الموضوع: بفكر اجيب بايك و معرفش فيهم حاجة! ......ممكن المساعدة؟

المشاركة الأصلية كتبت بواسطة KHALED2010

بص ياباشا واضح طبعا من كلام سياتك انك لسا جديد فى موضوع الداراجات النارية
وده يعنى ان سياتك اكيد هتنبهر باى حاجة حتى لو كانت فيها شغل فلازم ناخد بالنا لحظة الشراء
بوجود شخص ذو خبرة معك لحظةالشراء
نيجى بقى للانواع وموديلاتها
عندك الموتوسكلات وتنقسم الى نوعين او ثلاثة انواع تقريبا
الاول وهو الريس وطبعا واضح من اسمه انه بايك مناورات ...بمعنى انك بايك حامى وسريع فى حركته وبيتفاعل مع اى حرجة من جسمك اثناء السير به ومنه انواع مثلا suzuki-yamaha-kawasaki-honda-ducati
ودايما هتلاقى الموتوسكلات الريس 4 سلندر وده طبعا بيزود العزم والسرعه وده ال بيخليه ينطبق عليه اسم الريس او بايك مناورات ........ وطبعا وقت التصارع قليل جدا
نيجى بقى للنوع التانى وهو الكروزر ....بطبيعته بايك هادى فى حركته ----رائع فى الجلوس عليه لفترات
نقول مميزاته اقتصادى فى البنزين نظرا لقلة الحرق اى انه غير حامى مثل الموتور الريس وبما انه الاغلبية منه 2 سلندر بتكون نسبة استهلاطكه للبنزين قليلة شوية عن الريس لان زى ماقولنا اغلبية الريسات 4 سلندر
مشكلته انه الجنط بتاعه مرصع بالسلوك اى انه لا يصح ان يكون تيوبلس وديه حاجة تقلق شوية بس بما انه بايك يابانى هتكون المشكلة صغيرة طبعا ....وطبعا نسبة التصارع هتكون اعلى شوية عن الموتور الريس ..
-طبعا الجلوس عليه لفترات مش هيتعبك بس على السرعات فوق ال 120 هتحس ان الهواء ضغطه على جسمك شديد شوية ممكن مع جاكت كويس تنتهى المشكله بتاعت الهواء .....
نيجى للنوع الثالث وهو ال off road ومن اسمه نقول انه بايك لين فى حركته مخصص او مصمم للطرق الوعرة (غير ممهدة للسير) مثل الصحارى وغيرها وهوا بايك اقتصادى نوعا ما فى البنزين لانه فى الغالبية العظمى 1 سلندر بس بيكوت ال tourq بتاعه ممتاز وهو ما يطلق عليه اسم ال تريلا فى الغالبية منه هتلاقيه تبريد هواء اما بعد الموديلات ذات السعه اللترية العالية هتلاقيه تبريد مياه
ملحوظة بالنسبة لباقيات الانواع السابق ذكرها دائما تكون تبريد مياه
............نيجى بقى لاستهلاك البنزين طبعا من المعروف انه كلما السي سى زاد كلما زادت معه نسبة استهلاك معدل البنزين .........وهذا فيما معناه انه الموتور ال 250 سي سي نسبة استهلاكه تقل عن الموتور ال 400 سي سي ولو قلنا موتور 400 عادة مثلا ويوازيها موتور 400 فاير هتلاقى ان نسبة حرق البنزين فى الموتور الفاير اعلى شوية من الموتور العادة...........
ناتى لموضوع السيفتى وهوا الاهم من البايك نفسه
بداية بال helmet وهى غطاء الراس وتفضل انها تكون dot اى انها تاخد مواصفات السلامة الامريكية
ناتى بعد ذلم ال واقى الكفين (الجونتى )وتوجد منه ايضا انواع ويفضل ان تكون icon
وايضا واقى الرجل او قصبة الرجل وهى ايضا يها عامل مهم جدا فى الملفات اى انك يمكنى ان تلامس الارض فى احدى الملفات او المعروفة بالركبة
وناتى ايضا للجاكت ويجب ان يكون مرصع بالضلوع المرنه حتى تعطى للجسم نسبة حركة اعتيادية ولا يسبب الم للعمود الفقرى
واخيرا ما يستلقاه الانسان فى قدميه ووهو البوت ويجب ان تكون سيفتى اى انها تكون مغلفة بطبقة من الصاج المقوى لحماية اصابع القدم ........
وفى النهاية ارجو ان اكون كفيت ووفيت

الله ينور ياخالد ليا كام تعليق لو تسمحلي
اولا موضوع ان الجاكت بينفي ضغط الهواء كليا ده مش صحيح في الكروزر بالذات عشان تتغلب علي مشكله الهواء دي لازم window screen
ثانيا : انتا ليه مش اتكلمت عن الاستريت فايتر حتي كنت عرضت عن واحد من موديلاتها
ثالثا : لما تحب تتكلم عن المناورات لازم تذكر الاستريت فايتر لان في بايكات بتتميز ب High Maneuvers بتفوق في مناورتها انوع كتير من الريسينج وطبعا مش كل الاستريت فايتر ولا كل الريسينج يعني دي بتبقي امتيازات لموديلات وانتا لو ركبت تورينج او ستريت فايتر عايزك تركز مع ال Stability بتاعها في الغرز بالبلدي كده طبعا اشهر انوع الثبات ده هي X 1100 معرفش سمعت عنها ولا لا طبعا في حاجات في الريسينج بايك خارج المنافسه طبعا عشان التصميم الرياضي الهائل اللي فيهم
رابعا : الضلوع دي حاجه تانيه خالص مش بتركب في الجواكت اللي بيركب في الجواكت حاجه اسمها Prop's دعامات

بس كتر خيرك لعرضك ده وافادتك للراجل انا حبيت بس اضيف الكام نقطه دول ومش بهدف التعديل عليك لاسمح الله

المشاركة الأصلية كتبت بواسطة khaled2010

لا ياحبيب قلبى وكتر خيرك بردوا على الزيادة والتوضيح يمكن فى حاجات تاهت عنى انا بشر بردوا يا اتش

ولا يهمك ياخلود
انتا بس قشر واحنا نلم وراك ياريس

الف شكر يا رجاله
بس السفتي دا موجود في مصر و اسعاره ايه

المشاركة الأصلية كتبت بواسطة mbhead

الف شكر يا رجاله
بس السفتي دا موجود في مصر و اسعاره ايه

موجود في كل حته ياباشا واسعاره كويسه في جاكت ب 750 وفي جاكت ب 6500 وطبعا كله علي حسب الكواليتي والسيفتي والماركه

انا متشكر جدا يا باشا
اكيد بقي الجاكت قلي6500 دي Aplnstar

المشاركة الأصلية كتبت بواسطة MBhead

انا متشكر جدا يا باشا
اكيد بقي الجاكت قلي6500 دي Aplnstar

انتا هتعمل زي خالد ولا ايه هههههههههههههههههه
لا يابوب اسمه Alpinestars
وده بيبدا من 750 للجاكت الصيني وبيوصل ل 3000
في حاجه ICON تعمل 4000
في حاجه scorpion تبدا من 600 جنيه ده في ال sale وتوصل ل 3400
وفي حاجات تانيه كتيييييييييييييييييير

المشاركة الأصلية كتبت بواسطة zoom2zoom

الله ينور ياخالد ليا كام تعليق لو تسمحلي
اولا موضوع ان الجاكت بينفي ضغط الهواء كليا ده مش صحيح في الكروزر بالذات عشان تتغلب علي مشكله الهواء دي لازم window screen
ثانيا : انتا ليه مش اتكلمت عن الاستريت فايتر حتي كنت عرضت عن واحد من موديلاتها
ثالثا : لما تحب تتكلم عن المناورات لازم تذكر الاستريت فايتر لان في بايكات بتتميز ب High Maneuvers بتفوق في مناورتها انوع كتير من الريسينج وطبعا مش كل الاستريت فايتر ولا كل الريسينج يعني دي بتبقي امتيازات لموديلات وانتا لو ركبت تورينج او ستريت فايتر عايزك تركز مع ال Stability بتاعها في الغرز بالبلدي كده طبعا اشهر انوع الثبات ده هي X 1100 معرفش سمعت عنها ولا لا طبعا في حاجات في الريسينج بايك خارج المنافسه طبعا عشان التصميم الرياضي الهائل اللي فيهم
رابعا : الضلوع دي حاجه تانيه خالص مش بتركب في الجواكت اللي بيركب في الجواكت حاجه اسمها Prop's دعامات

بس كتر خيرك لعرضك ده وافادتك للراجل انا حبيت بس اضيف الكام نقطه دول ومش بهدف التعديل عليك لاسمح الله

اصحى يا اتش
اللى انا مشوفوش انت مغطى ورايا
بس فيه حاجات تانيه مقلتهاش ليه