يعنى ايه لما شركة تى داتا تقول الخط مكسور بره السنترال

**hossam_elwani** · 07-12-2010 06:37 PM

انا اشتركت جديد مع تى داتا واكدولى ان الخط شغال تمام ولكن لمبة adsl مش ثابته عندى او بمعنى اخر الخدمة مش شغاله على جهازى رغم ان التوصيلات سليمة تماما اتصلت على تى داتا قالولى الخط مكسور بره السنترال ولازم تراجع السنترال التابع ليه وتقولهم كده وهما يصلحو العطل بمعرفتهم هل ده صحيح ؟؟ ويعنى ايه المصطلح ده ؟؟

**sayed911** · 07-12-2010 07:16 PM

والله يا اخي بص انا هقولك على اللي في دماغي فكرة انه لمبة الدي اس ال عندي انا في الراوتر هيا ازي مطفتش ونورت اقلل لأنه بترددها اعرف انها بتعمل على نقل البيانات .. ولكن عند حضرتك واضح انه معانا هوة انقطاع الخدمة ولكن افضل رأي لي هوة انه حضرتك تكلم السنترال وتقولهم انا عندي مشكلة يا اخوانا لأنه ممكن تكون علبة التليفون من الشاره فيها مشكلة وهمة ها يراكعوها لو جه مندس من السنترال او حتى فني واكدلك انه مفيش حاجة تروح TE data وتقولهم انا عايز فني يجي معايا هوة اللي يعمل الفكرة اللي بتقولوا انها مش شغال عشانها الخدمة والا ها اقوم بفسخ العقد لأنه حضرتك بتدفع عشان النت يوصل لحضرتك وده خروج عن بنود العقد انا متأكد انه الموضوع بسيط ان شاءالله وها يبعتوا فني لحضرتك يحل الموضوع كله ان شاء الله ..

**tamatemo** · 08-12-2010 10:06 AM

بص يا باشا

ان شاء الله خير

اول حاجة انك تبلغ اعطال في السنترال علي رقم 111

ولما حد بيتصل بيك قولهم شركة النت بتقول ان الخط مكسور برة السنترال ومعنديش نت

وهما هايشيكوا علي الخط بتاعك لو سليم

هاتكلم تي داتا تاني وتبلغهم باللي حصل

المفترض في معظم الروتارات ان لمبة ال adsl تكون ثابتة وفيه لمبة تانية اسمها بيكون Data او Sync بتنور وتطفي لما بيكون فيه نقل بيانات

ممكن تجرب حاجة مؤقتا لو ليك واحد صاحبك عنده خط من تي داتا

خد الرواتر بتاعه وركبه عندك وشوف لو نفس المشكلة حصلت
يبقي العيب من الخط
لو اشتغل عندك تمام

هايكون الروتر بتاعك في حاجة مش مظبوطة ومش بيقري اشارة ال DSL

**hossamgaber** · 08-12-2010 11:29 AM

المفروض إن سلك التليفون اللى طالع من السنترال بيبقا ماشى فى خطين (فردتين سلك) ولو شركة النت قالتلك إن الخط مكسور برة يبقا حاجة من الإتنين .. يا حضرتك معندكش حرارة فى التليفون . وده معناه إت فيه فردة من السلك حصل فيها مشكلة برد السنترال (فى البوكس يا إيما فى الكابينه). والحاجة التانية إن لما الفنى كان بيعمل تشيك على الخط بتاعك من السنترال حضرتك مكنتش موصل أى عدة تليفون .. ودة بردة هيخلى الفنى بتاع شركة النت يقولك إن الخط مكسور بره.. المهم دلوقتى زى ما ذكروا الأخوة الأفاضل .. اتأكد الأول إن فيه حرارة فى التليفون .. ولو شغالة من غير أى مشكلة ومحصلش فيها مشكلة الفترة اللى فاتت وأنت مصلحتهاش مع السنترال .. لو كله تمام ما عليك غير إن أنت تكلم الشركة تانى وتقولوهم بس إن الحرارة شغالة وده معناة إن الخط مش مكسور برة ..ويايت تعملوا تشيك تانى من عندكم.. وبردة من الأفضل أنك تجرب الروتر عند أى حد من صحابك... وإبقا طمنا :)