بس انا متهيئلى سألت عند واحد عندنا فى طنطا على الفوجات و تقريبا الصينى كان ب ٢٥٠ جنيه بس من غير الزرار هبقا اسأل تانى و هتأكدلك
عرض للطباعة
بس انا متهيئلى سألت عند واحد عندنا فى طنطا على الفوجات و تقريبا الصينى كان ب ٢٥٠ جنيه بس من غير الزرار هبقا اسأل تانى و هتأكدلك
السلام عليكم يا جماعه انا مركب فوجات للجيتز الاتنين اصلى ب800 مع الضريبه والمفتاح الاصلى ب 130
مادا ... احكيلى قصة الاسبويلر يوم ما نزلت الحرفيين بالتفصيل التفصيل الممل ؟؟؟؟ اخوك تعب والله ...
ازيكو يا رجالة
أخوكم ميكي جيتزاوى قديم وعربيتي موديل 2010 وماشية 5400كم ودا كان لطبيعة شغلى بالامارات انا لسه جاي من السفر وخرجت العربية من الجراج وعملتلها صيانة ال 5000 كم وعملت صيانة عليها والعربية فوووق فوووق الممتازة ,,بس ركنتها تحت بيتنا صحيت الصبح لقيت البربيز متخرشم وكان يوم زى الطين الصراحة ,,, دلوقتى انا بدور على البربيز القدام الاصلى بس مش عارف الاقيه فين على فكرة انا من اسكندرية والناس نصحونى انى مروحش للتوكيل عشان بيستهبل فى سعره فا مش عارف الصراحة ادور فين,,, فا قولت مفيش غير نادى الجيتزاوية اللى هيجبلى المشوار دوان ,, وياريت تقبلونى صديق جديد للبرنامج ,,,,,, قصدى للنادى .
يا كوكس يا كبير صباح الفل
انا محتاج فوجات يا باشا
ايه النظام
والله يا هوبا زي ماقلت كده مافيش جديد يعني اقدر اقولك عليه غير ان الاسبويلرات اللى شفتها بصراحة معفنة اخر حاجة . حتة بلاستيكاية متبهدلة اخر حاجة .
على العموم انا نازل بكرة الحرفيين تاني وان شاء الله تكون كل المحلات فتحت وهارجعلك بالخبر اليقين وممكن اصورلك كمان اللى هاشوفه .
منور الـ Club يا باشا وحمدالله على السلامة .
بالنسبة للزجاج انت زي حالاتي برضه انا عندي البرابريز الامامي رايح في داهية وكنت عايز اغيره . روحت لغبور افندي قالي 1350 . طبعا قولتله ده عند امه يا ادهم .
في اتجاهين
اولا انك تجيبه من اي بتاع زجاج مصري وده بيكون مصنوع في مصنع جريش اللى في العاشر من رمضان . وده بيكون في حدود 350 جنيه .
ثانيا انك تشتري استيراد وده في منه صيني وكوري وانواع كتير وبيكون في نفس الرينج برضه 350 او 400 .
لكن انا بكرة ان شاء الله وانا في الحرفيين هاسال على الاستيراد الكوري بتاع العربية بكام وهابقى اقولك .
واهلا بيك معانا مرة تانية وياريت ماتقطعش الجوابات تاني بقى
والله كلنا عايزين فوجات ومش لاقيين .
متشكرين يا مادا بيه
على فكره انا روحت وسألت على البربيز عند كذا واحد الكل اجمع على انه مفيش اصلى فى السووووق خالص كلله زي ماحضرتك قولت بالظبط وفى نفس الحدوود دى برضو ( بسم الله ماشاء الله ) يا ريت ترد عليا قبل ما اركب الصيني عشان كدا السعر اللى فى التوكيل بخ خالص زززوحسبي الله فى اللى كان السبب .
ياباشا تحت امر معاليك وتحت امر الجيتز هانم
على فكرة انا لو قعدت اتكلم على العربية دي من هنا لبعد بكرة مش بزهق لاني بحبها جدا وهي بصراحة رافعة راسي وسط عربيات كتير .
ان شاء الله هاروح بكرة وهاسالك .
بس ليا عندك استفسار
ايه اخبار الفوجات عندكو في اسكندرية ؟؟؟؟؟
سمعت ان فوجات الجيتز موجودة عندكو وفي منها الصيني كمان .......... ياترى عندك فكرة ؟؟؟
مادا بيه
الفوجات موجودة وفى منها الصيني والكورى دا اللى سمعت عنه بس الصيني منصحكش بيه عشان الكواليتي بتاعه وحش و الفرام نفسه بتاع الفوج ضعيف انت هتدفع شوية فى الكورى بس هتلاقيه حاجه نضيفه عشان سمعت انه احسن بكتير من الصيني الموجود حاليا
وأنا هدعبسلك على سعر الكورى انشاءالله بس هو فى رينج ال350 اكتر او اقل
ولو عايز انا ممكن اشترهولك من هنا وانا نازل القاهرة اجبهولك مفيش مشاكل
ربنا يسهل واخلص موضوع البربيز دا عشان بالى يرتاح
بص يا باشا انا سالتك على البرابريز هناك وكله اجمع على ان مافيش الكوري بتاع العربية خالص وانك تجيبه من عند شركة الثلاثية او مصنع جريش .
وبصراحة انا انصحك بجريش لان سمعت عنه كل خير وهو احسن من الصيني والزجاج بتاعة كويس جدا وفيه طبقة البلاستيك اللى بتحمي الركاب في حالة كسر الزجاج يعني ماتخليهوش يتفتفت ( زي اللى كان راكب فيها يعني ) .
واسف لو كنت اتاخرت في الرد عليك
بص يا بوب
انا روحت الحرفيين تاني
اولا
العربية بتاعتنا يا اخي تحس انها عربية نادرة الوجود هناك مش عارف ليه.
العربيات كلها مرمية هناك الا الجيتز . المهم انا روحت عند كام واحد كده بس مكنش عندهم الاسبويلر خالص ومالقتش والله يا بوب غير عند واحد بس اسمه ( الحمد ) وقالي الاسبويلر بي 800 جنيه . طبعا ده واحد اهبل ومعندوش فكرة وخبط السعر وخلاص حتى انا بصراحة مكلمتش كلام معاه . قولتله طيب لونه ايه قالي فضي .
انا شايف والله العظيم انك تعمله عمولة عند الناس بتوع الفايبر والعتب وكده . وهايطلع بالشكل اللى انت عايزه وارخص بكتير من الهلك ده . وكمان اللى عندهم في الحرفيين ده لسة عايز يترش لانه متبهدل على الاخر .
بص يا مادا بيه
الفوجات هتلاقيها عندنا فى شارع صلاح الدين دا شارع مشهور جدا بقطع الغيار زى الحرفيين عندكو ولما تيجي قوللى وانا هبعاتك لواحد يخلصلك القصة دي كلها فى كلمة ويعمل معاك احلى واجب وأهى فرصة نتشرف بيك برضو.
وأخيرا بعد ما صلحت البربيز وتمام وفرحت بيها وانا راجع من عند بتاع القزاز وركنت وبطلت العربيه وجيت ادورها تانى وكااااااانت المفاجعه ..........العربيه عملت زي اللعبة اللى كهربتها بتخلص ومش راضية تدور تانى نهائى جيبت سلكتين وشحنتها دارت وفرحت وتمام الكلام ........الا اذا ابطل وادور برضو متدورش ..أخر مذهقت روحت لواحد بتاع بطاريات قاللى البطاريه احتمال فيها ربع ضارب مع العلم ان البطاريه كانت جديدة يعنى مكملتش شهرين وغيرت القديمة بواحدة جديدة فى التوكيل قبل ما اسافر اخر مرة قلت بس التوكيل دا ليلته سودا معايا بكره هروح ارمهالهم هناك ويشوفولى حل.... مع العلم ان عربيتي موديل 2010
يا باشا الشرف لينا والله . وان شاء الله هاجي قريب وهابلغك قبليها طبعا بس مستني البلد تتنيل تهدى شوية .
وشكرا لتعبك يا جامد
معلش يا بوب
هو ده توكيل هبووووووووووووووووووووور
بس برضه عشان ماكونش ظالم انا حصل معايا الموضوع ده قبل كده بس كنت شاري البطارية من بره وبعد سنة بالتمام والكمال البطارية نامت مرة واحدة مقامتش تاني وفوجئت انها جابت ربع .
ان شاء الله تروح وتحل الموضوع بلا عنف .
وابقى طمنا عليك
السلام عليكم يا جماعه
لا مؤاخذه يا مادا معرفتش اسألك على الفوجات علشان فى شغل و ان شاء الله فى اقرب وقت اروح اسألك
عايز اعرف دلوقتى انا ينفع اغسل الموتور بالميه عادى ولا بلاش؟
انا مغسلتهوش من يوم ماجبت العربيه و مقضيها هوا او فى التوكيل
مأساتى فى التوكيل
بعد ما سهرت ومنمتش عشان اروح اتنيل اصللح العربيه ,,,روحت الساعه 8 بالظبط وقات دا انا اول واحد هيستفتاحو بيه ,,, لقيت انى رقم 7 ومالو مش مشكلة جالى المهندس وقاللى ايوة يا بيه ,مسكتو غسيل ومكوا لغاية انه معرفش يرد عليا قاللى سيبنى نشوف البطارية وبعد كده نحكم ,, وقولتلو على كام حاجه بسيطة برضو زى الباب ورا شمال بيعلق فى السنتر ولمبة الستوب بتنور لمدة 4 ثوانى كده انا وماشي بيها على الطريق فجأه وقاللى هتنتظر حضرتك ساعة ونص بالكتير عشان نشيك على العربيه قولتلو انجزنى وحياة ابوك عشان انا صاحى من امبارح ومنمتش ,,, المهم مطولش عليكو
قعدت مستنى ساعة ساعة ونص مفيش ساعتين مفيش روحتلو ايه الكلام قاللى معلش هتنتظر معانى شويه عشان حطين البطارية عالتونجر ونشوف فيها ايه ,,,قعدت مستنى ساعة اتنين تانى روحت رايح للمهندس اللى شغال فيها قاللى العربية يابيه والله عالتونجر وبتشحن بس انتظرنى شويه كمان روحت طالع على الاستراحة وانا قاعد كده عنية غفلت وروحت فى النوم ,,,,اوفوجأ بواحد بيصحيني وبيقوللى عربيتك خلصت ياباشا وهاتلنا امر الخروج قولت يا فرج الله اخيرا وروحت عشان اشوف العربيه لقيتها لسه مخلصتش وقعدت ادور على الراجل اللى صحانى من احلى نومة عشان امسك فى زومارة رقبته ملقيتهوش لقيت المهندس اللى كتبلى الاوردر انفجرت فيه بقى والناس اتلمت وانا قاعد هنا من 8ونص ولسه مخلصتش كانت الساعه 2 الظهر جات وقاللى خلاص حاضر اهو بيشطبها قامو يأسو غيارولى البطارية بواحدة جديدة وعملو الباب بس معملوش لمبة الستوب وروحت اخلص ورقة الخروج ورايح استلم قالولى لا دا الاوردر بتاعك اهو انت ازاى جيبت امر الخروج دا ,,, روحت اجيب الامر التانى ملقيتش المهندس اللى المحاسب ,,,, شوية وكنت هولعلهم فى التوكيل لغاية ملقيت المحاسب بيشرب شاى روحتو جايبو من قفاه وقولتلو وحياة ابوك وامك خلصنى ام خلصنى وادانى اوردر الخروج واخدتها وتمام التمام.
وأنا خارج بالعربيه من التوكيل لقيت الراجل اللى صحانى من النوم حظو انه جيه جنب العربيه وانا ماشي بيها لو كان قدامى كنت شيلته والله
الحمدالله على كل شيء علقة تفوت ولا حد يموت.
مادا بيه أنا سألتلك على الفوجات بس الراجل ادانى سعر الصيني كان ب180 جنية بالمفتاح بتعها وهشوفهولك على الكورى ربنا يسهل انشاءالله
ياباشا ولا يهمك وكفاية انك فاكرنا وياريت ماتغبش عننا يا كبير .
مافيش مشكلة من غسيل الموتور بالمياه بس مش بطريقة (الدلدقة ) .............. حاول تركز معايا .
يعني بمسدس المياه وماتخليش الراجل يركز المياه في اتجاه واحد . وياريت بلاش جاز عشان بيعمل ريحة مش ظريفة . في علبة اسبراي كده لتنظيف الموتور بـ 17 جنيه هاتعيش معاك بتاع اربع غسلات .
ترش مياه الاول رشة سريعة وبعدين اسبراي وبعدين مياه تاني وبعدين فوطة ظريفة مع شوية سباري . هاتلاقي الموتور رجع زيرو يا اكسلانس .
بس نصيحة لو حسيت ان اللى بيغسل الموتور ده بلاص .. ماتخليهوش يغسل.
انا كنت فاكر ان هبور اللى عندنا هو اللى فيه البوظان ده . لكن واضح ان كله كده .
انا مش فاهم هو مش عايز يوسع ليه بدل ماهو مش ملاحق كده وكل المراكز بتاعته مش قادرة تستوعب حجم الصيانة .
المهم انك غيرت البطارية ودي خطوة كويسة .
المهم بقى انا مش فاهم يعني ايه لمبة الاستوب بتعلق خمس ثواني .
هو انت عندك استوب ورا غير فوانيس العربية ؟؟؟؟
ولا انت قصدك على الفوانيس نورهم بيفضل منور خمس ثواني بعد ما بتشيل رجلك من على الفرامل ؟؟؟؟
ولا انت عايز ايه ؟؟؟؟؟؟
ولا انت مين ؟؟؟؟؟؟
تسلم يا باشا وربنا مايحرمناش منك يا كبير والله .
بص ياسيدي الفلاشر بتاع الانتظار عندى بينور فجأه ( السهمين يمين وشمال ) وانا ماشي على الطريق عادى كده من غير ما أعمل اى حاجة..
وليه انا ياباشا اتعايش مع العيب منا اروح التوكيل يظبطولى كل حاجة دى مش تبعهم ولا عربية البطة السوده ؟؟؟
لالالا يا معللم هما ملزمين بده وعلى فكرة انا لما كنت اخر مرة فى التوكيل لو زنقت عليهم كانو عملوها بس انا كنت جيبت اخري ولما اروحلوهم المرة اللى جاية هخليهم يظبطوهالى انشاءالله
انا لما روحت مودرن سيرفس وكشفوا على الانذار .. قالولي ده بايظ والانذار ده مش بتاعنا
ده متركب في مصر عند واحد مش فاكر اسمه ايه في شارع دمشق
فانا كسلت وماروحتش هنااك .. بس تقريبا كان حيتغير على حسابي (ده اللي فاكره)
بس مش عارف في التوكيل الكلام حيبقى غير كده ولا هوا هوا ,,,,
ممكن المساعده فى تحديد المشكلة منين و احب انى اعرض المشكلة و هى:
عندى جيتز موديل 2008 مانيوال فى الصبح عند الدوارة الاولى تسمع زى صوت طئه فى الموتور و بعد كده تحس بخشونة جامده فى الموتور و مستمرة اثناء المشى لغاية لما الموتور يسخن و الخشونة تروح و صوت الموتور يهدى و العربية عاملة 38500 كيلو و الصيانات فى مواعيدها و طلب ثانى لو حد عنده ميكانيكى كويس ياريت يدلنى عليه و جزاكم الله خير.
والله انا مش عارف دي ممكن تكون مشكلة ايه . بس ممكن ادلك على المهندس هاني
المهندس هاني ده بيشتغل في توكيل غبور فرع قليوب وكان قبليها في ابو رواش وبصراحة هو انسان محترم وبيساعد كل اعضاء نايل موتورز وانا شخصيا اتعاملت معاه وبصراحة عمل معايا الصح.
هو عامل موضوع هنا على المنتدى اسمه ( واحد من جوه التوكيل ) .
مادا يا كبير استفسار صغير بس ....... لو الواحد عايز يركب الاستوب بتاع الشنطة يعمل ايه ؟؟؟؟؟ انا عايز اجابه من الاخر بقه علشان انا تعبت ...... صحيح انا سمعت ان استوب الكيا البيكانتو يركب تمام ... .
سؤال لاهل الخبرة
ليه ساعات وانا بجيب مرشيدير كده مره واحده اسمع صوت التروس بتحك فى حتة حديدة كده وبيبقى عالى الصوت قوى؟
اكيد طبعا ان شاء الله هانعرف يا بوب
اول نزلة لشارع دمشق هاجيبلك قرارها .
انا حاليا بقى عايش مع قاعدة الموتور . انا فاكر ان انت غيرت القاعدة دي من فترة . ياريت تقولي انهى قاعدة موتور فيهم وكانت بكام وجبتها منين ؟
انا القاعدة اللى بايظة عندي اللى هي الكبيرة اوي اللى تحت سير الكاتينة كده او اللى في الجنب الشمال وانت واقف قدام الموتور .
يارتى هي دي اللى انت غيرتها ؟؟؟
بص هو كده كده في صوت للمارشيدير وده صوت طبيعي في كل العربيات لكن ممكن يكون في اسباب لو الصوت عندك زيادة شوية
تكون بتجيب مرشدير والعربية لسة ماوقفتش
او الدبرياج عندك واطي زيادة عن اللزوم
او انت مثلا مش بتحط عصاية الفتيس في المكان الصح بتاعها
انا بفترض الحاجات دي لان العربية عندك لسة مكلمتش 6000 كيلو يعني ماعتقدش انها يبوظ فيها حاجة .
وبعدين مانت روحت للمهندس هاني ماوريتهالوش ليه ؟
هى الى غيرتها الى فوق على الشمال ( عيب الجيتز الاول و الاخييير )) متفكرنيش دى كانت ايام سوده ايام ما كانت بايظة ..
شوف انا هجبلك الخلاصة بعد لف كتيير
الحرفيين انسى خالص خالص مش هتلاقى ...
قدامك حلين :
- وسط البلد و التوفيقية و شارع شنبليون ..
- هبور الحرامى ابن الحرامى و هتبقى ب 860 جنية بالضبط ....
شوف هتعمل ايه وخلينى معاك فى الصورة
ايوة يا معلم انا عايز اعرف انت جبت انهي واحدة ؟؟؟؟؟؟ ومنين وبكام ؟؟؟؟
لان انا روحت للمهندس هاني وقالي ان القاعدة دي لازم نجيبها اصلي عشان اللى بره في السوق مضروبة ومش هاتعيش كتير وبصراحة انا مش بحب اجيب حاجة مضروبة وعايز العربية ترجع زي ماكانت لان الرجرجة بقت صعبة اوي .
فانت ايه رايك ؟؟؟؟؟
وعايز اعرف كمان انت لما غيرت القاعدة دي الموتور اتظبط والدنيا رجعت زي الاول ولا مش بدرجة 100 في 100 ؟؟؟؟؟؟ظ