمين
عموماً انوي بس انت وانا اجي معاك لو الظروف تسمح او ممكن ابعتلك على الخاص تليفوناتهم على الأقل
بالنسبة للزيت فهو طبقاً لكلام الموقع بتاع كاسترول المفروض ما يفضلش في الميجان اكثر من 12 شهر
وانا تحت أمرك في أي طلب طالما اقدر اعمله
ال بى بى الشريك الاجنبى للشركة اللى انا شغال فيها....وهى شركة تقيلة اوى اوى اوى
تانى او تالت شركة على مستوى العالم
تقدر تقزل ان اقتصاد بريطانيا معتمد عليها
وسمعتها كويسة....مع انها اتعرضت لكارثة فى خليج المكسيك دفعت فيه لامريكا تعويضات وصلت ل 40 مليار دولار
بس ولا الهوى...الشركة شغالة عادى جدا ولسة عاملة اتفاقية مع مصر ب 9 مليار دولار فى البحر المتوسط
فلوس يا معلم:8954[1]:
انا متشكر جدا لردك معلش اصل انا لسه جديد في الميجان وكمان على نايل موتورز وماعرفش موضوع الخاص ده ازاي وبالنسبه للبروفيل ها احاول اعمل له update وياريت لو تسمح تبقى تبعت لي ارقام الناس دي في صقر قريش لاني مش عايز اتعب حضرتك معايا يعني انزلك من البيت مخصوص عشان تيجي معايا صعبه شويه كتر خيرك. بجد الناس هنا في الموقع ما شوفتش تعاون واحترام اكتر من كده ربنا يبارك فيكم
انا متشكر جدا لارقام التليفونات اللي بعتها لي ع الخاص بجد انتم ناس محترمين وبتحبوا تساعدوا من قلبكم ربنا يبارك لكم . شكرا يا استاذ اشرف
انا معايا زميل جزائري في الشغل وهو معاه ميجان 2006 بيقوللي انه بيحط لها زيت توتال وهو ده انسب زيت لليمجان والتوكيل كان بيستعمل برضه توتال بس فيه ملحوظه هما عندهم السيارات ديزل مش بنزين زي عندنا هل ده يفرق وايه رأيكم في زيت توتال
على اعتبار ان الزيت اسمه كاسترول ايدج باسات؟؟؟ و لا كاسترول مثلا هتنزل 300 نوع زيت لل 300 نوع عربية في مصر؟
اكيد ينفع طبعا في الميجان
زيوت محركات الديزل تختلف عن زيوت محركات البنزين
ممكن تبعت لي ارقام الناس الى بتعمل صيانة للرينو في صقر قريش درورى