شباب الجيتز فين؟؟؟؟؟؟؟
عرض للطباعة
شباب الجيتز فين؟؟؟؟؟؟؟
العربيه اتشرمت
وانا نازل من بتنا وفى حالى امبارح ومعدى فى شارع جانبي والدنيا وقفا واذا بواحد بنص نقل عايز يعدى وخلاص وهى واقفه قام دخل فى الجنب اللى وري شمال قبل تنك البنزين وشرم الحتة دى ابن التيييييييييييييييت وعمل خرم بالعرض اتخانقت معاه واخدته وروحنا لسروجى تبعه وقاللى هخلصهالك.
وسنوافيكم قريبا بالتفاصيل
ايه يا حج مادا !!! الدنيا نايمة خالص كدة لييه ؟؟؟
بقولك ايه صحيح .... هو احنا عندنا فلتر تكييف ؟؟؟ جت فى دماغى كدة وانا قاعد !!
انا بقى اول امبارح روحت غيرت البرابريز الامامي بتاع العربية . والله الواحد كان قلبه بيتقطع وهما بيشيلوا الاصلي بتاع العربية وبيركبوا المصري .
بس هاعمل ايه بقى كان مكسور ومشروخ وحالته زفت وكنت عايز ارخص العربية كان عندي فحص .
والحمد لله روحت امبارح جددت الرخصة وعملت الفحص وزقزوقة طلعت خالية من المخالفات والحمد لله .
عايز اقول بس حاجة للى بيقولوا ان البلد اتغيرت والاكراميات دي اختفت والكلام اللذيذ ده .
احنا عمرنا ما هانتغير ابدا ابدا ابدا .