عشان كدة انا قلت لحضرتك روح لكهربائى كويس هو هايتصرف
الكهربائى اللى روحتله نزل تحت العربية و دخل ايده من ورا الاكصدام و فك الكلاكس بمنتهى السهولة بدل مايفك فبرة الصدر و يعمل فيلم
عرض للطباعة
عشان كدة انا قلت لحضرتك روح لكهربائى كويس هو هايتصرف
الكهربائى اللى روحتله نزل تحت العربية و دخل ايده من ورا الاكصدام و فك الكلاكس بمنتهى السهولة بدل مايفك فبرة الصدر و يعمل فيلم
انا فكيته قبل كه وحقولك على الطريقة
تنزل تحت العربية حتلاقى فبرة سودة تحت الاكصدام وليها 4 مسامير 10 و4 مسامير فبر
وتدخل ايدك من تحت حتلاقى الكلكس فى وشك
بس يستحسن تعمل الكلام ده على مجرى علشان تاخد راحتك ولو ملقيتش ممكن تجيب طوبتين اسمنت وتطلع عليهم بالكاوتشين اللى قدام بس ... انا عملت كده وغيرته
وقريبا ان شاء الله حارفع الصور بتاعتها
انا كنت رديت معرفش الرد راح فين
هى نفس الفكرة بس الكهربائى بدل مايعمل الفيلم دة كله نزل تحت العربية و دخل ايده من ورا الاكصدام و فك الكلاكس بمنتهى السهولة
ألف شكر يا رجاله
وانا منتظر الصور
موضوع الكلامس ده فكرنى لما كنت بركب فوانيس شبوة فى الالنترا 2011 .. كنت ناوى أركبهم عند كهربائى
وبعدين قلت مش حكاية هركبهم أنا .. اكتشفت أثناء التركيب إن كل المنطقة إلى ناحية الآكصدام الأمامى الشغل
فيها صعب جدا وضيق جدا .. بس قلت برده ولو :mad2: .... هركبهم يعنى هركبهم .. طبعا طلعت عينى وعين اللى خلفونى :dzey: وفى الآخر اضطريت أفك الكارتيرات المامية والعجلتين فى الأمام علشان أعرف أربط الفوانيس ومنفعش أى مفك غير مفك صليبة (دؤرمة) بيد قصيرة جدا لأن ما فيش مكان لمفك طويل .. الفانوس له
أربع مسامير ربطه على ثلاثة فقط علشان من رابع المستحيلات توصل للمسمار الرابع ... لكن الفانوس رابط
كويس جدا على 3 مسامير .. وطبعا توصيل الكهرباء كان حكاية بس فى الآخر نجحت وبصراحة شغلك فى عربيتك
بيكون له طعم تانى ... كان نفسى أصور عملية التركيب بس بصراحة كنت مش طايق نفسى لأنى بصراحة
تعبت جدا جدا خصوصا إنى عملتها وكان عندى دور برد جامد قوى ...
نصيحة لصاحب موضوع الكلاكس إوعى تيأس أبدا وحاول لو كنت غاوى وما تفكرش فى الضمان واستمتع بالهواية ..
مشكلة السيارات الالنترا فى حاجتين الكلاكس و الانذار ودى مشكلة كانت معايا فى عربيتين النترا 2008 و 2009