الموضوع: البقاء لله .....وفاة قسم كيا ...والعزاء بالداخل

المشاركة الأصلية كتبت بواسطة hagan

كده خلاص
اهو دلوقتي عمرو شرف هيخش ويقولك اصل حاتم دعي علي المنتدي في الحج ههههههههههههههههههههههههه ههههه
بس و الله انا دعيت لاعضائه كلهم بالخير و خصوصا اصدقائي منهم
لي وجهة نظر في الموضوع ده يا عمدتنا
طبعا قبل شهرين من الان كانت الاجازات موجودة و كان فيه رمضان و كان فيه مشكلة العمدة الكبري و كان فيه مشاركات م.احمد اسماعيل و د.احمد سامي و حبيب الملايين قبل الشغل (نورمال) و عمنا أ.احمد سعد و اخونا الغالي عمرو بك شرف و المنفي د.اسامه (العضو الحزين) و كمان كان فيه اختنا الفاضلة الخدومة المطرودة (لولي) و كمان كان فيه حبيبي ابو مسمار م.محمد غازي و كمان عم الشباب اخونا محمد بك حمدي بس الباشا خطب خلاص و كمان كان فيه الولد الشقي الصغير سنا و الكبير فكرا و مقاما اخونا ياسر السيد و لا ننسي ممثلنا في الالومبكيات اخونا الغالي بطل السند و الهند و بلاد تركب الافيال زواوي و كمان حامي حمي الديار اخونا (عتريس) و الله شوفت مره مداخلة لعتريس في موقع اخر بيرد فيها علي واحد بيجيب في سيرة السيراتو حسيت انه ناوي يخنقة في الشاشة من قوة رده عليه و لا اعلم حتي الان هل هوه ده عتريس بتاعنا هنا و لا ده عتريس حد تاني و طبعا ما كنتم تتعرضون له من هجوم علي السيارة و كان هناك تفاعل غير عادي و هو ما ميز القسم بالتأكيد حتي اني واحد من الذين اصبحوا من اعضاء القسم ولو اني لا املك حاليا سيارته
طب بعد كل ده فين بقي الرد الرد بتاعي عليك يا عمدتنا الغالي
انه لا عزومه لاصحاب الدار
الموضوع اني بعد الحج رجعت و كلي شوق لابث ما مررت به من روحانيات و ما اكرمني به الله من خير الي احبائنا في المنتدي في الساحة المؤقتة اثناء الازمة و شاركت بموضوع (( نفحات الحج ))
هل تدري كم كانت عدد المشاركات اخي الكريم و انت منهم و حوالي خمسة من اعضاء القسم منهم حوالي 35 او 40 مشاركة لي فيهم حوالي 10 و انتم 5 يبقي اللي شارك من خارج القسم حوالي 20 في نفس توقيت الموضوع شاركت عضوة جديدة بالمنتدي بموضوع اسمه محدش هيرحب بيا هل تدري كم وصلت عدد المشاركات اخي الكريم اتوقع زادت علي 250 مشاركة
اذن الخلل ليس في القسم الخلل حصل في المنتدي ككل
كل واحد من اللي انا ذكرتهم اكيد عنده ما يشغله و اكيد نفسه يشارك مثل الاول و اكثر بس فين هي النفس فين النفس اللي تجمع الاحباب اهل البيت الواحد علي منضدة طعام واحدة بدل اكل التيك اواي
اخي الكريم ادعو الله ان يلم شملنا مرة اخري علي موضوعات شيقة تجذب الاعضاء و تساهم في حلول المشاكل للبعض منهم وان يجمعنا دائما متحابين في الله مجتمعين علي طاعته و انا من هنا اوجه لك دعوه ان اول مقابلة بأذن الله هتحددها ان شاء الله يكون محور حديثنا عن فضل الحج و عن توجيه الدعوه لعمل عمرة مجمعة لكل الاعضاء بأذن الله او من يستطيع ذلك
و فقك الله علي ما تفعل

م.حاتم السباعي

السلام عليكم
ازيك يا حج حاتم
كده بردو تذكر كل المنتدى و تنسانى
مكنش العشم
بس سماح لان حضرتك لسه جى من الحج و راجل كلك بركه و نور و ايمان
سلامى لكل الاعضاء الجداد و القدام
فعلا المنتدى و خاصة قصم كيا قل مستواه جامد من حيث المشاركات و الردود و المتابعه و المواضيع الجديده عامة.
انتظروا المواضيع الجديده بس لما افوق من الهم اللى انا فيه و افضى و انزل اجازه ,و ان شاء الله هعمل كام موضوع مميز ,بعضهم عن الاكسسوارات و ترويش العربيه بفلوس بسيطه,و موضوع عن السيراتو كوبيه كابورليه اللى من غير سقف بيتفتح و يتقفل و سيراتو كوبيه رايسر خاصه بالسباقات فقط و متعدله و متنفخه و متروشه من بره و من جوه و مرشوشه لون مط و كل ده فبريكه من المصنع (يعنى هى بتنزل كده )
و ربنا يكرم و تعجبكوا
و يا ريت كل واحد عنده حاجه عدلها او عملها فى عربيته يقولنا و يفيدنا بيها و يكتب تجربته .
عشان كلنا نستفاد, و نتجمع على خير
و محمد شوقى طالما هو معملش موضوع الجى بى اس بتاعه اللى ركبه جديد يبقى طلع الجى بى اس ده شكله وحش او سكه,عشان كده هو مش عاوز يصوره و لا عايز يعمل موضوع
و لو عمل موضوع يبقى افحمنى و هشارك فى موضوعه اول واحد و احييه
انا بسخنه بس عشان يعمل الموضوع اللى مشوقنا ليه بقالوا كذا شهر
انا بهزر معاك يا ابوا الشوق و ورينا شطارتك بقى
و هنشوف مين اللى هيعمل مواضيع اكتر
و كمان انتظروا المواضيع المشتركه زى اللى عملته مع شادى زميلنا
و الله الموفق
و السلام ختام