صوت العربيه والتاكيهات

**hanzcanz** · 08-12-2010 11:27 AM

السلام عليكم
اخوانى الكرام
عربيتى فيورا مو 85 بس المشكله اللى مجننانى ان صوت الموتور عالى لكن على السلانسيه كويس انا بظبطه بنفسى
بس المشكله لما بدوس بنزين الصوت بيبقى عالى ومضايقنى
بصيت على العمه لاقيتها مش محكومه كويس ومفتحه قلت بس يبقى دا العيب رحت واخد بعضى ونزلت عند بتوع الاستيراد وجبت عمه وركبتها قلت اجربها الاول وانا قدام المحل قبل ما ادفع فلوس فيها وطلعت برضه نفس المشكله الصوت لسه عالى
شفنى واحد ميكانيكى جنب المحل قالى ظبط التاكيهات هى اللى مخليه الموتور صوته عالى كده
ولو ظبطها كويس هتلاقى صوت العروسه (قصده العربيه) بقى مفيش خالص

هل الكلام دا مظبوط؟
ارجوا سرعه الرد
شكرا

**mahmoud5777** · 08-12-2010 12:27 PM

صوت العربية الناتج عن التاكيهات بيبقى صوت تكتكة شبه صوت ماكينة الخياطة والتاكيهات فعلا ممكن تبرجل الموتور وتخليه يسخن جامد بس مظنش انها تتسبب فى علو صوته راجع على الكاربراتير ممكن يكون محتاج نضافة

**hanzcanz** · 09-12-2010 03:17 PM

تسلم يا باشا على ردك السريع
انا عملت التاكيهات وفعلا كان فى صوت تكتكه وراحت وصوت الموتور اتحسن شويه
لو حد من الاخوه يفيدنى فى صوت العربيه
وهل لما تخلى صوت الموتور واطى على السلانسيه بيفرق لما تزود بنزين؟
يعنى لو واطى سلانسيه بيوطى صوت الموتور؟ ولو عالى سلانسيه صوت الموتور يعلى؟
وشكرا

**sam_pon** · 14-12-2010 03:37 PM

أقولك على حاجه صغيرة جدا ممكن تجربها

جرب كده والموتور على السلانسية أنك تسد الشكمان من ورا وشوف فيه تنفيس ولا لأ

اذا اتكتمت العربيه وبطلت يبقى الشكمان تمام واذا لم تلاحظ أي فرق يبقى الشكمان فيه تنفيس وممكن يكون التنفيس من عند الموتور من الأمام وهوه اللي مخلي الصوت عالي

وأخيرا وليس آخرا

ممكن يكون الشكمان سليم وتكون العلب بتاعت الشكمان فاضيه من جوه ودي بتخلي الصوت يرن ويبقى عالي

كل ده واحنا بنبعد تماما عن الأصوات من داخل الموتور كأصوات الكرنك وده بيظهر عند التحميل على الموتور عند طلوع مطلع أو وزن زائد بالسيارة

أتمنى أن أكون قد ساعدتك وأنتظر ردك

والله الموفق

**heshamzaky** · 14-12-2010 03:42 PM

معلش أتأكد من جنزير الكاتينة دة ممكن بيعمل صوت عالى و دربكة شوية

**hanzcanz** · 14-12-2010 06:17 PM

المشاركة الأصلية كتبت بواسطة sam_pon

أقولك على حاجه صغيرة جدا ممكن تجربها

جرب كده والموتور على السلانسية أنك تسد الشكمان من ورا وشوف فيه تنفيس ولا لأ

اذا اتكتمت العربيه وبطلت يبقى الشكمان تمام واذا لم تلاحظ أي فرق يبقى الشكمان فيه تنفيس وممكن يكون التنفيس من عند الموتور من الأمام وهوه اللي مخلي الصوت عالي

وأخيرا وليس آخرا

ممكن يكون الشكمان سليم وتكون العلب بتاعت الشكمان فاضيه من جوه ودي بتخلي الصوت يرن ويبقى عالي

كل ده واحنا بنبعد تماما عن الأصوات من داخل الموتور كأصوات الكرنك وده بيظهر عند التحميل على الموتور عند طلوع مطلع أو وزن زائد بالسيارة

أتمنى أن أكون قد ساعدتك وأنتظر ردك

والله الموفق

شكرا يا باشا على الرد
عموما انا جربت حكايه الشكمان دى قبل كده والعربيه بطلت وعرفت ان مفيش تنفيس
اما بالنسبه للعلب دى معرفش عنها حاجه
هل ممكن اعرفها بنفسى ولا لازم بتاع شكمانات؟
لانى لما سألته مرتين قبل كده قالى الشكمان تمام

**hanzcanz** · 14-12-2010 06:22 PM

المشاركة الأصلية كتبت بواسطة heshamzaky

معلش أتأكد من جنزير الكاتينة دة ممكن بيعمل صوت عالى و دربكة شوية

تسلم يا باشا على ردك
لكن دا اعمله ايه؟
بيتغير ولا اعمل ايه؟

**heshamzaky** · 14-12-2010 06:43 PM

المشاركة الأصلية كتبت بواسطة hanzcanz

تسلم يا باشا على ردك
لكن دا اعمله ايه؟
بيتغير ولا اعمل ايه؟

اكشف عند الميكانيكى لو قالك السر مرخى شوية دة بيتغير و الافضل غير الترسين معاة هو مش ممكن يتقطع ابدا لانة جنزير حديد مش كاوتش بس مفروض يتغير كل فترة كبيرة و بيهدى صوت الموتور و السحب بتاع العربية بيتظبط انا مرة سبتة مدة طويلة جدا لغاية ما قكع الجزء الالومونيوم بتاع وش التقسيمة و نطر زيت و رحت لحمت الوش و غيرت الجنزير

**sam_pon** · 14-12-2010 09:36 PM

المشاركة الأصلية كتبت بواسطة hanzcanz

شكرا يا باشا على الرد
عموما انا جربت حكايه الشكمان دى قبل كده والعربيه بطلت وعرفت ان مفيش تنفيس
اما بالنسبه للعلب دى معرفش عنها حاجه
هل ممكن اعرفها بنفسى ولا لازم بتاع شكمانات؟
لانى لما سألته مرتين قبل كده قالى الشكمان تمام

هو الوحيد اللي ممكن يجاوبك في مسألة الشكمان هو بتاع الشاكمانات ،، لكن طالما أنك سألته قبل كده وقالك تمام يبقى معنى كده إن الصوت بعيد عن الشكمان ، فيمكن يكون الصوت من الكاتينه فعلا ، أو يكون العزل الموجود بين غرفة المحرك وصالون العربيه مش موجود أصلا بسبب عمل عمرة في العربية وطبعا الصانيعيه اللي عندنا بيعتبروا العزل والأمور دي كلها تفاهات ودلع ومالهاش أي فايده

يا ريتك تقولنا لما توصل لسبب الصوت كان من أيه بالضبط

وربنا يوفقك