الموضوع: صيانة الـ 5000 كم فى مركز صيانة إسكندرية..

المشاركة الأصلية كتبت بواسطة elmanahry

الف مبروك على صيانة الخمسة الاف والف سلامة لابنتك من عملية اللوز ونقول حمدلله على سلامتها استطيع ان افيدك فى شئ واحد من كل شكواك اول شئ استفدت من الاستاذ عماد حبيب فى جزئية فلتر الهواء فدلنى على تغيير فلتر الهواء بنوع تويوتا كورولا وفعلا غيرته بنوع مصنوع فى كوريا تمنه 40 جنيها ولاحظت تغيير ملحوظ فى السحب وان كان لى طموح اكبر ان اركب فلتر هواء k&n الذى يوضع فى العلبة بدلا من الاصلى ولكن عيبه ان تمنه غالى وهو موجود عند عادل وجدى فى الحرفيين قال لى احد المعارف انه وضعه فى العلبة بدل الاصلى وزاد سحب السيارة جدا من ناحية صوت الموتور قال لى صديق ركب السيارة الميتسوبيشى سابقا ومعه الان تويوتا قال لى ان صوت الموتور الميتسوبشى عالى وقال لى تعبير بالبلدى صوته غجرى عن صوت موتور التويوتا ولكن اذا لاحظت زيادة الصوت عن معدل صوت السيارة الميتسوبيشى فحقك المطالبة بوطى الصوت فى الصيانة صوت مروحة التكييف عندى عالى لكن فى وقت الصيانة نسيت ان اتكلم عن هذا الموضوع مع المهندس واتمنى ان تحل كل المشاكل لانها غير جوهرية

الدكتور الفاضل المناهرى
السلام عليكم
شكرا جزيلا لتعقيبك ومشاركتك المفيدة..
إن شاء الله هغير الفلتر وأجيبه افضل نوع.. لوغالى ونضيف ويحسن أداء العربية فهو بالفعل رخيص وليس غالى.. لو حافظ لى على معدل 280 كم فى الصفيحة بدل 200 فمعنى كده إنه فى التفويلة بيفرق 80 كم يعنى تقريبا 15 جنيه تقريبا فى المرة وده رقم مش صغير مع إستهلاك 2000-2500 كم للسيارة شهريا..

ياريت بس حد يقول لى أروح للراجل اقول له عايز فلتر إيه بالظبط؟؟ يعنى له رقم مثلا و لاأقول فلتر متسوبيشى وخلاص؟؟

على فكرة إذا كان تغيير الفلتر حيهدى الصوت فده معناه إن اللى فى دماغى صح بخصوص صوت الموتور .. هقول لكم عليه بعدين إن شاء الله تعالى

وشكرا لكم جميعا

والسلام عليكم ورحمة الله

المشاركة الأصلية كتبت بواسطة ziabassem

أولاً : ألف سلامة على أولاد حضرتك .. وإن شاء الله يكونوا في أحسن حال وتمنياتي ليهم بالشفاء .

ثانياً : أعتقد أن موتور المتسوبيشي بيبقى صوته عالي شوية .. بس مش عالي بشكل مزعج إنما يدل على قوته .. واحتمال يكون الصوت العالي ده راجع أنه بكامة واحدة sohc .. وفلتر الهواء كل ما كان نوعه كويس حيقلل الصوت شوية (فيما عدا الفلاتر الرياضية اللي بتعلي الصوت) وحيزود السحب .

أعتقد أن معظم مشاكل حضرتك اتحلت وأن أداء التوكيل كان مرضي وفي تحسن مستمر وهم بالفعل مشكورين على ذلك المجهود في دعم خدمة ما بعد البيع .

عاوز ألفت نظر حضرتك أن معدل استهلاك البنزين بيعتمد على حاجات كتير .. وبيختلف طبقاً لظروف الطريق .. وكمان مود السائق أثناء قيادته للسيارة إذا كان عنيف ولا هادي بالإضافة طبعاً إلى نوعية البنزين وظبط الموتور والفلاتر والبوجيهات .

وأخيراً ألف مبروك على الصيانة .. وعقبال صيانة المليون .

شكرا لمداخلتك أخى الفاضل..
الموتور المتسوبيشى فعلا على وجه العمم صوته عالى.. لكن هل سمعته فى العربية عند 120 كم/ساعة مثلا؟؟ فعلا عالى جدا .. المهم هنتكلم بالتفصيل لاحقا فى الموضوع ده..
بالنسبة لتوكيل إسكندرية أداءه ممتاز وربنا يبارك لهم ودى كانت أول زيارة لى ومحت أثار تجربتى السيئة فى القطامية
أما أستهلاك البنزين وظروف القيادة فقد شرحتها من قبل بالتفصيل وأحب أقول من باب المداعبة .. مافيش عربية فى مصر متتمناش تمشى المشاوير اللى بامشيها بالعربية بتاعتى.. طرق سهلة وسلسة.. مفيش إشارات إلا إشارة الطريق الدائرى عند الأكاديمية.. مفيش مطبات إلا نادرا جدا ومعظمها مطبات صناعية جيدة.. سواقة معقولة على 90-100 كم ساعة.. أغلب الوقت أنا وزوجتى فقط فى السيارة.. مفيش تكييف.. ركنة خاصة فى العمل أو حتى فى الكومباوند محل سكنى ولا خبط ولا رقع من عربيات مجاورة أو نص نقل أو تاكس ولا يحزنون.. بالله عليك مش أنا برضه مدلع العربية على الأخر؟؟

شكرا لك مرة أخرى وكل عام وانت بخير

والسلام عليكم ورحمة الله وبركاته

المشاركة الأصلية كتبت بواسطة sonysonia

9- قام السروجى بوضع بعض السفنج لتعويض الجيوب الهوائية "العبعبة" الموجودة فى أرضية السيارة وللأسف ما زال الشكل سئ... المهم قمت أنا والمهندس محمود منير بفحص أرضية سيارة أخرى بعد إستئذان صاحبها ووجدنا فيها نفس العيب ولكن ليس بالصورة السيئة التى لدى.. يبدو أن هذا فعلا هو الطبيعى للسيارة ويعتبر أحد مساوئ التقفيل والخامات المصرية.. فأرجو من الأستاذ الفاضل عماد حبيب أن يوصل تلك الملاحظة للسيد اللواء حسن سليمان للإعتناء بفرش الأرضية وتحسين جودته لأنه فعلا مهلهل جدا فى سيارتى وأفكر جديا فى تغييره خارج التوكيل بفرش تويوتا أصلى لأنى أعلم أن صالون العربية كصالون التويوتا.... فياريت أى حد عنده فكره أغيره فين يقول لى لإن اللى بيركب معايا العربية مابيصدقش أبدا أن العربية بقى لها معايا شهرين ونصف فقط وفرش الأرضية بهذه الحالة المزرية.. على العموم أشكر كل من فى مركز صيانة إسكندرية على محاولاتهم الجادة لإصلاح الفرش قدر الإمكان

الدكتور الفاضل /مصطفى

حمدلله على السلامه من الغيبه الطويله عن المنتدى وحمد الله على السلامه لاولادك الاعزاء وندعوا لهم بالشفاء العاجل باذن الله
ونحن سعداء بمشاركتك وسنحاول ان نقوم بما هو مناسب واعتبر طلباتك اوامر وصداقتنا لسيادتك شرف لنا لسيادتك كامل الاحترام

ا

الأستاذ الفاضل عماد حبيب
شكرا لك على مرورك الكريم وشكرا جدا لكلماتك الطيبة والرقيقة... وأنا الذى تشرفت فعلا بمعرفتك ..
وأنا متأكد من أن كل ملاحظة بيتم تسجيلها والعمل على تلافيها لاحقا..
أرجو فعلا منكم الإهتمام بمسألة فرش الأرضية فى أقرب وقت حتى لا تكون هناك أدنى ملاحظة عل السيارة المحترمة البى واى دى..
شكرا لك مرة أخرى ودمت بخير وسلام

الف سلامة على الاولاد ... وربنا يتم شفائهم على خير ... والف مبروك صيانة ال 5000 كم وعقبال صيانة ال 100000 كم ........ متابع معاكم موضوع الملاحظات اللى فى عربيتك .... وربنا يسهل ويكون ليها حل ان شاء الله