-
مش لاقي مقصات اسباني
يا جماعة محدش يعرف مكان في القاهرة بيبيع المقصات الاسباني بتاعت النوبيرا غير ابوالحسن او المنير لان ابو الحسن معندوش غير الجي ام و بـ 450 جنيه والمنير عندو ctr بـ200 جنيه وفي حاجة تانية كوري المقص عامل 175 جنيه وانا محتار ومش عارف اعمل ايه رجاء المساعدة
-
والله انا كمان بدور زيك بالضبط
انا كنت جيبت من نافع فى شارع دمش مقصات اتحاد اوروبى مش عارف ده الاسبانى ولا لا بس كانت ب 420 جنية
بس دلوقتى بقت خفيفة ومش كملت سنة
مش عارف والله ياربت لو حد يعرف يقولنا نجيب من فين
-
محدش عنده حل من وحوش الدايو ؟؟؟
-
هوه اللى كنا نعرفه ابو الحسن بس بقاله فتره معندوش
لو غلبت ممكن تعمل تعديل الجلب بتاعت الفيرنا كان فيه واحد عامل الموضوع ده معانا في المنتدى دور عليه و شوف التفاصيل
-
انا جبتهم من عند نافع بس من حوالى سنه
-
طب محدش عنده رقم نافع نسأل ويا ترى الاتحاد الاوروبي اللي جابها الاخ haiman هيه الاسباني واحسن من الجي ام و ctr ولا ايه يعني لو مفيش اسباني زي ما قال الراجل بتاع المنير ان المستورد مش بيجيبهم دلوقتي يبقى نعمل ايه .. ؟ اقصد ايه احسن حاجة موجودة في السوق بعد الاسباني الجي ام ولا الكوري ولا ال ctr ولا بتوع الاتحاد الاوروبي ؟؟
-
أنا اشتريتهم كورى بس مكتوب عليهم بالحفر صناعه كورى وكويسين وشغالين تمام وبقالهم معايا 8شهور وفى مكتوب عليهم ورقه ملزوقه وعليها البيانات يفضل بلاش منهم
-
اولا شكر واجب للذين قامو بالرد ،، بس معقول يا جماعة 103 مشاهدة ومفيش غير 3 - 4 هما اللي ردو ومحدش من استشاريين وخبراء الدايو نصحوني .. انا كلمت نافع يوم الخميس وقالي الاسباني موجودة وابن الـ .. دبيت مشوار من المعادي بعد الشغل ولقيت مفيش غير الكوري
وفي واحد تاني في شارع دمشق قالي ان مفيش حاجة اسمها جي ام والاسباني بطلت تنزل والمستورد مش هينزلها تاني وان ال ctr هيا الجي ام بس خط انتاج تاني واحيانا المحلات والتوكيل بيحطو عليها استيكر جي ام
غالبا كده انا هشتري الجي ام اللي عند ابو الحسن ب 450 جنيه وخلاص مع ان ال ctr ارخص بس هخليني في المضمون ولا ايه رأي السادة الخبراء ؟؟
-
بص يا استاذ نهاد مهما غيرت في المقصات كلها مضروبة والاسباني ده مش موجود خالص لو عاوز تحل مشكلة الجلب نهائيا اعمل الاتي
روح لاي عفشجي كويس وخليه يحل الجلب من المقصات ومن اي واحد بتاع قطع غيار ياباني اشتري جلب تويوتا كرولا عيون وبعدين روح المخرطة خليه يخرط جلب التويوتا يخليها مقاس جلب النوبيرا وخلي العفشجي يركبهم علي مقصات النوبيرا وده موضوع مش مكلف خالص وبيحل المشكلة نهائيا وعمرهم الافتراضي كويس
وعلي فكرة فيه بتوع عفشة عندهم الجلب مخروطة جاهزة بس اللي انا اعرفهم في الاسكندرية لو تشرفني اوديك عند واحد كويس والموضوع مش بياخد اكتر من ساعة زمن
غير كده عن تجربة المشكلة مش هتتحل ولو غيرت المقصات مش هتعيش صدقني كلها مضروبة والاصلي كمان وحش لان ده عيب في تصنيع النوبيرا
-
شكرا يا اخ عمر هفكر في الحل ده ؟؟ بس يا ترى ده مش بياثر على اي حاجة تاني الباور يتقل مثلا او يكون ليه اي اثار جانبية على اي حاجة اصل انا موسوس شوية بصراحة ودايما بحب اغير ومش بحب التعديل والا كانو عملوها في المصنع من الاول طالما الناس كلها عارفة ان ده عيب النوبيرا
عموما هشوف العفشجي يوم السبت ان شاء الله واتكلم معاه في الحل ده شكرا مرة تانية
Content Relevant URLs by
vBSEO 3.6.0 PL2