الشراء من مودرن والتقسيط من كونتكت

**flavio_egypt** · 07-12-2010 12:40 PM

السلام عليكم ورحمة الله وبركاته

الاخوة الافاضل اريد المساعدة منكم بخصوص الشراء من مودرن موتورز فرع المساحة بالدقى هل يوجد احد مكنم يعرف مسئولى المبيعات هناك بشكل يساعدنى على إنهاء الشراء بسرعة
وثانيا انوى إن شاء الله التقسيط وقد قالوا لى فى مودرن ان افضل تقسيط يكون من خلال كونتكت كارز ولكن عيب كونكت كارز الوحيد انهم يأخذوا توكيل بالسيارة
ثالثا هناك تامين من خلال شركة مودرن مع شركة رويال يوفر الاصلاح مباشرة فى مراكز صيانة مودرن موتورز
ارجو الافادة برأيكم وجزاكم الله خيرا

**Ahmed.TV** · 07-12-2010 12:47 PM

جارى التواصل مع حضرتك على الخاص

وتقبل تحياتى

**SonaSteel** · 07-12-2010 01:31 PM

طيب مجربتش بنك الوطني للتنمية (ابو ظبي الاسلامي)
انا ان شاء الله هاقسط معاهم ... وهابعت لحضرتك رقمي علي الخاص لو عوزت تسأل علي حاجة
المشكلة في كونتكت ... التوكيل فعلا علشان كده شوفت ابو ظبي .... وشيوخ قالت عليه معملاته اسلامية
ولو عوت حاجة انا تحت امرك ........... :))

**Ahmed.TV** · 07-12-2010 01:38 PM

بارك الله فيك يا حسين
وعلى روح التعاون اللى فيك وعلى مساعدتك
وفعلا انت من الشخصيات المحترمة

وهى دى روح كل الاعضاء بينا فى قسم نيسان ويارب تدوم دايما
وان شاء الله تستلم على خير انت كمان باذن الله وتخلص امورك على خير

**SonaSteel** · 07-12-2010 07:04 PM

المشاركة الأصلية كتبت بواسطة ahmed.tv

بارك الله فيك يا حسين
وعلى روح التعاون اللى فيك وعلى مساعدتك
وفعلا انت من الشخصيات المحترمة

وهى دى روح كل الاعضاء بينا فى قسم نيسان ويارب تدوم دايما
وجزاك مثله يابو حميد ... والله ياحبيبي انا بتعلم منك ومهما عملت مش هاعرف اعمل زيك

بس ها تلميذ بقي

وان شاء الله تستلم على خير انت كمان باذن الله وتخلص امورك على خير

امين يارب العالمين ......... دعواتك يابو حميييد

المشاركة الأصلية كتبت بواسطة flavio_egypt

جزاك الله خيرا اخى الفاضل حسين وربنا يكرمك وتستلم على خير

ربنا يبارك في عمرك يا ا/وائل وانا اتشرفت بمكالمة النهاردة والله وخلتني اخد بالي من موضوع التأمين ده ... وان شاء الله هحاول اسأل علي اللي انت قولتلي عليه .... بس انا نسيت الجمله والله عمال افتكر فيها مش فاكر

ههههه ....... وبكرة هحاول اعرف شركة التأمين اللي شركتي مأمنة معاها ... ربنا يكرم ان شاء الله
ومستني رد حضرتك برده بالنسبة لرويال لو لازم من مودرن ولا لا ..... واتأكد برده من النسبة كام
ربنا يعينك وتستلم علي خير يارب .... واي اي اي حاجة عايز تعرفها او عايز تجيبها وخصوصا من البنك لو نويت ان شاء الله أستائذنك تقولي وان شاء الله مش هتاخر عليك ........ وربنا يجعلها معرفة خير

ان شاء الله

**SonaSteel** · 08-12-2010 05:28 PM

المشاركة الأصلية كتبت بواسطة memo_emam45

بص يا سيدي بكل صراحة انا اشتريت من الفرع ده عربيتي مودرن موتورز اللي في شارع المساحة
حقولك حاجة انا بصراحة مرتحتلحمش للدرجة لان مواعيدهم في التسليم مشمظبوطة نهائيا قالي هيسلمني بعد اسبوع وسلمني بعد 3 اسابيع وفي الاخر مداليش اللون اللي كنت عايزه والكلام ده من قريب من حوالي شهر واسبوع بالظبط
اما بالنسبة لشركة التأمين رويال اللي تبع مودرن فنا عندي زميلي شغال في التأمين وهو صاحبي جدا فعملي مقارنة لقيت ان شركة رويال دي بصراحة مشكويسة خالص هيقولولك في مودرن ان ميزتها انك لو حصلت حاجة هتصلح عندنا بس دي مشميزة من وجهة نظري لاني بعد متعاملت معاهم في مودرن في الشرا كرهتهم واتجعت لسبعاوي في الصيانة اما لو عايز شركة تأمين كويسة فأنا ممكن اقولك علي شركة الريت بتاعها هيبقي اقل من رويال وفي نفس الوقت نضيفة جدا في التعامل بس مشعارف عادي اني اقولك ولا لاءة لحسن حد يقول اني بعمل دعاية لشركة وانا اعرف فيها صحبي مع انه مش شغال في مجل تأمين السيارات لكن هوا بيظبط في الريت بتاع لتأمين
وده رأيي بكل صراحة وبدون تجني علي مودرن لان انا بكره الانسان اللي مشمنتظم في مواعيده

جزاك الله خير اخي علي مشاركتك ديه فعلا اللي هاتطلعنا من الحيرة بتاعة الشركات ديه
انا بعت لحضرتك رساله علي الخاص علشان اعرف اتواصل معاك
وبالنسبة للشركة ممكن لو الادارة شايفة اننا لو قلنا اسمها عادي ممكن نبقي نفيد بيها باقي الناس ان شاء الله
مستني رد حضرتك ان شاء الله