هل من مجيب؟ ارجو المساعدة

**Hossam El-Tonsy** · 29-05-2007 02:49 PM

السادة أعضاء منتدي هيونداي

السلام عليكم جميعا

لي سؤال و قد طرحته من قبل و لم يجبني سوي السيد محسن مشكورا و هو من منتدي بروتون و السؤال كان " بروتون واجا ام ماتريكس"

انا بجد في حيرة شديدة و سمعت عن ان الماتريكس الاتوماتنك مش اد كدة برجاء الافادة من اهل الخبرة؟

و اخير اشكر القائمنين علي هذا المنتدي علي الجهد المبذول

حسام التونسي

**memo_hefnawy** · 29-05-2007 03:22 PM

شوف يا عم حسام لو على :

إعادة البيع يبقى ماتريكس

الوسع بزيادة ماتريكس
---------------

القوة و الثبات و الكماليات و الأساسيات يبقى واجا .

**mohamed yousry** · 29-05-2007 03:24 PM

ملحوظة مهمة الماتريكس تعتبر تقيلة على موتورها اذا ما قورنت بالواجا.....بالاضافة لكل كلام الاستاذ حفناوى....

29-05-2007 03:48 PM

المشاركة الأصلية كتبت بواسطة memo_hefnawy

شوف يا عم حسام لو على :

إعادة البيع يبقى ماتريكس

الوسع بزيادة ماتريكس
---------------

القوة و الثبات و الكماليات و الأساسيات يبقى واجا .

طبعا حفناوي جابلك المفيد وانا بأكد ان الواجا احسن اساسيات وكماليات بالمقارنة بسعرها ولا يعيبها اذا قورنت بسيارات فئة 95 الف لــــــ 120 الف خامات الاكسسوار والتقفيل (ده بالمقارنة بالفئات الاعلي سعريا) اما اذا قورنت بالكوري فهي متساوية

**PAYOO** · 29-05-2007 03:52 PM

الماتركس عربيه عائليه من الدرجه الأولى ، واسعه ، ركوبه مختلفه عن أي صالون منتشره أكثر قطع غيارها معقوله و فيها أفتكاسات كتيره جدا في المساحات التخزينيه وأدائها معقول

الواجا عربيه محترمه فعلا بس الوكيل مش قد كده وأنا للأسف ماعنديش معلومات كتيره عن الواجا لكنها عربيه جيده والكل بيشكر فيها

**bassam nagy** · 29-05-2007 08:18 PM

ماتريكس احسن فى اعادة البيع واسعار قطع الغيار معقولة

**Hossam El-Tonsy** · 30-05-2007 01:32 PM

السادة الاعضاء

اولا اشكركم جميعا علي ردودكم المفيدة و غالبا حاشتري ماتركس ان شاء الله و لكن اريد رايكم في موضوع الاتوماتيك من حيث السحب و انها مش بتعمل Kickdown

ارجو الافادة و لكم جزيل الشكر

و هل هناك معرض بيحرق في اسعار الماتريكس؟

حسام التونسي

**hegazy** · 30-05-2007 06:49 PM

أعرف واحد بينزل شويتين...
بس.. واحد صاحبي جاب من عنده واستلم العربية عمله 350 كم. والورق اتأخر اسبوعين.
الظاهر بتيجي سواقة من المينا.
انا بقول كدة علشان متتشجعش اوي تجيب من الناس الي بتنزل في السعر. انصح بالوكيل أو الموزعين المعتمدن.

لو برضو مصمم تعرف الراجل دة ممكن ابعتلك اسمه على الخاص.