الموضوع: Getz Club

المشاركة الأصلية كتبت بواسطة koks

معتقدتش أنها بوجيهات والله اعلم

أنا قبلتي المشكلة دي زمان لما كان معايا بيكانتو بس كانت العربية بتترج على طول وبتزيد مع السرعة وكانت فعلا قواعد الموتور

أنا بقى حصلت معيا حاجة غريبة في الشتا الفظيع اللي فات ده أن الفرامل كانت ضعيفة جدا وكأني مش بفرمل أصلا بس لما جربت انهارده لما النديا نشفت رجعت عادي تاني

عامل أيه في البرد ده يا مادا ... كان لازم تيجي تشوف أسكندرية عاملة ازاي

مادا متكتك اخر حاجة والله . انا مش بحب البرد اوي ده خصوصا اني بحب افضل في الشارع اطول فترة ممكنة .
واليومين اللى فاتو دول كان برد وهوا ساقع يضايق . طبعا الله يكون في عونكم انا شوفت صور وفيديوهات للاسكندرية وبصراحة كان الله في العون . بس بقولك ايه انا بعشق المطرة .
ايام ماكان الفولكس بس كنا بنمشي في المطرة وكانت العربية بتنقط مياه جوه العربية عليا انا ومراتي وكنا بنضحك والله وكانت ايام ليها حلاوتها برضه . لما جبنا الجيتز مشينا في المطرة واحنا قاعدين بنتنك بقى على بعض انا عشان مش حاسين لا بمطرة ولا هوا وفي مساحات . اصلا الفلوكس مكانش فيها مساحات ههههههههههههههههه

بالنسبة للفرامل دي عادي انا لما بروح اغسل العربية والراجل ييجي بالمسدس بتاع المياه يقوم دافسه جوه الجنط عشان يغسل الطنابير من جوه والتيل وكده . بعد ما بخرج من البنزينة بتكون الفرامل ضعيفة وشوية كده وبترجع تاني . انا مش بقول انه عادي بس بقول انك ماتقلقش منه لانها بترجع تاني . لكن مش طبيعي يعني ان الواحد في المياه ميلاقيش فرامل . بس نقول ايه بقى في غبور اللى شال ال abs عشان يرخص سعرها شوية .
حد يشيل abs ؟؟؟
دي وسيلة امان للعربية , تضحي بيها عشان سعر العربية . شيء غريب يا كيمو والله .

المشاركة الأصلية كتبت بواسطة mezo19900

السلا م عليكم
كان عاندى استفسار يارات حد يجاوبنى عليه محدش يعرف الاقى اعدت موتور يمين فااااااااااااان؟؟؟؟؟؟؟؟
شكرا :d

انت منين؟؟
لو من اسكندرية ادورلك

المشاركة الأصلية كتبت بواسطة 3alo2ah

اصل انا فى صيانه ال 35 الف قولتلهم فى التوكيل وقالى ده عادى عشان العربيه بتبقه بارده بس انا مش حاسس ان ده عادى

بص هي ممكن بتقى عادي لحد درجة معينة بس لو الرجه زاذت يبقى اكيد مش عادي وفهمهم كده في التوكيل انها رجه غير طبيعية وغير الرجه الخفيفة بتاعو لما العربية تكون باردة

المشاركة الأصلية كتبت بواسطة mezo19900

السلا م عليكم
كان عاندى استفسار يارات حد يجاوبنى عليه محدش يعرف الاقى اعدت موتور يمين فااااااااااااان؟؟؟؟؟؟؟؟
شكرا :d

وعليكم السلام
الاول انا عندي ليك سؤال
انت بتحس بايه في العربية عشان كده عايز تغير قاعدة الموتور اليمين ؟؟؟؟؟؟ ومين اللى قالك تغيرها ؟؟
ياريت تقولنا على الموضوع ده عشان في هنا اكتر من 3 اعضاء ومنهم انا عندنا شكوى من رجة في العربية وبنشك في قواعد الموتور .
اما تجيبها منين فدي اعتقد سهلة انك تسال في غبور وبعدين مراكز البيع المعتمدة عشان تعرف الاصلي منها بكام وبعدين انزل على التوفيقية في وسط البلد او شارع دمشق في مصر الجديدة واسال عليها هناك بس حاول تجيب حاجة نضيفة عشان دي انا باعتبرها قطعة مهمة في العربية ( ده راي الشخصي )
ده لو انت من القاهرة , اما لو من الاسكندرية يبقى عليك وعلى العضو الجامد Koks