مبروك عليكى و ربنا يباركلك فيها ويكفيكى شرها
وعقبال ماتجيبي البي ام الفئه السابعه زيرو..كاش.
مبروك عليكى و ربنا يباركلك فيها ويكفيكى شرها
وعقبال ماتجيبي البي ام الفئه السابعه زيرو..كاش.
ألف ألف مبروك
ربنا يبارك لك فيها ويحفظا لك من كل سوء
عربية ممتازة جداً
كان فيه واحد في منتدى المسافرون العرب سافر بيها من الأردن إلى رومانيا
و قال إنه ماحطتش غير زيت قبل ما يسافر و غيره أما رجع..ده غير البنزين طبعاً
أنا آسف هو راح بولندا..أبعد من رومانيا
ده رابط الرحلة لو أردت قرائتها..رحلة ممتعة جداً
من المملكة الاردنية الى الاراضي البولندية بالسيارة 2010 - مـنـتـدى الـعـرب الـمـسافـرون
مبروك على العربية ولونها حلو ما شاء الله
كده انا مش هعمل التقرير
طبعا ماهو انت وفيتى وقلتى كل حاجة عن العربية
انا كمان الحمد لله استلمت عربيتى الريو من روكسى الاسبوع اللى فات
وكان نفسى اجيبها احمر بس للاسف مكنش فيه غير فضى فاخدتها
بس عربيتى 1600 اتوماتيك والموتور اللى راكب فيها اسمه cvvt ده غير الموتور اللى راكب فى عربيتك مش عارف هيكون فيه فرق كبير بين 1400 و 1600 مظنش
المهم هى عربية جميلة وممتعة فى السواقة وانا جبت بيها 150 km على طريق السويس وكانت معقولة جدا بالنسبة لحجمها
الف مبروك ليكى على العربية وعلى كل اللى اشترى الريو وان شاء الله تكون بداية لرابطة ملاك الريو على ايديك
انا معايا ريو 2011 اوتوماتيك 1600 cc هى عربيه تحفه بس اعتقد انها مفيش 1400 اوتوماتيك ال 1400 مانوال
ماشاء الله ربنا يزيد و يبارك يا رب ملاك الريو
الف مبروك عليك الريو بتاعتك و مستنين تقريرك برضو لأن كل واحد بيبقى ليه تقييم يختلف عن التاني و عاوزين كلنا نفيد بعض
دا غير ان اكيد كل اللي جابو الريو قريب هايعملوا صيانة ال 1000 قبلي و ان شاء تعملوا تقارير اوفى و افضل من تقرير الاستلام الغلبان بتاعي
عمالين يكترول في المنتدى اهو
الفضي و الجراي بتوعها حلوين اوي ما شاء الله
الموتور ال 1600 فعلا فيه تكنولوجيا ال CVVT و دي حلوة جدا جدا
Cvvt mean : Continuosly Variable Valve Timing
بعنى الصباب بيغير معاد قفله وفتحه حسب سرعة السلندر عشان يدى اقصى قوة فى جميع مراحل لفات المحرك
و الموضوع دا في شرح وافي لتنولوجيا الموتور دا
http://www.nilemotors.net/Nile/51068...dohc-cvvt.html
يارب امين نعمل الرابطة قريب ان شاء الله عشان نفيد بعض
ألف مبروك يا دونزي و بالخير إن شاء الله
و ربنا يعطيكي خيرها و يكفيكي شرها
و آسف على التهنئة المتأخرة لقلة دخولي المنتدى
:)
انا اتصلت يوم الاحد علشان اعمل صيانة الالف بس للاسف ملقتش معاد قبل الاحد القادم
وكنت عامل يوم الاحد 1024 كم , ان شاء الله على الاحد القادم هيكونوا 3000 كم
اللى عايز يحجز ميعاد يخلى بالو ويحجز قبل ما يوصل للكيلو متر بتاع الصيانة
كان فى فرع روكسى
الف مبروك وربنا يباركلك فيها وما شاء الله العربيه تحفه بس كان ليا استفسار هيه مصارف الترخيص لل 1400 كانت كام دفعتي كام اصلي هجيب قريب وكنت محتاج اعرف اعمل حسابي علي كام تقريبا
الف الف مبروك يا دونزى ربنا يبارك لك فى عربيتك يا رب
مبروووووووووك :)
ربنا يحافظ عليكوا من العربيات ويحفظهالكوا
الف مبروك وربنا يديلك خيرها ويكفيك شرها :ask::ask: ويبعد عنك الحقدة والحاسدين وبتوع المرور الوحشين
قول آمين:ask::ask:
بسم الله ماشاء الله
ربنا يباركلك فيها ويديك خيرها ويكفيك شرها
مبروك يا دونزي
انا لسة شايفة تقرير العربية دلوقتي
ما شاء الله جميلة .. مع انك اكيد بتبقى غطسانة فيها وانتي قاعدة
وخلي بالك من نفسك وربنا يستر طريقك
ادعي لي بأة انا كمان عشان تباركي لي قريب
الف ملييون مبروووك...ربنا يعطيكى خيرها ويكفيكى شرها
ركبت فرش جلد للعربية عند جينز كار اتفرجوا على الصور بقى و قلولي رائيكم ايه
http://www.nilemotors.net/Nile/194709-2011.html
السلام عليكم يا استاذة Donzi انا عايزة اعرف منك اسعار قطع الغيار وهل متوفرة فى التوكيل وخارجه ولا ايه ...وعلى فكرة انا سألت كتير ومحدش عايز يرد عليا!!!!!!!!!!!!وملاحظة ان اى حد بيسأل السؤال ده عن كيا ريو مش بيلاقى اجابة محددة مع ان العربية مش جديدة على السوق وبصراحة كنت مقتنعة بيها بس بدأت اقلق يعنى لو حصل اى مشكلة بعد الشراء نعمل ايه بالظبط .وفكرت بعد ما قريت تقريرك الرائع واللى حببنى اكتر واكتر فى العربية انك اكيد سألتى على موضوع توفر قطع الغيار ده قبل ماتشتريها.... وبتمنالك التوفيق ويارب تسعدى بعربيتك الجديدة وربنا يحفظك وكلى امل اسمع منك اجابة لانى فعلا خلاص على وشك اصرف نظر وافكر فى شئ تانى او رابع بقى لأن قبل كدة فكرت فى الابيزا والايفواثم الريو عشان نفس مشكلة قطع الغيار .وعشان خايفة من توكيل غبور رغم ان عاجبنى الi20واخيرا يسعدنى يكون طلبى ده بداية تعارف طيبة ان شاء الله.:2003126104835_wrc:
دونزي هانم مبروك ع العربية ولو إنها متأخرة شوية
لو حبيت أشوف العربية دي أي معرض ممكن أروحه, لو عندك فكرة يا ريت تقوليلي
شكرا جزيلا
اسمحيلي ارد في موضوعك يا دونزي
بص يا باشا ده قائمه بكل الموزعين المعتمدين في مصر وحضرتك تقدر تختار الاقرب ليك
.:: KIA MOTORS ::.
حضرتك هتضغط علي delers showrooms
هتلاقي قائمه بكل الموزعين