مخالفة موكب افراح

**zalpany2000** · 08-12-2010 11:44 AM

السلام عليكم ورحمة الله

اخواني الكرااام

برجاء الافاااادة لاصحاب التجارب
في حال سحب رخصة القيادة وتحرير ايصال بمخالفة موكب افراح وانا اول مرة اسمع عن المخالفة دي

السؤال هو ما قيمة هذه المخالفة ؟ و هل يتم ايقاف الرخصة ام لا ؟؟؟ لاني سمعت تضارب بين انها بتتوقف او لا

تحياتي، برجاء سرعة الرد

**cyborg_ift** · 08-12-2010 12:04 PM

والله أول مره أسمع عن الموضوع ده ممكن تكون مخالفة إشغال طريق وفي الحاله ديه هفرح فيك لإني بتضايق جدا من أي موكب فرح يقف بعرض الطريق مثلا ويعطل اللي وراه وتملي بسأل نفسي هما فرحانين ليه!؟؟؟؟

**mailo** · 08-12-2010 01:11 PM

أنا كنت قريت فيال قانون الجديد إن دي فعلا مخالفة بس مش عارف كام بالضبط بس على مااتذكر كانت فلوس بس مش صاحب رخص

**M689** · 08-12-2010 01:45 PM

وقف رخصة القيادة شهر

**shaddadfalcon1** · 08-12-2010 02:25 PM

مش عارف دي هي هي بتاعة مخالفة شروط الترخيص ولا لآ ودي اللي هي بتبقي لما تشغل عربيه ملاكي تاكسي او اجره
وعلي مااعتقد دي بتعمل فحض تاني

بس طبعا بتاعة الموكب دي مخالفه

**zalpany2000** · 09-12-2010 09:00 PM

المشاركة الأصلية كتبت بواسطة cyborg_ift

والله أول مره أسمع عن الموضوع ده ممكن تكون مخالفة إشغال طريق وفي الحاله ديه هفرح فيك لإني بتضايق جدا من أي موكب فرح يقف بعرض الطريق مثلا ويعطل اللي وراه وتملي بسأل نفسي هما فرحانين ليه!؟؟؟؟

استاذ cyborg : لا ما تفرحش فيا ولا حاااجه ، مش انا اللي اعمل ده يعني .. ويا سيدي لو عملت ده حتي انا معايا عربية ابعادها ماتسدش شارع أبدا... حضرتك كنا ماشيين ورا بعض في فرح ومشغلين الانتظار والكلكسات ... وانا كنت في الاول بس هي دي المخالفة

المشاركة الأصلية كتبت بواسطة mailo

أنا كنت قريت فيال قانون الجديد إن دي فعلا مخالفة بس مش عارف كام بالضبط بس على مااتذكر كانت فلوس بس مش صاحب رخص

لا الرخصة اتسحبت ومافيش تصالح وقالي المخالفة بتتحدد في النيابة يا استاذ مايلو

المشاركة الأصلية كتبت بواسطة M689

وقف رخصة القيادة شهر

المشاركة الأصلية كتبت بواسطة shaddadfalcon1

مش عارف دي هي هي بتاعة مخالفة شروط الترخيص ولا لآ ودي اللي هي بتبقي لما تشغل عربيه ملاكي تاكسي او اجره
وعلي مااعتقد دي بتعمل فحض تاني

بس طبعا بتاعة الموكب دي مخالفه

هههههههههههه يا راجل اجرة ايه بس ... ربنا يسلم حالك يا رب :)) لا فيه مخالفة جديدة اكتشفتها اسمها وكب افراح :) ودي بتحصل لما سيادتك تشغل انتظار العربية وتعمل كلكسات في اشارة فيها ظابط زعلان او حاجه . بس هي دي التفاصيل

تحياتي للجميع للمرور
وفي انتظار ردود اصحاب الخبرة

ولا انا اول واحد اخد المخالفة دي يا جماعة ؟؟؟؟؟؟ !!!! طب والله الوصل مكتوب فيه موكب افراح :))

**zalpany2000** · 17-12-2010 02:15 AM

500 جنيه دون ايقاف !!!

**M.Nasr** · 17-12-2010 02:33 AM

المخالفة : قیادة المركبة في مواكب خاصة من دون تصریح.
الغرامة : لا یوجد
العقوبة : سحب رخصة القیادة لمدة لا تقل عن شھر.

**a7madramadan** · 17-12-2010 02:41 AM

أستاذ M.Nasr

موضوع المواكب الخاصة ده ببساطة كده ... المواكب السياسية .... يعني مثلا ما تلاقيش شارع مقفول ومترصص ظباط حرس رئاسي و تلاقي عربيات الموكب ماشية في سكتها تقوم ماشي وراهم ..... اقل واجب معاك تقعد فالقسم 48 ساعة وتحقيقات و ووقف الرخصة شهر دي حاجة زي ماتقول كده حلواني :)) مقابل الي هتتحمله من مشاكل لو مشيت في موكب سياسي خاص ....

**x_gomgom** · 17-12-2010 02:46 AM

يا باشا انت تروح نيابه المرور التابع لها و تسدد الغرامه المقرره و غالباً هتستلم الرخصه عقب سداد الغرامه....
موضوع الايقاف دا انا مش فاكره الصراحه بس انت ممكن تسأل هناك

الموضوع: مخالفة موكب افراح

LinkBack

أدوات الموضوع

عرض

مخالفة موكب افراح - انشر الموضوع فى :

-

-

-

-

المواضيع المتشابهه

موكب الرئيس يتحدي موكب الـ 30عام

موكب الريس

فين قاعات افراح دار المشاة ؟؟

افراح الصعيد اوعى وشك

موكب افراح !!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة