-
ترموستات الكوع
بسم الله الرحمن الرحيم
الموضوع ده بتاع فادي hellboy بس ضاع لما المتدى وقع..
جزيل الشكر للمهندس محمد حمدي Caboo كان عندو نسخة ورفعهالنا...
الترموستات..
هي عباره عن شكل مخروطي من النحاس (لانه يكتسب حراره بسرعه ويفقدها ببطيء) وله بوابتين للفتح والغلق تحت كل بوابه سوسته لارجاع البوابه مكانها كما هو موضح بالشكل ..
http://img704.imageshack.us/img704/8...image002jj.jpg
Uploaded with ImageShack.us
مكانها....
ناحيه الشمال كده هتلاقي كوع انتيمون خارج منه خرطوم ميه يربط بين المانفول والرادياتير الترموستات داخل الكوع ده ..
وظيفتها...
وظيفتها الاساسيه المساعده في تسخين الموتور صباحا والحفاظ علي حرارته المثاليه اثناء السير
اليه عملها..
هي فكره عبقريه من الالمان والفكره انها تقفل علي الميه السخنه اللي داخل الموتور للحفاظ علي درجه التشغيل المثاليه وفي نفس الوقت تسمح لباقي مياه التبريد الموجوده في الرادياتير انها تبرد في مواسير الرادياتير المواجهه لاصطدام الهوا الي ان تصل درجه حراره الموتور ل82د (مكتوب علي الترموستات) تبدا الترموستات تفتح بوابتين واحده علي مانفول الميه والتانيه علي الكوع الانتيمون نفسه علشان تعمل عمليه ريبلاسمنت او ازاحه للميه السخنه(تاخد دورها علشان تبرد) وتحل محلها الميه البارده (لتلطيف درجه حراره الموتور) وهلما جره .
كيف تعمل؟
لما الميه بتسخن وتصل للدرجه المطلوبه في بنز في نهايه الترموستات بيتمدد رافعا البوابه الكبيره وخافضا البوابه الصغيره وبكده بيفتحوا هما الاثنين في نفس الوقت ولما تبرد الميه بينكمش البنز وتساعد السوست في رجوع البوابات مكانها ...عملت تجربه عمليه في البيت علشان اوريلكم ازاي الترموستات بتفتح ,اولا دي صوره الترمو.وهي راكبه في الكوع وقافله تماما (البوابه الكبيره تحت سن القلم).
ثانيا.حطيت ميه في اناء علي البوتجاز ولما الميه بدات تغلي نزلت الترموستات فيها .لاحظت انها بدات تفتح زي ما قولنا وبعد دقايق بدات تبرد وتقفل زي الاول ,ودي صورتها اول ما نزلت من الميه السخنه وتلاحظوا ان سن القلم نزل تحت البوابه دليل انها فاتحه .
http://www.freeimagehosting.net/uplo...09c94b44bd.jpg
اضرار عدم وجودها..
بعض الميكانيكيه العباقره بيعتقدوا انها بتسخن الموتور وده بيضر به وبيشيلوها فعلا وبكده بتبقي الميه كلها في الدوره اما سخنه جدا (لو ماشي في وسط الزحمه مثلا) او بارده جدا (لو مسافر طوالي) وده اضراره في ان الموتور بيبقي بارد الصبح العربيه تنتش وماتجمعش سرعات وتستهلك بنزين +ان في ضرر علي وش السلندر نتيجه تعرض الموتور لحراره عاليه ثم بروده اثناء السير ..عن تجربه شخصيه اثناء تحضير الموضوع ده سافرت بدون ترموستات الحراره كانت علي الازرق والعربيه مش مضبوطه وزاد استهلاك البنزين بنسبه 13% .
-
ياريت يافادي لو ترفع الصور تاني...
-
1000 شكر للمهندس محمد حمدي , وحاضر يا بيدو هرفع الصور تاني .
-
ماشيه معاك يعم فادى موضوعك رجع اهه وملكش حجة
وشكرا للمهندس
-
ابه بار جالة انتو بتشكرونى !!!
نشكر صاحب الموضوع الرئيسى انا يادوبك خد كوبى بست بس
-
يا سلام
المواضيع الحلال عمرها ما تضيع
-
على فكرة انا معايا لادا 2107 واتبهدلت فى السفر مع اسرتى بسبب درجة الحراره
ومفروض رحلة السفر 6 ساعات اخدت معانا 12 ساعة
والحمد لله وصلنا ولما وديتها الميكانيكى لغى الترومستات الميكانيكى بتاع الكوع
ولما سالت قالوا لى ان ده منتشر فى اللادا
وحاليا بقالها كام شهر بدون ترموستات ميكانيكى
(( سد مكانها بقطعة خشب ))
-
اعتقد الادا غير الاوبل لان بتاعة الاوبل مينفعش مكانها يتسد ممكن تتشال اه
عشان لو اتسدت المية مش هتعرف تعدى للموتور
-
هو ليه المواضيع المهمة بطلت تتثبت؟؟
الموضوع ده قبل ما المنتدى يقع كان متثبت!!
-
لازم السؤيرفر يظبط الأول و بعدين نثبت
Content Relevant URLs by
vBSEO 3.6.0 PL2