البقاء لله .....وفاة قسم كيا ...والعزاء بالداخل

**ابو ليلى** · 07-12-2010 03:57 PM

السلام عليكم ورحمة من الله وبركاته

كان زمان فى قسم اسمه قسم كيا موجود على منتدى نايل موتورز المكان ده ياما جمع ناس كتير من جميع محافظات مصر وحتى بعض البلاد العربية ...اكتر شى كان مشهور بيه القسم ده هو اعضائه.

لانهم كلهم كانو حيويه ونشاط اغلبهم من الشباب المحترمة واصحاب الفكر المتحضر ....الاعضاء دول كانو فعلا بيحبو بعض بدرجه كبيرا جدا خايفين على بعض حصل بينهم توافق عجيب من ناس ميعرفوش بعض لناس بقو اكتر من اصحاب ...كان بيحصل بينهم مقابلات وتليفونات ...والموضوع خرج بره اطار انهم يملكون نفس نوع العربية .

القسم ده كان حكاية لوحده فى نايل موتورز كل اعضاء المنتدى كانو حابين يدخلو فيه لانه على طول متجدد وكل يوم تلاقى مواضيع جديده ومناقشات وقفاشات وبعض احيان مشادات لكل من يتجرا ويتكلم على عربيتهم بسوء .....

الغريب ان فى اعضاء فى اقسام تانيه سابت قسمهم وبقت معانا هنا تشاركنا مقابلاتنا وموضيعانا وده ان دل فيدل على روعه قسم كيا باعضائه الجمال ....

ومرت الايام وبقى القسم وجها كل من هو محتار فى عربيه تحمل علامة كيا وخصوصا العربية السيراتو اللى بجد خلت قسم كيا اشهر قسم فى المنتدى ....اى شى عن العربية كان موجود هنا
اى سؤال مالوش اجابة ولا حتى فى التوكيل اجابته كانت هنا ...بقى القسم مرجع لكل الناس .

اصحاب السيراتو دخلو فى سباق مع نفسهم السباق كان عن عبارة مين اكتر واحد بيخدم الناس يساعدهم سواء بقى بمواضيعه عن العربية ولا الاجابه عن استفسارتهم .
كل واحد فيهم كان همه الاول والاخير انه يكون ضمن الكوكبه العظيمة من اعضاء القسم الكل كان متحمس ونشيط .....
.ومع مرور الايام كل يوم بينضم اعضاء جدد للقسم زى ما استفادو كمان حبو انهم يفيدو وبدا العدد يكبر ويكبر كل يوم وعلى نفس االنهج الجميع يسير ...

ولكن بما ان الحياة دائما متقلبه فبطبيعه الحال حصل برده تقلب فى القسم وبقى فى صراعات ومشادات واحزاب داخل القسم وبقى القسم فى صراع داخلى
وفى اللى معجبوش الوضع فبدا انه يبعد .....وابتدى عقد القسم ينفرط من اعضاء متماسكين الى اعضاء متفككه ......الكل اخد جانب مع نفسه ونسى او تناسى ان ده بيته التانى والبيت ده ليه حقوق عليه .

ناس كتير ابتعدو والحماس قل وبالتالى المواضيع قلت والمنافسه قلت وبدا يتعرض القسم للانهيار .....

صعبان عليا انى اقول الكلام ده بس دايما الحقيقه ساعات بتكون مؤلمة ده بقى حال القسم دلقوتى ....وياالف خسارة على قسم ابتدى يموت اكلنيكيا

لكل عضو منتمى لهذا المكان فين حماسك فين مواضيعك فين مشاركتك فين تعليقتك
ما حدث للمنتدى قد حدث وعلينا الان ان نرمم هذا البيت من الداخل اولا لانه محتاج لك اكتر من ذى مضى ....

**NoRmAl** · 07-12-2010 04:54 PM

هو فعلا أنا ملاحظ إن القسم مات حبيتين وبقاله فتره
لكن علشان أكون منصف بجد الكلام دا حصل منساعه مالاقسم اتقطع حتت كارينز وبيكانتو وسيراتو
أما شايف دا سبب رئيسي
وعن نفسى مازلت تايه من ساعتها ومش قابل الفكره
غير كدا فعلامشاغل الحياه كتير
أنا فعلا برجع دلوقتى من الشغل مهدود ومع ذلك مقدرش مدخلش زى منت شايف كدا
وبشارك فى المواضيع الجديده بقدر استطاعتى
لكن بعيد وأكرر وأنا عارف القسم مات أمتى
القسم مات من ساعه متقسم وصعب يعيش زى مهو عايش دلوقتى
إذا كنت أنا الى أعتبر عضو قديم حبتين وتايه فى القسم مابالك بالجدد
بخصوص الاحزاب الجانبيه فأنا شايف أنها أقل من أننا ننظرلها عددا وأهميه
القسم هو الاول والاخير والكل لازم يبقى فاهم كدا

**otefa** · 07-12-2010 05:06 PM

أنا برده مع وقوع المنتدي فترة مش شوية أتسبب في كسل في جميع الأفسام مش كيا بس
أن شاء الله نطلع من الوعكة دي

**night_phoenix** · 07-12-2010 05:23 PM

البقاء لله وحده حتي العزاء ﻻ نجد من يحضرة
لله اﻻمر من قبل ومن بعد
بس هيا ايه اﻻسباب الي كانت ورا الموت التدريجي و ليس المفاجي الذي مني بيه المنتدي
يمكن الفرقه الي حصلت من فترة ومش عايز اجيب سيرتها
يمكن احساس البعض بتمييز البعض دون اﻻخر
يمكن اﻻحزاب الي ظهرت و كانت واضحه جداا بس كنا بنغمي عيونا عليها
يمكن فقد الحماس
يمكن و ميت يمكن
بس اﻻكيد ان القسم مات و اعتقد بلا رجعه -يمكن انا متشائم جدا- الله اعلم

هل في حل نرجع بيه القسم شبه ما كان؟
هل ممكن نرجع زي اﻻول او حتي شبه اﻻول ولو نمثل علي بعض؟
انا مش عارف. اسئله كتيرة كﻻم ابو ليلي و عمرو بك حركتها فيا
انا معاكم لو في اي اقتراح اقدر اساعد بيه

اﻻمضاء:
عضو حزين للحال الي وصلنا ليه

**NoRmAl** · 07-12-2010 05:57 PM

هو بدرو علشان أوضح كلمه مات دى كبيره جدا جدا جدا
القسم أصابه خمول وليه سبب
أعضائه الحمد لله أحياء يرزقون ولسه عندهم من الحماسه الى تولع المنتدى
فبلاش نحسس نفسنا أن خلاص مفيش كيا زى مكان معهود
لأ
هو بس كل واحد يبدأ بنفسه
وعن نفسى أنا القسم هيموت بالنسبالى لما أموت أنا شخصيا

**karemof** · 07-12-2010 06:40 PM

المشاركة الأصلية كتبت بواسطة normal

هو فعلا أنا ملاحظ إن القسم مات حبيتين وبقاله فتره
لكن علشان أكون منصف بجد الكلام دا حصل منساعه مالاقسم اتقطع حتت كارينز وبيكانتو وسيراتو
أما شايف دا سبب رئيسي
وعن نفسى مازلت تايه من ساعتها ومش قابل الفكره

فعلا أنا متفق مع الأستاذ نورمال من ساعة ما حصل التقسيم ده كل واحد بقه يشوف القسم المهتم به بس لكن الأول كان الناس كلها عيلة واحدة وبتناقش مشاكل بعض, ويمكن ده حسيته بس على مجال أوسع في المنتى المؤقت لأنكان أي حد ممكن يشارك حتى لو مكنش ده أساس أهتمامه.

**hugan** · 07-12-2010 07:05 PM

اقول واجري علي الله
مش قسم كيا فقط
المنتدي كله
في مشكله
معظم الاعضاء المميزين والقدامي تركو االمنتدي
بدون زعل في شيء غلط
واكيد الاخوه في مجلس الاداره عارفين الاسباب

**sara2001** · 07-12-2010 07:44 PM

انا اتخضيت والله من عنوان الموضوع
اتمنى تغيره
صحيح انا جديده في المشاركه بس كنت متابعه من زمان
القسم فيه خمول شويه من بعد التقسيم زي ما نورمال قال

-

الموضوع: البقاء لله .....وفاة قسم كيا ...والعزاء بالداخل

LinkBack

أدوات الموضوع

عرض

البقاء لله .....وفاة قسم كيا ...والعزاء بالداخل - انشر الموضوع فى :

-

-

-

-

-

-

-

المواضيع المتشابهه

البقاء لله.....وفاة عمة الدكتور أحمد سمير

البقاء لله وفاة بنت خالة كفرواى

البقاء لله وفاة خالة علاء الشناوى

البقاء والدوام لله ..وفاة جدة Hosam_Optrawy

الكلمات الدلالية لهذا الموضوع

المفضلات

المفضلات

ضوابط المشاركة