السلام عليكم
عندى سؤال بخصوص زيت (ريسورس-Resource) الخاص بموتور السيارات و اللى بيعلن عنه كتير منذ فتره انه حل بديل لعمرة الموتور او نصف عمرةز
شكرا مقدما
عرض للطباعة
السلام عليكم
عندى سؤال بخصوص زيت (ريسورس-Resource) الخاص بموتور السيارات و اللى بيعلن عنه كتير منذ فتره انه حل بديل لعمرة الموتور او نصف عمرةز
شكرا مقدما
وانا كمان بضم صوتى الى صوتك .. على فكرة فى اخ هنا بيجرب فية لانة عبارة عن 2 عبواة او 3 عبوات مش فاكر وبيتحطوا على مرحل .. فياريت يقولنا اية النتيجة
لان العربية عايزة نص عمرة ومفيش وقت الواحد يعمل فيها اى حاجة
ياريت حد يفدنا يا رجالة
وشكرا جزيلا
انا اشتريت عبوتين وبيديك عبوه تالثه زياده عليهم ببلاش ب 300. تغير زيت وفلتر وتسخن العربيه وترج العبوه الاولي كويس لمده دقيقه وتحطها وتمشي بيها 100 كيلو ثم العبوه الثانيه بنفس الطريقه وتمشي 150 كيلو ثم الثالثه وتمش 200 كيلو.
ويظهر المفعول بعد 1000-1500 كيلو.
انا لغاية دلوقت عمل 300 كيلو ولما اخلص ال 1500 كيلو هفيدكم بالنتيجه .
ana mesh moktane3 bih 3ashan ezay hayemla el faraghat 7ata law fih iron particles ha3ady ezay men filter el zeet
??????
w law eftaradna enaha soghayara w hat3ady ezay hatemla el faraghat madam heya soghayara l daraget enaha te3ady men el filter fa akid el ta2sir hayeb2a da3iiiiif
w kaman da ma3mool f russia ya3ny saba7 saba7 ya 3am el 7ag
واحد زميلي في الشغل حطها في عربيته ,هيونداى اكسيل 1500
معملتش اي حاجة و الدخان قل بنسبة بسيطة .. و برضوا عمل عمرة بعدها
اعتقد انها تنفع للعربيات اللى مواتيرها يدوبك تحتاج لطقم شنبر و يكون تآكل الزيت لسه في بدايته !
حاليا الريسورس تحت التجربة عندى
اول ما اخلص هقول لكم ايه اللى حصل معايا
يا ريت يا سبعاوى باشا تلحقنا بالنتيجة لاحسن انا على اخرى من موضوع اكلان الزيت دة .. ويارب يجيب نتيجة فى موضوع طقم الشمبر دة ..
وياريت تقلنا اية الضرر لو الواحد مشى بالعربية وهى عايز طقم شمبر فترة كبيرة شوية يعنى على دخول الشتا القادم .. هل ممكن الموضوع يكبر ويخش فى عمرة كاملة ولا طول ما الواحد واخد بالة من نقص الزيت وبيزود بستمرار مش هيحصل مشكلة ؟؟
شكرا سبعاوى بيك
ويا ريت الاخ peranha يقلنا عربيتة نوعها اية واية المشكلة الى حصلت فيها علشان يحط ريسورس .. يعنى كانت محتاجة طقم شمبر ولا عمرة كاملة ؟؟
ياريت يا شباب كل اللى جرب ريسورس يقول لنا على النتيجة النهائية اية والا كلام اعلانات وخلاص
هو الريسورس ده فائده ايه بالضبط؟
الفكرة من ريسورس انة بيملا الفراغات الى موجودة علي وش المكبس و الي تسبب فيها احتراق البنزين داخل غرفة الاحتراق
ازاى؟
هو مش الريسورس دة بيضاف للزيت؟
حيوصل لوش البستم ازاى؟ حيخش غرفة الحريق و يتحرق فيها؟ طيب ما معنى كدة ان:
1- العربية حتدخن برضة
2- حيعمل رواسب على الوش و الصبابات
3- العربية حتفضل تاكل زيت
اما المعلومة دى غلط او ان الريسورس دة حجسة كبيرة
MMamdouh
أنا جبت الريسورس بتاع زيت الفتيس واستخدمته مع تغيير الزيت وجاب نتيجه هايله صوت الفتيس اللى كان عندى أهدا والنقل أنعم. على فكره سعر العبوة أيا كان النوع للزيت العادى أو التخليقى أو زيت الفتيس هو 88 جنيه شامل الضريبه من مركز خدمة هيونداى
ياجماعه انا كمان مش مقتنع بالريسورس ده
ازاى هايملا الفراغات ؟
وبعدين انا مثلا عربيتى بتاكل زيت بالهبل يعنى بمعدل الاربعه كيلو بيخلصوا فى شهرين
ازاى البتاع ده هايغنى عن العمره ؟؟
الخلاصة فى تجربة الريسورس
لن يغنى عن العمرة
انا حطيته فى العربية ، بالفعل اداء العربية تحسن جدا ، العربية بقت طلقة ، ونقصان الزيت تحسن بشكل كبير وصوت المحرك افضل شوية
لكن
العربية ما زالت بتاكل زيت وان كان بشكل اقل من الأول
ومازالت بتدخن مع بداية التدوير خفيف ،
وما زالت بتدخن فى الطلعة لو مش حاطط لها زيت شمبر
وبالتالى فإن الريسورس هو مسكن للحصول على اداء لا بأس به لحين اجراء عمرة كاملة
لكنه لن يغنى عنها نهائيا