تقرير استلام كيا ريو اتوماتيك 1400cc موديل 2011 بالصور
السلام عليكم يا اهل المنتدى الكرام
الحمد لله تم استلام و ترخيص كيا ريو اتوماتيك 1400 CC موديل 2011 ، و كنت وعدتكم بالتقرير المصور من يوم ما استلمت بس نظرا لظروف شغلي مكنتش لاحقة اصور العربية و اعمل التقرير
حاولت اصورلكم كل اجزاء العربية و كل الكماليات اللي اكتشفتها لحد دلوقتي و اليكم مواصفات العربية و هاكتبلكم كل حاجة بالتفصيل عشان احنا عارفين في مصر ازاي بينفضوا العربيات فا انا هاقلوكم كل حاجة موجودة في العربية
1- اتوماتيك 1400 CC ( اتوماتيك فقط و ليس ستبترونيك )
2- فوانيس شبورة
3- كرسي السائق قابل للتعديل
4- الكنبة الخلفية قابلة للطي ( التلت و التلتين )
5- كاسيت سي دي كينوود
6- حزام الامان قابل للتعديل
7- عدد 4 زجاج كهرباء
8- فتح الشنطة و الكبوت و تانك البنزين من الداخل
9- تعديل مرايات الجوانب بالكهرباء و لكن ليست طي بالكهرباء ( مش بتتقفل لجوة بالكهرباء بتتقفل مانيوال )
10- سنتر لوك ( بس مش اتوماتيك يعني مش بيقفل لوحده بعد ما العربية تمشي ولا حاجة لازم يتقفل مانيوال برضو )
11- مخادع للرأس في الكنبة الخلفية
الحاجة اللي صدمتني نزول العربية بدون ريموت و دي حاجة ضايقتني جدا بصراحة ، دا حتى البيكانتو نازلة بريموت كنترول
انطباعاتي عن العربية بعد كام مشوار فقط:
1- مساحة داخلية مريحة جدا في الامام و معقولة في الخلف
2- مساحة الشنطة جيدة جدا جدا ما شاء الله تشيل خروف
3- استهلاك البنزين جيد و الى حد ما اقل من ال 1600 cc
4- بطيئة شوية في السحب و التجميع معرفش عشان الاتوماتيك عموما ولا عشان 1400 cc فقط
5- الكاسيت سيىء و مش عارفة اظبطه و اتعامل معاه خالص و السماعات كمان مش قد كدة
6- طبعا سواقة المانيوال ممتعة اكتر بكتير و لكن الاتوماتيك اريح بكتير جداااااا و فعلا ماينفعش غيره في مصر
7- الفرامل جيدة جدا بالنسبة لكونها مش ABS
اعذروني لقلة الانطباعات لأني يدوبك سوقتها 3 مرات فقط و لسة مكملتش 200 كم و ان شاء الله هاوافيكم بتقارير اول باول مع الصيانات و اي اضافات هاعملها في العربية و اولها هايكون الفرش قريب جدا ان شاء الله في خلال اسبوعين لاني برضو ملحقتش اعمله و لا حتى جيبت الدواسات و الغطا
و اسيبكم بقى مع الصور
http://img28.imageshack.us/img28/8822/pict03230.jpg
http://img152.imageshack.us/img152/8...ofpict0285.jpg
http://img440.imageshack.us/img440/9...ofpict0286.jpg
http://img255.imageshack.us/img255/7...ofpict0294.jpg
http://img203.imageshack.us/img203/8...ofpict0309.jpg
http://img404.imageshack.us/img404/8...ofpict0310.jpg
http://img69.imageshack.us/img69/9637/pict0287t.jpg
http://img375.imageshack.us/img375/8764/pict0288l.jpg
http://img593.imageshack.us/img593/1210/pict0289y.jpg
http://img593.imageshack.us/img593/8040/pict02900.jpg
http://img227.imageshack.us/img227/1896/pict0291z.jpg
http://img35.imageshack.us/img35/2577/pict0292h.jpg
http://img6.imageshack.us/img6/9546/pict0295w.jpg
http://img98.imageshack.us/img98/2698/pict0296n.jpg
http://img507.imageshack.us/img507/4849/pict0297.jpg
http://img829.imageshack.us/img829/841/pict0300c.jpg
http://img87.imageshack.us/img87/8701/pict0301u.jpg
http://img820.imageshack.us/img820/7204/pict0302tw.jpg
http://img196.imageshack.us/img196/3954/pict0304i.jpg
http://img822.imageshack.us/img822/9444/pict0308c.jpg
http://img255.imageshack.us/img255/9808/pict0312v.jpg
http://img404.imageshack.us/img404/2403/pict0313t.jpg
http://img98.imageshack.us/img98/4305/pict03140.jpg
http://img411.imageshack.us/img411/8227/pict0319g.jpg
http://img801.imageshack.us/img801/2830/pict0320.jpg
http://img137.imageshack.us/img137/4429/pict0322j.jpg
