هو ده سؤال محير ولا عدم معرفة مني ؟؟

**mr_shims_49** · 07-12-2010 09:04 PM

السلام عليكم ورحمة الله و بركاته

انا عندي سؤال محيرني جدا انا معايا ابيزا 2009 العربية عاملة 35 الف كيلو و معايا بقالها سنة و اربع شهور ولسه لحد دلوقت مغيرتش تيل فرامل و التوكيل في صيانة ال 30 الف قالولي لأ لسه شوية لاحظت صوت صفارة اليومين دول بصيت علي التيل الامامي كان لسه فيه ربعه تقريبا بصي علي التيل اللي ورا لقيته خلصان و طبعا عمل خطوط كده في الطنبورة .. بصيت علي زيت الفرامل لقيته مليان معني كده ان في التوكيل لقاه ناقص و زوده مثلا لما لقي التيل الامامي مليان و مبصش علي التيل الخلفي ؟؟ ولا ايه
سؤالي بقي
هو طبيعي ان التيل اللي ورا يخلص قبل التيل اللي قدام و و هل كده التوكيل هو اللي غلطان انه كده اتسبب ان الطنابير عملت كده ولا كده فيه مشكلة اصلا ان الللي ورا يخلص قبل اللي قدام مع العلم العربية لسه في الضمان
و هل الحكاية دي ليها علاقة بأن العربية فيها حاجة بتوزع قوة الفرامل علي العجل علي اساس الوزن اللي متحمل علي كل عجلة ؟

و كمان في ناس بتقولي امسح الطنابير دي حاجة بسيطة بس انا عايز اغيرها ايه رأيكوا ؟

**egytamer** · 07-12-2010 09:16 PM

اخي العزيز الطبيعي ان التيل الاممامي بيتاكل اكتر كمان سيبك من موضوع خرط الطنبورة او المسح زي محضرتك كاتب لانو بيقلل من سمك الطنبورة وبيبوظها علي المدا القريب فدا اكيد غلط من التوكيل انو يشوف التيل الخلفي فيستحسن لو الطنابير اتكلت جامد انهم يغيروهالك علي حسابهن لانها غلطتهم هما

**mr_shims_49** · 07-12-2010 09:24 PM

شكرا جدا لرد حضرتك

طب حد عنده تفسير لموضوع ان التيل الخلفي يخلص قبل الامامي ؟؟؟؟؟؟؟؟؟؟؟؟؟؟؟

**mahmoud_magdy** · 07-12-2010 09:34 PM

اهم حاجه تكون الفرامل معاك كويسه
اما قصة ان التيل بيفضل مده اد ايه فده بيكون على حسب استعمالك للفرامل
وانا ملاحظ انك ساكن في اكتوبر والدنيا عندك فاضيه وبالتالي استعمالك للفرامل مبيكونش كتير
مقارنة باللي ساكن في القاهره زحمه علطول وفرامل طول الوقت
بالنسبالي مبستعملش الفرامل كتير برده بحكم ان الدنيا فاضيه في المدينه عندي

بخصوص الخطوط البيضا اعتقد انه عادي لان عندي في خطوط بيضا بردو والفرامل كويسه

معنديش معلومات تفسر تاكل التيل الخلفي اسرع من الامامي
بس مش ممكن يكون بيتهيألك ؟
خد بالك انك مطلعتش التيل وشفت حالته انت شفته من بره بس
وده مش مقياس
بس خلاص

**mr_shims_49** · 07-12-2010 09:48 PM

ألف شكر يا باشا علي اهتمامك ده
هي الفرامل كويسة الحمد لله مافيش اي مشكلى بس انا لما بصيت علي القدام واللي ورا واضح جدا الفرق بيتهم ان اللي قدام لسه فيه شوية و اللي ورا علي الحديد و عمل عالي وواطي في الطنابير الخلفية بس بنسبة بسيطة
يعني انا دلوقت ازعق معاهم في التوكيل عشان هما السبب يغيروا الطنابير علي حسابهم ولا هايبقي حرام انا كده مش عارف التفسير ان الورا خلص الأول و هل كده فعلا التوكيل هو السبب لأنه ماقليش انه محتاج يتغير او اي حاجة

**Formulator** · 07-12-2010 10:36 PM

هى فعلا غريبة شوية, المفروض اللى قدام يتآكل اسرع
ممكن تكون بتستعمل الهاند بريك كتير مثلا (دريفتات يعنى وكده) او بتتحرك كتير مع هاند بريك برده (علشان ماترجعش لورا على الكبارى مثلا فى الزحمة)

بس اقدر اقولك لو الفرامل ورا على طنابير (مش Calibers او سكينة) فدا بياكل التيل اسرع

**Formulator** · 08-12-2010 03:51 PM

المشاركة الأصلية كتبت بواسطة mr_shims_49

لأ الطنابير اللي ورا calibers
هو لو انا مثلا في الزحمة علي الكباري بستخدم الهاند بريك ده يخلص التيل و هل الهاند بريك اصلا بتكون شغالة علي التيل اللي هو في ال calibers ولا فيه ليها تيل تاني بيكون جوه الصرة بتاع الطنبورة ؟
اتا متلخبط اوي في الموضوع ده حد يقولي المفيد ؟؟؟؟؟؟؟؟

الهاند بريك بيشتغل على العجلتين اللى ورا
وعلى مطلع الكوبرى وانت شادد الهاند بيبقى فيه سنه حركة و التيل لسه ماسك لحد ما تفك الهاند و تمشى وده بياكل التيل طبعا

و خد بالك لومشيت مسافة على الهاند مرفوع (ولو تكة واحدة) ممكن تلاقى ABS Failure لا قدر الله

**mr_shims_49** · 09-12-2010 01:04 PM

متشكر جدا لرد حضرتك افهم من كده ان الهاند بريك بتشتغل علي تيل الفرامل اللي هو السكينة
لأني كنت قاكر في تيل تاني مختلف للهاند بريك ؟ يعني كنت فاكر التيل السكينة ده بيشتغل بس مع الفرامل العادية لكن الهاند بريك ليها تيل تاني جوة الطنبورة ؟
بس كلام حضرتك معناه ان هو تيل واحد اللي بيشتغل مع الفرامل و هو برده بتاع الهاند بريك ده بالنسبة للعجل الخلفي مظبوط كده ؟

-

-

الموضوع: هو ده سؤال محير ولا عدم معرفة مني ؟؟

LinkBack

أدوات الموضوع

عرض

هو ده سؤال محير ولا عدم معرفة مني ؟؟ - انشر الموضوع فى :

-

-

-

-

-

-

-

المواضيع المتشابهه

سؤال محير عن الجنوط والاستبن

سؤال محير و مهم هعيط و ربنا :(((((((((((((((

سؤال محير عن انذار الاوبترا

سؤال محير جدا جدا جدا

سؤال محير فى الموتور

الكلمات الدلالية لهذا الموضوع

المفضلات

المفضلات

ضوابط المشاركة