لو سمحت محتاج مساعدة في موضوع الشنبر ده

**pop201** · 07-12-2010 10:37 PM

ياجماعة ياريت لو حد مر بالموضوع ده يفيدني بخبرته وتجربته فالمجال ده ... اولآ انا معايا ابيزا 2001 ماتور 1000 سي سي العربية فيها بوجيه واحد بييجي علي سن الشمعة بتاعته زيت وبيخلي العربية تمشي علي تلاته بس واول ما اغيره تمشي كويس روحت لميكانيكي قالي محتاجة شنبر نصف عمره ,, السؤال لو سمحتم تكاليفها قد اية مئتين و و عشرة

**pop201** · 07-12-2010 10:39 PM

ياجماعة ياريت لو حد مر بالموضوع ده يفيدني بخبرته وتجربته فالمجال ده ... اولآ انا معايا ابيزا 2001 ماتور 1000 سي سي العربية فيها بوجيه واحد بييجي علي سن الشمعة بتاعته زيت وبيخلي العربية تمشي علي تلاته بس واول ما اغيره تمشي كويس روحت لميكانيكي قالي محتاجة شنبر نصف عمره ,, السؤال لو سمحتم تكاليفها قد اية الاسعار, وتاخد وقت فالتركيب قد ايه ,وهل لو حد عملها يرشدني عربيته عامله اية معاه بعد تغير طقم الشنبر والف شكر مقدمآ واسف للاطالة

**egman** · 09-12-2010 01:34 PM

متابع باهتمام ...

**alzelafy** · 10-12-2010 03:17 PM

بص يا باشا لو العربيه بتدخن من الشكمان هتضطر تفتح الموتور و تعملو لو مبتدخنش يبقى كبر دماغك سنه لحد ما الموتور يجيب اخرة و اعملو بعد كدة الموضوع كلو هيصرف معاك حوالى 2000 جنيه موضوه ان العربيه متلته دة مش مشكله المشكله فى الدخنه من وجهه نظرى و انا عملت زيك نص عمرة و طبعا لما بتفتح الموتور بتلاقى مشاكل تانيه بتقابلك بتضطر تعملها مهو الموتور مفتوح و لازم يتقفل صح مبتقدرش تقصر فى حاجه هقلك على بعض اسعار طقم الشنبر ب 320 طقم صباب 300 جلد صباب 15 جوان وش سلندر جرينجريد ب 40 و دا لو وش السلندر عندك معمول قبل كدة فى المخرطه و الوش فى الضياع بتجيب وش جرينجريد انا جبت 2 وش ب 80 لكن لو الوش سليم بتجيب الجوان الاصلى ب 90 و المخرطه 300 شداد ب 250 مصنعيه 450 زيت 50 سيليكون و نثريات 30 طقم سبيكه ب 450 و دا انا ملقتوش وركبت القديم و طبعا كنت محتاج طقم بستم كمان معرفتش اوصلو فسالت الميكانيكى عن حاله البستم عندى قالى 90 فى الميه قلتلو ركب على كدة و الحمد لله العربيه ماشيه معايا بقالها سنه كويسه بس السحب طبعا بيقل شويه و دى خلاصه تجربتى فى طقم الشنبر و اى استفسار انا تحت امرك كلنا لازم نساعد بعض لحد ما نخرج من مازق الابيزا دا

**alzelafy** · 10-12-2010 03:18 PM

نسيت اقولك تتعامل مع ميكانيكى بارد شويه عشان يصبر عليك و على العربيه و لو عايز اى استفسان انا تحت امرك 0105130446

**elmkaneeki** · 10-12-2010 03:31 PM

هوا البوجيه الرابع؟

**egman** · 12-12-2010 10:28 AM

طيب يا باشا يا ريت تقولنا عملت الحاحت ده كلها عند مين والدنيا بقت عمله ازاى بعد كده فى منسوب الزيت والدخنه والسحب واستهلاك البنزين اكون شاكر لحضرتك جدا وكمان اخدت منك وقت قد اية ؟

**alzelafy** · 13-12-2010 02:06 AM

انا عملت العمرة فى المنصورة خدت اسبوع عشان مكنتش فاضلها اشتغل يوم و ابطل يوم الزيت اتحكم جدا جدا و المياة نسيتها البنزين ممتاز السحب هو اللى قل شويه و الميكانيكى بيتحايل عليا اروحلو و يظبطلى السحب و انا اللى مش فاضى اروحلو