مشكلة في كاسيت سوبر صالون 2010

**Valiant73** · 08-12-2010 11:41 AM

استلمت عربيتي في أول يونيو 2010 والحمد لله العربية ممتازة لحد دلوقتى, المشكلة الوحيدة هى الكاسيت. ابتدت المشكلة بعد أول غسي للعربية أكتشفت أن الكاسيت عمل طقة في السماعات والشاشة كتب protect دخلت الكود أكتر من مرة من غير حل.
رحت توكيل الكاسيت في المهندسين قبل العيد الكبير بيومين قاللى المهندس أن في عيب في السوبر صالون أن الكاسيت بيسرب ميه على الكاسيت وان ic الصوت اتحرق ولازم أدفع في توكيل الكاسيت واحصل من التوكيل مع الصيانة.
طبعا ما اقتنعتش بالكلام ده واستلمت الكاسيت بعد العيد وقالوللى انه عيب سوفت وير ومخدوش فلوس.
المهم المشكلة اتكررت تانى من اسبوع ورحت التوكيل تاني وأنا مصمم أن انا اغير الكاسيت لو كان عيب سوفت وير تانى, سألت عن العيب بعدها قاللى المرة الدي ic الصوت اتحرق وحنغيره وحتدفع عندنا.
حد حصلتله المشكلة دي قبل كده وهل فعلا ده عيب في السوبر صالون. ممكن حد يرد من مودرن موتورز ويعرفنا ايه الحكاية.

مع الشكر

**د.أحمد السعيد** · 08-12-2010 01:46 PM

حاجة تحرق الدم حاول تتصل بخدمة نيسان و تشتكى 16244

**Ahmed.TV** · 08-12-2010 03:51 PM

اهلا بيك معانا فى اسرة نيسان

موضوع الكاسيت محدش اشتكى منه , ولو فى شكوى ممكن تكون مشكلة فردية

وكلام المهندس اللى قالك اصل السوبر صالون كله كدا , ده مش بيفهم اكيددددددددددد

فحضرتك معاك ضمان على كل حاجة فى العربية

بس انا عاوز اعرف حضرتك روحت لمين , وقالك فيه ic وحتدفع والكلام ده

حدد عشان نعرف انت روحت فين وحصل ايه معاك

روحت توكيل كينود ام احد مراكز الخدمة

**Valiant73** · 09-12-2010 01:58 PM

غسيل عادى من بره بس أن شاكك في السماعات. اخدت الكاسيت امبارح وانا بصلح في توكيل كينوود اللى في المهندسين ودفعت هناك 264ج واخدت فاتورة مكتوب عليها نيسان مصر. حأشوف لسه يوم السبت في صيانة ال10000 في مودرن أبو رواش حيعملوا ايه