.... وخلصت الحدوووووته -لك الله يا مصر-

**mr_vampire** · 07-12-2010 10:11 PM

المشاركة الأصلية كتبت بواسطة A7MED_PHARMA

محدش يفهمني غلط ياجماعة
خطأ مطبعي لولبي
الدنبا حلوة .. ومصر بخير..ومسيرة الإنجازات متواصلة
عمار يامصر .. عمار يامصر
والشقق فاضية .. والأكل رخيص .. والشباب هايص .. والرواتب عالية
ومحدش فقير..والناس كلها بتنام متعشية تشيـــــس برجر+ بيتزا بورسليانيتو
والحالة النفسية للشعب في السما
وكرامتنا محفوظة قدام العالم كله...ده أنا حتى فاكر إن الحرب قامت بينا وبين السعودية بسبب لأطباء المصريين إلي إتجلدوا هناك
وهزمنا ألمانيا في الحرب العالمية الثالثة ..بسبب الشهيدة مروة الشربيني

وعمار يامصر
وطني .. وطني
هوووووو هوووووووووو

هههههههههههههههههههههههه ايوة كدة ارررررررررررررررررررررجع وقول الحق

بس نسيت تقول ان فرص العمل كتييييييييييييييييييييييي يييييييرة بس الشباب بيتدلع وعايز ينام ويأنتخ. فعلا شباب اوزو موزو خالص ومش بتاع شغل

**m_car** · 07-12-2010 10:16 PM

حسبى الله ونعم والوكيل فى كل كلب عمل تزوير وحسبى الله ونعم الوكيل فى كل واحد ماشى ورا الحزب الواطى

**eng_volto** · 07-12-2010 11:17 PM

بعد كده مفروض بقى ميوجعوش نفسيهم بمناقشه قوانين جوه المجلس
هما يطلعو القوانين من الحزب من بره بره على طول بقى
هى ده الحياه السريعه ناس بتنجز انتو مش فهمين حاجه ومش مقدرنهم
هم بيعملو كده علشان مصلحتنا
بس تقول لمين
احنا شعب ظالم ونيته وحشه

انا الى غظنى وعلى ضغطى اعلان الحزب الوطنى
علشان تطمن على مستقبل ولادك
http://http://www.youtube.com/watch?v=TlUfAmUNa_8

هو الناس ده فكرها عالى اوى

انتو فكرين البطاله ده موجوده كده فراغ
ده تكتيك عالى
لما يبقى فى بطاله يبقى كده مفيش شباب هتتجوز
يبقى كده معندكش اولاد
يبقى كده تموت وانت مستريح وانت مش شايل هم حد
وبكده اسهل طريقه تطمن بيها على مستقبل عيالك الى انت لسه مجبتهمش

شوفو هما بيفكرو فى مصلحتنا ازى
وهقولها تانى احنا شعب ظالم ونيته وحشه

**SkyBird** · 08-12-2010 10:26 PM

اتضح لي ان الحزب الوطني مظلوم
يا جماعة مش الحزب اللي بيزور ولكن المرشحين ومناصريهم هما اللي بيزورو
بدليل ان حصل تزوير في دواير كان المرشحين فيها حزب وطني صرف يعني اي واحد يفوز هو حزب وطني والخاسر حزب وطني
فالحزب ملوش مصلحة يزور اصلا لانه كده كده فايز

وعلشان اثبت لكم كلامي
شوف اي منطقة تتسم بالعائلية او القبلية وشوف لجنة التصويت لما تكون داخل النطاق الجعرافي لعائلة مرشح ما اتحدى اي مرشح تاني يبعت له مندوبين لانهم هياكلوا ضرب لما تطلع عنيهم
انا عائلتي لايمكن تسمح لمندوب مرشح اخر من دخول ارضها وبكده الامور تبقى بيس يا معلم والاصوات تتقفل بكل حب وانانية
والفعل ده مش مدبر من الحزب ولكنه شئ فطري في الشعب المصري
لازالت العائلية والقبلية هي المسيطرة على الشعب المصري
لسه كثير على ادراك الديمقراطية كثقافة ومنهج قبل ما تكون انتخابات حرة ونزيهة
لكن ناس كثيرة فاكره ان الديمقراطية يعني انتخابات نزيهة