الموضوع: مش لاقي مقصات اسباني

المشاركة الأصلية كتبت بواسطة gassarian

طيب مكانهم فين في الإسكندرية ... أنا من الإسكندرية

مكانهم عند عفشجي اسمه علي مشهور جدا بشارع سيف - سيدي بشر قبلي - امام الامن المركزي

المشاركة الأصلية كتبت بواسطة nehad_h

شكرا يا اخ عمر هفكر في الحل ده ؟؟ بس يا ترى ده مش بياثر على اي حاجة تاني الباور يتقل مثلا او يكون ليه اي اثار جانبية على اي حاجة اصل انا موسوس شوية بصراحة ودايما بحب اغير ومش بحب التعديل والا كانو عملوها في المصنع من الاول طالما الناس كلها عارفة ان ده عيب النوبيرا
عموما هشوف العفشجي يوم السبت ان شاء الله واتكلم معاه في الحل ده شكرا مرة تانية

انا موسوس اكتر منك ومش من هواة التعديل بس ده مش تعديل الجلب بتاعة التويوتا هي هي جلب النوبيرا بس فتحة ربط المسمار اضيق شوية علشان كده الخراط بيوسع الفتحة تقريبا من مسمار 17 الي 19 علشان تترط في النوبيرا اما غير كدة تكوين الجلب واحد وعلي فكرة اللي بيتوسعوا جلبتين بس من الاربعة والاتنين التانين بيركبوا زي ما هما لكن طبعا فرق كبير بين جودة الياباني وبين جودة الكوري ده لو لقينا كوري
وانا مركبهم عندي ومالهمش اي تأثير جانبي خالص ولما تشوفهم علي الطبيعة هتتأكد من ده

المشاركة الأصلية كتبت بواسطة omar4_all

بص يا استاذ نهاد مهما غيرت في المقصات كلها مضروبة والاسباني ده مش موجود خالص لو عاوز تحل مشكلة الجلب نهائيا اعمل الاتي
روح لاي عفشجي كويس وخليه يحل الجلب من المقصات ومن اي واحد بتاع قطع غيار ياباني اشتري جلب تويوتا كرولا عيون وبعدين روح المخرطة خليه يخرط جلب التويوتا يخليها مقاس جلب النوبيرا وخلي العفشجي يركبهم علي مقصات النوبيرا وده موضوع مش مكلف خالص وبيحل المشكلة نهائيا وعمرهم الافتراضي كويس
وعلي فكرة فيه بتوع عفشة عندهم الجلب مخروطة جاهزة بس اللي انا اعرفهم في الاسكندرية لو تشرفني اوديك عند واحد كويس والموضوع مش بياخد اكتر من ساعة زمن
غير كده عن تجربة المشكلة مش هتتحل ولو غيرت المقصات مش هتعيش صدقني كلها مضروبة والاصلي كمان وحش لان ده عيب في تصنيع النوبيرا

الكلام ده مضبوظ 100 فى ال 100

طيب لو حبيت اغير الجلب بتاعة افيو باخرى يابانى؟؟؟
اشترى نوع العيون برده ولا ايه؟

المشاركة الأصلية كتبت بواسطة doc_semsem

طيب لو حبيت اغير الجلب بتاعة افيو باخرى يابانى؟؟؟
اشترى نوع العيون برده ولا ايه؟

بصراحة عن نفسي معرفش ينفع الكلام ده في الافيو ولا لا بص انصحك تسال عند نفش العفشجي اللي انا عملت عنده النوبيرا ورشته كبيرة ومشهور جدا بالحلول ديه واكيد هتلاقي عنده حل

المشاركة الأصلية كتبت بواسطة lakany

انا روحت النهارده عند ابو الحسن و لقيت عنده الاسبانى ب 450 جنيه و جبتهم بس مش مكتوب عليهم اى حاجه تفتكرو انا اتنصب عليا

انا لو مكانك مش هشتري مقصات علي انها اسباني من غير ما يكون عليها ما يثبت ذلك وبعدين المفروض ان ديه منتجات محترمة لازم يكون عليها ختم التصنيع والله اعلم يارب حد يكون اشتراهم قبل كده ويوضح كان وضعهم ايه