مخزن قطع غيار لاعضاء نايل موتورز فقط

**Akram** · 26-03-2008 09:38 AM

فكرة جامدة جداً و كمان ممكن يتعمل في المنتدى مكان خاص يتم فيه إدارة هذا المخزن ,
و ده هيبقى من خلال القائم بإدارة المخزن يسجل فيه الحاجات اللي استلمها و من مين و باقي البيانات ثم الحاجات اللي هتخرج و لمين ,
و أي حد من الأعضاء (بس لازم يكون عمل عدد معين من الإشتراكات) ممكن يشوف ايه اللي موجود في المخزن و يطلب الحاجة اللي عايزها و يروح يستلمها من المخزن,
دا بالإضافة لبعض القواعد اللي هتعملها الإدارة.

**M.Mokhtar** · 26-03-2008 09:48 AM

يا جماعه انا عملت الموضوع ده فى اوبل زى ما زملائى الاعزاء قالوا سابقا

احنا ممكن نعمل لكل نوع عربيه نفس الموضوع زى ما انا عملت فى اوبل

بس محتاجين حاجة تسهل الموضوع شويه

يعنى لو ينفع نعمل قائمة لقطع الغيار والحاله واستعمال قد ايه والسعر الاصلى كام وسعر البيع كام وتكون متجدده هتبقى اسهل بكتييييييييييييييييييير

بكده اللى معاه عربيه هيدخل على القسم الخاص بيها هيلاقى الموضوع ده واكيد مثبت ومجرد ما يدخل هيلاقى القايمة قدامه فيها كل البيانات

بس اعتقد ان ده هيحتاج يكون فى مشرف للقسم عشان اكيد مش اى حد هيعرف يحدث القائمة

انا عن نفسى مستعد امسك الموضوع ده فى قسم اوبل
بحيث اللى عنده حاجة يبعتلى بيانتها وانا احطها فى الموضوع
بس لازم نتفق على شكل القايمه هيتبقى ازاى

**kimo-nubira** · 26-03-2008 02:02 PM

المشاركة الأصلية كتبت بواسطة Akram

فكرة جامدة جداً و كمان ممكن يتعمل في المنتدى مكان خاص يتم فيه إدارة هذا المخزن ,
و ده هيبقى من خلال القائم بإدارة المخزن يسجل فيه الحاجات اللي استلمها و من مين و باقي البيانات ثم الحاجات اللي هتخرج و لمين ,
و أي حد من الأعضاء (بس لازم يكون عمل عدد معين من الإشتراكات) ممكن يشوف ايه اللي موجود في المخزن و يطلب الحاجة اللي عايزها و يروح يستلمها من المخزن,
دا بالإضافة لبعض القواعد اللي هتعملها الإدارة.

كلام جميل وهو ده اللي انا بتكلم فيه وفعلا زي م انت بتقول ممكن نعملها باسامي الناس اللي عايزه تشترك

**kimo-nubira** · 26-03-2008 02:07 PM

المشاركة الأصلية كتبت بواسطة mimysheckles

يعنى لو ينفع نعمل قائمة لقطع الغيار والحاله واستعمال قد ايه والسعر الاصلى كام وسعر البيع كام وتكون متجدده هتبقى اسهل بكتييييييييييييييييييير

يا محمد احنا مش هانبيع الحاجات ديه انا قصدي اننا نعرضهم بس واللي عايزهم ياخدهم من غير فلوس ....

لاننا كده ولا كده مش هنستفاد بيهم بس نبقي متاكدين ان اللي عايز الحاجات ديه محتجها فعلا لعريبته و يعني تبادل منفعه ليس اكتير مش بيع بس ...

**M.Mokhtar** · 26-03-2008 02:16 PM

اعتقد ان اللى عايز يبيع هيبقول سعر البيع كذا واللى عايز يديها هديه لاعضاء المنتدى هيقول سعر البيع مجانا

ليه نقتصر الموضوع على الحاجات المجانيه بس؟
ليه منخليش الاستفاده للجميع؟

**kimo-nubira** · 26-03-2008 02:55 PM

المشاركة الأصلية كتبت بواسطة mimysheckles

اعتقد ان اللى عايز يبيع هيبقول سعر البيع كذا واللى عايز يديها هديه لاعضاء المنتدى هيقول سعر البيع مجانا

ليه نقتصر الموضوع على الحاجات المجانيه بس؟
ليه منخليش الاستفاده للجميع؟

اكيد ياباشا احنا لو الموضوع تم إن شاء الله مش هانرغم حد علي حاجه اللي عايز يديها مجانيه اوك .. واللي عايز يبيع بارضو اوك

بس انا فهمت الكلام في الاول علي اساس ان كله هايبقي بيع يعني علشان كده رديت عليك .. لاكن انت كلامك ده اكيد صح طبعا

وكفايا ان الموضوع ده عرفني بشخصيه زيك يا محمد والله