إثبات مقولة (فلوس اللانسر حلاااااااااااااااال)

يا جماعة أنا بس عاوز أحكيلكم عن حادثة خفيفة كده حصلت معايا من كام يوم.
كنت ماشي بعربيتي من كام يوم أنا و واحد صاحبي وكيل نيابة وكنا مستعجلين جدا علشان كنت بوصله مكان حادثة حصلت في دايرة النيابة بتاعته.المهم وأنا ماشي في شارع جانبي صغير بسرعة جداااااااا (والله العظيم كنت ماشي على 100) والشارع كله تقاطعات وطبعا إيدي على الكلاكس والنور العالي (كنا بليل طبعا) وفجأة لقيت عربية مرسيديس 200 قديمة (موديلات 80) طلع مرة واحدة من التقاطع اليمين على بعد ميكملش 5 متر وكان جاي في وشي تاكسي زطبعا مكنش فيه حل غير إني أفرمل مرة واحدة ورجلي على الأخر على الفرامل.وخد عندك بقى أحلى أصوات زحف وهوب مرة واحدة طاااااااااااااااااااااااا ااااااااااااااااااااااااا ااااااااااااااااااااخ :D:D:D:D:D
طبعا الباشا كان طالع من التقاطع الجانبي مش باصص لا يمين ولا شمال وكان أصلا هيدخل في التاكسي لو مكنتش أنا دخلت فيه:)
المهم بطلت العربية ونزلت بصيت وكنت متأكد إني هلاقي العربية متفرتكة من الوش.(والله العظيم الناسقبل ما أنزل من العربية كانت الناس إتلمت من صوت الزحف مع إن الشارع مكنش فيه حد أصلا وكمان فضلت أحمد ربنا إن الايرباج مفتحتش)وكانت المفاجئة ليا وللناس اللي واقفة وكمان صاحبي إن عربيتي محصلش فيها أي حاجة غير اللي في الصور ده والعربية المرسيديس أقسم بالله الجنب بتاعها إتبهدل تماما لدرجة إن الناس كانوا عاوزيني أدفع للراجل أي حاجة مع إني مش غلطان بس زي متقولوه كده صعب عليهم منظر عربيته وعربيتي:)
http://up101.arabsh.com/my/6fd7c92.jpg
http://up101.arabsh.com/my/fc2fd35.jpg

قووووووووووول الحمدلله ما يحسد المال الا اصحابه ;) وربنا يباركلك فيها

اقتباس:

---

المشاركة الأصلية كتبت بواسطة elpasha009

وأنا ماشي في شارع جانبي صغير بسرعة جداااااااا (والله العظيم كنت ماشي على 100) والشارع كله تقاطعات وطبعا إيدي على الكلاكس والنور العالي (كنا بليل طبعا)

---

اولا: حمد الله على سلامتك انت وصاحبك

ثانيا: كل ده ومش غلطان ... طب افرض ان بدل العربية المرسيدس كان فيه بنى ادم كان ممكن الوضع يبقى ايه ؟؟

فعلا فى التأنى السلامة

ثالثا : ربنا يباركلك فى عربيتك فعلا اللانسر بالذات انا شوفت قبل كده كذا حادثه وكنت ببقى متوقع انها حتكون متدمرة لكن بفاجا بأنها فيها اصابات طفيفة

اولاً الحمد لله على كل شئ وقدر الله وما شاء فعل.

ثانياً انت غلطان انك تمشي في شوارع جانبية وضيقة على

سرعة 100 كيلو في الساعة مهما كان عذرك لان كان ممكن

يطلع لك عيل صغير بعجلة ولا حاجة كنت هتموتة.

ثالثاً انت خبطة بمقدمة عربيتك فطبيعي ان الخسائر عندة

هتكون اكبر بكتير من عندك.

يا جماعة أنا عارف إني غلطان طبعا علشان السرعة بس الغلط الحقيقي عنده هو لأنه موقفش وهو طالع وكان هيخبط كده ولا كده.
وبعدين الموضوع مش موضوع مين اللي غلطان أنا بس حبيت أوريكم الصور مش أكتر:)

لا حول ولا قوة اللا بالله
التفاخر بالخطأ اعظم خطيئة

اقتباس:

---

المشاركة الأصلية كتبت بواسطة Nader

اولاً الحمد لله على كل شئ وقدر الله وما شاء فعل.

ثانياً انت غلطان انك تمشي في شوارع جانبية وضيقة على

سرعة 100 كيلو في الساعة مهما كان عذرك لان كان ممكن

يطلع لك عيل صغير بعجلة ولا حاجة كنت هتموتة.

ثالثاً انت خبطة بمقدمة عربيتك فطبيعي ان الخسائر عندة

هتكون اكبر بكتير من عندك.

---

+111111111111

أولا يا باشا 09 الحمد لله انها جات بسيطه, و ربنا يباركلك في اللانسر بتاعتك و يكفيك شرها و جريها,,,
ثانيا, الحمد لله انك معترف بخطأك في موضوع الجري داخل شوارع المدينه,, بس زي مالأخوه لفتو نظرك,, لو قتلت شخص,, هل يمكن انك تسامح نفسك باقي عمرك؟؟

ثالثا, موضوع خبطات اللانسر دي مسأله نصيب و حسب طبيعه الخبطه مش السرعه,, أنا هاقولك علي حادثه حصلت للانسر بتاعتي يا دوب وانا لسه باطلع بالعربيه,, يعني السرعه كانت في حدود ال20 أو 30,, و مع ذلك راح مني اكصدام و فانوس و كبود ورفرف و الحمدلله,, قدّر الله و ما شاء فعل,, أنا والله مش مبتدئ سواقه,, بس زي مابيقولو,, أخطاء الغير قد تفوق مهارتك في القياده...

هو غلطان اه
بس فيه حاجة اسمها القيادة الامنة و انك تعتمد على ان كل اللي حواليك مش بيعرفوا يسوقوا

يا جماعة مافيش شك ان الباشا صاحب الموضوع غلطان و هو عارف كده
لكن هو مش بيحكيلنا عشان نقوله مين الغلطان هو بيحكي عشان فرحان و سعيد باختياره لعربيته و الشعور ده انا جربته لكن مع الفارق
لاني كنت مرة رايح عند الشيخ وفيق في بحري اسكندرية و دايما بيبقي فيه اتوبيسات سياحة هناك المهم وصلت و ماكانش فيه مشكلة في الركنة و كان فيه اتوبيس سياحي بيركن امامي المهم فضلت في العربية لغاية ما السايس ركنه و قلت اظبط عربيتي في الوقوف و فجأة و بدون مقدمات لقيت سواق الاتوبيس بيرجع بسرعة رهيبة و كنت لحسن الحظ لسه ما عشقتش العربية فلقيت عربيتي ارتدت ارتداد شديد و نزلت اعصابي بايظة جدا لاني مدرك تماما حجم الخساير اللي حصلتلي بدون اي زنب و اول ما نزلت بصيت علي الاتوبيس لقيت الاكصدام الخلفي عنده مدمر و داخل في الاتوبيس و جيت ابص عندي ..مافيش اي حاجة ادعك عيني و ابص تاني و انا بعنف سواق الاتوبيس اللي مش عارف يقول ايه ..اتاري الخبطة كلها جت في النمر عندي و يدوب لما تحسس بايدك علي الدعامة اللي بتتحط عليها النمرة تلاقي زحزحة شوية من مكانها...سامحت السواق و قلت قدر الله و ما شاء فعل و قلت فعلا ان ربنا يكرمك لما تبقي مقدرة ليك خبطة او حادثة و يلطف بيها فتيجي في اجمد جزء في العربية
و ربنا الحارس ..انا حبيت احكي الموضوع لاني حاسس بسعادة الباشا علي لطف ربنا به و انصحه بالمزيد من فعل الخيرات و اتقاء الله عز وجل في كل شيء لان رسولنا الكريم صلوات الله وسلامه عليه اخبرنا بأن صنائع المعروف تقي مصارع السوء

محمد فهمي

بجد الواحد حاسس إنه غلط وحكى الموقف في المنتدى.
أنا قلت من البداية إني عارف إني غلطان وبحكي موقف وصور خبطة وبس.مش جاي أقولكم من اللي غلط ومين اللي صح.
شكرا ليك يا أخ borgelharm وبجد انت الوحيد اللي فهمت قصدي.

اقتباس:

---

المشاركة الأصلية كتبت بواسطة borgelharm

انصحه بالمزيد من فعل الخيرات و اتقاء الله عز وجل في كل شيء لان رسولنا الكريم صلوات الله وسلامه عليه اخبرنا بأن صنائع المعروف تقي مصارع السوء

محمد فهمي

---

جزاك الله خيرا

اقتباس:

---

المشاركة الأصلية كتبت بواسطة elpasha009

بجد الواحد حاسس إنه غلط وحكى الموقف في المنتدى.
أنا قلت من البداية إني عارف إني غلطان وبحكي موقف وصور خبطة وبس.مش جاي أقولكم من اللي غلط ومين اللي صح.
شكرا ليك يا أخ borgelharm وبجد انت الوحيد اللي فهمت قصدي.

---

لا غلطان و لا حاجة يا باشا المشكلة و دي صوتنا اتنبح فيها ان فيه بعض الاخوة بيرد علي المشاركة اللي قبل منه و خلاص من غير ما يتابع اصل الموضوع و المشاركات الاخري

محمد فهمي

اقتباس:

---

المشاركة الأصلية كتبت بواسطة nobody

جزاك الله خيرا

---

و اياك يا اخي الفاضل ربنا يحميك و يحمينا

محمد فهمي

اقتباس:

---

المشاركة الأصلية كتبت بواسطة Nader

اولاً الحمد لله على كل شئ وقدر الله وما شاء فعل.

ثانياً انت غلطان انك تمشي في شوارع جانبية وضيقة على

سرعة 100 كيلو في الساعة مهما كان عذرك لان كان ممكن

يطلع لك عيل صغير بعجلة ولا حاجة كنت هتموتة.

ثالثاً انت خبطة بمقدمة عربيتك فطبيعي ان الخسائر عندة

هتكون اكبر بكتير من عندك.

---

كلام نادر صح

بس حمد لله على سلامتك بس اللى انت علمته so risky

بجد تخيل فعلا لو عيل صغير بعجلة

بلييييييييييز متعملش كدة تانى :(

ماهي المصايب مبتجيش غير من السرعة العالية دى اوى

حمد لله على سلامتك و سلامة العربية :)

الحمد لله فضيت أخيرا يوم الجمعة اللي فاتت ورحت عملت الخبطة ده عند سمكري معرفة تخيلو إتكلفت كام؟؟؟؟؟؟؟؟؟؟؟؟
إتكلفت بالظبط 22 جنيه :d
كل المشكلة بس إنها خدت وقت في الفك والتركيب لكن الإستعدال نفسه مخدش 5 دقايق.

ربنا يباركلك فيها وابقي امشي بالراحة بالذات في الشوارع الجانبية
اخبار السفر ايه

اقتباس:

---

المشاركة الأصلية كتبت بواسطة karim_monir

اخبار السفر ايه

---

أخيرا عرفتني:)
إن شاء الله على أخر الشهر وشكرا ليك على سؤالك.

قول الحمد لله

بس انت الي غلطان

والحمد لله انها جت في الحديد

الحمد لله انها جت على كده وفى التأنى السلامه
وحمدالله على السلامه

http://www.imgall.com/img2/ef10dd3bc7.jpg

اقتباس:

---

المشاركة الأصلية كتبت بواسطة crazylambada

هو غلطان اه
بس فيه حاجة اسمها القيادة الامنة و انك تعتمد على ان كل اللي حواليك مش بيعرفوا يسوقوا

---

أنا مع حضرتك فى كل كلمة