السلام عليكم
انا كنت بعمل صيانة للعربية الفترة اللى فاتت فقلت ابص بالمرة على حالة الموتور
فعملت كبس للموتور فطلع 82
فأنا عايز اعرف النسبة دى كويسة كده ولا المفروض تكون اعلى من كده
العربية
فيرنا 2004 وعاملة 92 الف كيلو ؟
السلام عليكم
انا كنت بعمل صيانة للعربية الفترة اللى فاتت فقلت ابص بالمرة على حالة الموتور
فعملت كبس للموتور فطلع 82
فأنا عايز اعرف النسبة دى كويسة كده ولا المفروض تكون اعلى من كده
العربية
فيرنا 2004 وعاملة 92 الف كيلو ؟
هي تعتبر جيدة مش ممتازة ولا سيئة لان بعد التليين
ممكن كبس الموتور يوصل من 88% لـ 92% في
احسن الحالات.
اصلاً الموتور لما بيطلع من المصنع مش بيطلع 100%
لعلمك يعني.
معلش يعنى ليه تقيس كبس الموتور لعربيتك
المفروض انك اكتر واحد حاسس بيها و بموتورها
على العموم انا واحد صاحبى كان معاه برايد 97 عامله 130 الف لما جه يبيعها كان كبس الموتور 80 و بتاع البنزينة قال ان ده كويس جدا من خبرته مع العربيات اللى بيشوفها كل يوم
طيب وامتى نقدر نقول ان الموتور خفيف ؟ لما يكون الكبس اقل من كام ؟
لما الكبس يكون اقل من 70% يبقى احنا بنتكلم فى موتور خفيف
لما نوصل ل 60% يبقى عمرة فورا
الكبس مش ممتاز و مش وحش يعنى معقول على فكرة مواتير الهيونداى مش معمرة اوى و اعتقد ان كدة كويس عليها
انا عملت كبس للموتور من باب العلم بالشئ
وانا اللى اعرفه ان الموتور بيطلع من المصنع حوالى 90 او 92
غير انى من النوع الموسوس شوية بالذات لما تكون حاجة كورى او كده
الموتور كويس والعربية بتسحب كويس جداً ماشاء الله
بس كنت عايز اعرفه كبسه عامل كام وبالنسبة للكيلومتر والموديل كده كويس ولا متوسط !
طب معلش ياجماعة
محدش عنده فكرة لو هى ماشية بالمعدل ده ممكن تنزل تحت ال 80 امتى ؟
ولا هى ملهاش مقياس معين !
ممكن في سنة وممكن في 5 كلة حسب
طريقة سواقتك، يعني لو اديتها طلعات
امريكاني وشد وحرق طول الوقت
الموتور هيخف بدري وممكن يفوت
انما لو عاملتها كويس هيعيش معاك اطول وقت
ان شاء الله.