الموضوع: بفكر اجيب بايك و معرفش فيهم حاجة! ......ممكن المساعدة؟

المشاركة الأصلية كتبت بواسطة MBhead

السلام عليكم
انا بفكر اجيب بايك بعد تجربه ركوب بايك واحد صديقي هوا البايك نوعه (Yamaha Royal Star) جايبوا من معاه امريكا .......بعد الصراحة اقتنعت تماما ان ركوبه ممتع جدا و مريح جدا و عملي (في شنط كده في الجنب كتير)
مش مشكلة البايك دي حجمه غبي جدا كبييييير و تقيل اوووي لو وقع عليا حموت في ساعتها
انا حاولت اجمع شويه معلومات عن الموتوسكيلات و عرفت ان هيا انواع (Sportو cruiser)
بس انا عايز اعرف شويه حاجات


هل في انواع تانيه و ايه الفرق بيت الانواع غير الشكل
انا عايز بايك حجمه صغير و قطع غياره متوفرة و صيانه سهلة (لان صاجبي قلي انو بيعرف يصلح الموتوسيكل لوحدو بس مش بيلاقي قطع غيار بسهوله ) و يكون البايك في حدود 20 الف و له سوق لان دا حيقي بدايه بس و بعد كده حغير اجيب حاجه اعلي
السفتي بتاعه البدله و الخوذة والكلام دا موجود في مصر عادي و ايه اسعاره
هيا الموتوسكيلات موفره و لا ايه لان انا معايا عربيه 8 سلندر و مش عايز ابيعها فحيبقي صعب اصرف علي الاتنين (علما باني مش حركبه كتير عشان ظروف شغلي )
ارجو المساعدة
و اسف علي الاطاله

بص ياباشا واضح طبعا من كلام سياتك انك لسا جديد فى موضوع الداراجات النارية
وده يعنى ان سياتك اكيد هتنبهر باى حاجة حتى لو كانت فيها شغل فلازم ناخد بالنا لحظة الشراء
بوجود شخص ذو خبرة معك لحظةالشراء
نيجى بقى للانواع وموديلاتها
عندك الموتوسكلات وتنقسم الى نوعين او ثلاثة انواع تقريبا
الاول وهو الريس وطبعا واضح من اسمه انه بايك مناورات ...بمعنى انك بايك حامى وسريع فى حركته وبيتفاعل مع اى حرجة من جسمك اثناء السير به ومنه انواع مثلا suzuki-yamaha-kawasaki-honda-ducati
ودايما هتلاقى الموتوسكلات الريس 4 سلندر وده طبعا بيزود العزم والسرعه وده ال بيخليه ينطبق عليه اسم الريس او بايك مناورات ........ وطبعا وقت التصارع قليل جدا
نيجى بقى للنوع التانى وهو الكروزر ....بطبيعته بايك هادى فى حركته ----رائع فى الجلوس عليه لفترات
نقول مميزاته اقتصادى فى البنزين نظرا لقلة الحرق اى انه غير حامى مثل الموتور الريس وبما انه الاغلبية منه 2 سلندر بتكون نسبة استهلاطكه للبنزين قليلة شوية عن الريس لان زى ماقولنا اغلبية الريسات 4 سلندر
مشكلته انه الجنط بتاعه مرصع بالسلوك اى انه لا يصح ان يكون تيوبلس وديه حاجة تقلق شوية بس بما انه بايك يابانى هتكون المشكلة صغيرة طبعا ....وطبعا نسبة التصارع هتكون اعلى شوية عن الموتور الريس ..
-طبعا الجلوس عليه لفترات مش هيتعبك بس على السرعات فوق ال 120 هتحس ان الهواء ضغطه على جسمك شديد شوية ممكن مع جاكت كويس تنتهى المشكله بتاعت الهواء .....
نيجى للنوع الثالث وهو ال off road ومن اسمه نقول انه بايك لين فى حركته مخصص او مصمم للطرق الوعرة (غير ممهدة للسير) مثل الصحارى وغيرها وهوا بايك اقتصادى نوعا ما فى البنزين لانه فى الغالبية العظمى 1 سلندر بس بيكوت ال tourq بتاعه ممتاز وهو ما يطلق عليه اسم ال تريلا فى الغالبية منه هتلاقيه تبريد هواء اما بعد الموديلات ذات السعه اللترية العالية هتلاقيه تبريد مياه
ملحوظة بالنسبة لباقيات الانواع السابق ذكرها دائما تكون تبريد مياه
............نيجى بقى لاستهلاك البنزين طبعا من المعروف انه كلما السي سى زاد كلما زادت معه نسبة استهلاك معدل البنزين .........وهذا فيما معناه انه الموتور ال 250 سي سي نسبة استهلاكه تقل عن الموتور ال 400 سي سي ولو قلنا موتور 400 عادة مثلا ويوازيها موتور 400 فاير هتلاقى ان نسبة حرق البنزين فى الموتور الفاير اعلى شوية من الموتور العادة...........
ناتى لموضوع السيفتى وهوا الاهم من البايك نفسه
بداية بال helmet وهى غطاء الراس وتفضل انها تكون dot اى انها تاخد مواصفات السلامة الامريكية
ناتى بعد ذلم ال واقى الكفين (الجونتى )وتوجد منه ايضا انواع ويفضل ان تكون icon
وايضا واقى الرجل او قصبة الرجل وهى ايضا يها عامل مهم جدا فى الملفات اى انك يمكنى ان تلامس الارض فى احدى الملفات او المعروفة بالركبة
وناتى ايضا للجاكت ويجب ان يكون مرصع بالضلوع المرنه حتى تعطى للجسم نسبة حركة اعتيادية ولا يسبب الم للعمود الفقرى
واخيرا ما يستلقاه الانسان فى قدميه ووهو البوت ويجب ان تكون سيفتى اى انها تكون مغلفة بطبقة من الصاج المقوى لحماية اصابع القدم ........
وفى النهاية ارجو ان اكون كفيت ووفيت