التوكيل قبل العربيه

**shadymatter** · 07-12-2010 11:53 AM

امبارح رحت اعمل صيانة 5000 لعربية اخويا كيا سيراتو كوبيه خليجى و هو شاري ضمان من شركة AAA .
وصلت التوكيل الساعة 9:30 من غير حجز و قابلت المهندس و قلتله عايز اعمل صيانة 5000 و فى صوت من العفشه قدام و فرامل اليد ضعيفه و الكرسى الى جمب السواق فيه زنه مع المطبات . قالى عايز زيت نوعه ايه . انا استغربت على شان فى عز العرب معندهمش غير نوع واحد . المهم قالى اتفضل فى الاستراحه او ادخل الورشه مع العربيه لو تحب !!!!!!! دخلت اتفرج على الاستراحه لقيت زجاج كبير جدا بين الاستراحه و الورشه وشايف كل حاجه جوه الورشه و الغريب انى لاقيت العربيه دخلت الورشه و الساعه 10 لاقيت المهندس بيقولي العربية خلصت و كل حاجه تمام . جربت العربيه لاقيت كل حاجه اتعملت و مفيش اى صوت و فرامل اليد بقت تمام رحت حسبت و مشيت وانا فى قمت السعادة لانى متعود فى عز العرب انى اروح الساعه 9 وامشى الساعة 4 .و قررت بعد كده انى اختار التوكيل قبل العربيه .

**elmadawy** · 07-12-2010 12:02 PM

بس علي فكرة توكيل عز العرب في تحسن وانا بصراحه في الاسكندريه بروح اعمل الصيانه ناس محترمه وفي اقل من ساعة العربية بتخلص علطول والله اعلم

**sayed911** · 07-12-2010 12:12 PM

انا عايز اقول لحضرتك على حاجة انه حضرتك بدأت كلامك بأنه ده مركز يعني ليس له الا سمعته يعني اذا لا قدر الله فقد شئ عملائه بعدم التعامل النظيف فبيكون فقد اكثر من عميل وبس يعني ملوش غير سمعته وعلى العموم انا ان شاء الله انهاردة بالكتير ها اعمل موضوع كامل عن صيانتي للألف للساجا وها تصدم من لما تعرف المعلومات اللي عندي ...

**أبومعاذ** · 07-12-2010 01:05 PM

الغريب ان الناس دلوقتي بتشتكي مر الشكوى من توكيل كيا
عموما الاتنين كويسين بس عندهم مشاكل

**shadymatter** · 07-12-2010 02:02 PM

المشاركة الأصلية كتبت بواسطة أبومريم

الغريب ان الناس دلوقتي بتشتكي مر الشكوى من توكيل كيا
عموما الاتنين كويسين بس عندهم مشاكل

انا بتكلم عن توكيل aaa للسيراتو الخليجى مش المصرى

**أبومعاذ** · 07-12-2010 06:19 PM

المشاركة الأصلية كتبت بواسطة shadymatter

انا بتكلم عن توكيل aaa للسيراتو الخليجى مش المصرى

ما هي نفس القصة أي توكيل طول ما الضغط عليه قليل بيبقى كويس زي توكيل كيا قبل ما السيراتو تنزل كان من احسن التوكيلات في مصر بس لما نزلت وعدد العربيات بقى كتير والضغط زاد بدات المشاكل تظهر

**RedBull_30** · 10-12-2010 05:14 PM

مفيش اسوأ من عز العرب تحديدا مع بروتون.. اسمع ان قسم بي ام دبليو او كرازيلر في التعامل احسن بكتير من بروتون .. بس اللي حصل حصل كرهوني في العربية منهم لله ولو ربنا كرمني بحاجة زي البي ام مش هجيبها من عندهم ولا هخليهم يلمسوها