باالصور...عندي مشكلة في جنط ال 17'' !!!

**mouro_2010** · 07-12-2010 12:59 PM

اولا: احب اشكر المنتدي الاكثر من رائع ده واللي لازم ادخله كل يوم حتي ولو من غير ما اعمل موضوع :)
ثانيا: امبارح العربية نزلت في بلاعة طويلة كده و عميقة :( عند سور المطار اللي قدام الكلية الحربية عشان تاخدو بالكم)
فا نزلت بصيت عل العجل الادماني شمال, لقيت بالونى صغيرة كدة (كنت دايما اسمعكم تقولو بالالين ومكنتش عارفها لحد امبارح بسسسس )... فا رحت لبتاع كاوتش كده جمبنا ...قاللي يا باشا دي هتكبر مع الوقت وتبقى أخطر!!! فقال اجيلو النهارده عشان "يرصص الكاوتش" حاجة زي كده يعني , بدل ماشتري واحد جديد بحوالي 750!
ثالثا: دي صورة من العجل "المصـــــــــــــــــا� �:
فأرجووووكم اسالكم النصيـــــــــــحة عشان اهم حاجة عندي الأمان ومبحبش ابقا ماشي مقللللق ! وآسف على الإطالة

**A.Saad** · 07-12-2010 01:04 PM

ايه علاقة الترصيص بالبالونة ؟؟؟

**salodas** · 07-12-2010 01:39 PM

مش خبير
بس رأيى أنك تخلص مع بتاع الكوتش وتشوف النتيجة لو مش عجباك رجااء غير الفردة وريح دماغك (سلامتك تهمنا )

**aymanay32** · 07-12-2010 03:19 PM

طيب دى مالهاش علاج مثلا
او تنفع حتى تبقى استبن

**damneder** · 07-12-2010 03:58 PM

المشاركة الأصلية كتبت بواسطة aymanay32

طيب دى مالهاش علاج مثلا
او تنفع حتى تبقى استبن

بس يا باشا الكاوتش اكتر حاجه بنهمل فيها رغم انها اكتر حاجه لازم نهتم بيها لانها بتشكل خطر كبير على العربيه
وبالنسبه للترصيص ده عشان يظبط الجنط نفسه مش الكاوتش
انما الكاوتش مش عارف بقى بصراحه غالبا ملهوش حل غبر انه يتغير
لان المشكله دى حصلت مع واحد صاحبى وغير الكاوتش
ولو على الاستبن ممكن تخليها استبن بس ما انصحكش
الاستبن لازم تبقى مطمن له عشان لقدر الله لو على طريق سفرتبقى مستريح لو ركبته ربنا لا يوريك اللى انا شفتهه بسبب ان الاستبن اللى بيبقى اى كلام

**shod90** · 07-12-2010 04:29 PM

انا كمان عندى حاجة زى كدا بس صغيرررررررررررة .. دى علاجها حاجة واحدة بس ! .. انك متخدش حفر على سرعة على قد متقدر غير كدة هتزيد و الكاوتش يفرقع لا قدر الله ..

**ALSHARIEF** · 07-12-2010 04:38 PM

المشاركة الأصلية كتبت بواسطة mouro_2010

اولا: احب اشكر المنتدي الاكثر من رائع ده واللي لازم ادخله كل يوم حتي ولو من غير ما اعمل موضوع :)
ثانيا: امبارح العربية نزلت في بلاعة طويلة كده و عميقة :( عند سور المطار اللي قدام الكلية الحربية عشان تاخدو بالكم)
فا نزلت بصيت عل العجل الادماني شمال, لقيت بالونى صغيرة كدة (كنت دايما اسمعكم تقولو بالالين ومكنتش عارفها لحد امبارح بسسسس )... فا رحت لبتاع كاوتش كده جمبنا ...قاللي يا باشا دي هتكبر مع الوقت وتبقى أخطر!!! فقال اجيلو النهارده عشان "يرصص الكاوتش" حاجة زي كده يعني , بدل ماشتري واحد جديد بحوالي 750!
ثالثا: دي صورة من العجل "المصـــــــــــــــــا� �:

فأرجووووكم اسالكم النصيـــــــــــحة عشان اهم حاجة عندي الأمان ومبحبش ابقا ماشي مقللللق ! وآسف على الإطالة

قدر الله و ما شاء الله فعل .............. سلامتك و سلامة السيراتو و جنطها و كوتشها ......... ماتشيلش هم و توكل على الله ............. أنا عايز أعرف حضرتك ساكن فين بالضبط علشان أنا ساكن فى الهرم و عندى واحد فنان بمعنى الكلمة فى موضوع الكاوتش و كده و أجمل حاجة فيه إنه لو هاينفع يعالج المشكلة عندك بكل أمانة هيقولك و هيعملهالك زى الفل لو مش هينفع هيقلك بكل أمانة ............. تليفونى 0106502185 و أنا تحت أمر حضرتك فى أى وقت .

بالنسبة للأخ بتاع الكاوتش لو هيعمل ترصيص زى ما قال لسعادتك ده هتكون الخطوة التانية لو فك الكاوتش علشان يرمم الفقاعة ده بجهاز معين كده أنا شوفته بتاع بريدجستون و بالتالى بعد ما هيخلص هيحتاج يعمل ترصيص .

إن شاء الله الموضوع خير .................... و تقبل مرورى أخى الفاضل

**amir** · 07-12-2010 04:41 PM

المشاركة الأصلية كتبت بواسطة shod90

انا كمان عندى حاجة زى كدا بس صغيرررررررررررة .. دى علاجها حاجة واحدة بس ! .. انك متخدش حفر على سرعة على قد متقدر غير كدة هتزيد و الكاوتش يفرقع لا قدر الله ..

اكبر غلط يا كبير و هقولك ليه

الكاوتش التيوبليس بيكون في سلوك ماشيه مع محيط الكاوتش

مجرد وجود اي انتفاخ في الكاوتش و بالذات في الاجناب اللي اساسا مش بتدوس علي الارض (مش اقوي منطقه في الكاوتش) ده بيخلي الكاوتش عرضه للانفجار اثناء السير مش فكره مطب او بلاعه حتي

الجنط ممكن يتعدل ماشي لكن الكاوتش محتاج تغيير فوري و ربنا ما يوريك خطر الاستهانه بالموضوع ده لأنه حصل مع والد واحد صاحبي و صاحبي نبهه اكتر من مره ان الكاتوش محتاج يتغير ضروري
عايز اقولك لولا ستر ربنا كان زماني نازل اروح اشوفهم في المشرحه بدل ما رحتلهم علي الطريق الصحراوي

بلاش مغامره خصوصا مع الكاوتش ربنا يستر طريقنا جميعا