الموضوع: استفسار عن الصني يا جماعة

المشاركة الأصلية كتبت بواسطة ahmed.tv

اهلا بيك معانا

اولا الموضوع ده كان افضل عشان تستفتاد منه ومن المعلومات واراء الناس تنزله فى قسم المقارنات

واذا كنت حابب فعلا تعمل كدا فى ايقونة فى الجنب اسمها تقرير مشاركة ممكن تدوس عليها وتراسل الادارة وتبلغهم انك عاوز تنقل الموضوع

تانى حاجة

العربيات اللى انت حكيت عليها دى كلها تقريبا اسعار قطع الغيار واحدة او قريبة من بعض وبيكون في تفاوت بسيط

واغلبهم 1300 سى سى

النيسان 2001 ارشحهالك اكيد , عربية محترمة جدا ومحدش اشتكى منها , وقطع غيارها منتشرة بره التوكيل فى شارع دمشق حتلاقى وفى الحرفين

وبعدين لو حتحط اى قطعة غيار يابانى لاى عربية من اللى انتى ذكرتهم دول وخصوصا لو كانت قطع غيار يابانى اصلية ومن التوكيل , اعرف انها مش غالية حتى لو كانت غالية , لسبب بسيط , لانها اصلية وحتعمر معاك لسنين قدام

وكمان توكيل نيسان محترم جدا لو كنت حتتعامل معاه فى بعض الصيانات

ولو حتتعامل مع اى ميكانيكى بره بردوا الصنى 2001 اى حد بيشتغل فيها , بس الجزء بتاع تظبيط الكمبيوتر والحساسات فيه حتضطر تروح الى التوكيل , ودى ظبطها فى التوكيل مش غالى

وربنا يوفقك باذن الله
وتقبل تحياتى

ماشاء الله ...... ربنا يبارك فيك يابو حميد علي الشرح البسيط الجميل ده اللي محستش فيه والله الا بحيادية تامة
وحاجة حبيت ازوده بس
ان قطع الغيار دلوقتي بتاعة الصني برة التوكيل .... رخصت كتير عن الاول
يعني حاجة مبشرة بفرض ان محدش بيحب يعمل الصيانة في التوكيل .... ويارب ترخص كمان وكمان
والناس المحترمة تزيد كمان وكمان
توكل علي الله وهات الصني ... !!
انا ممكن اقول وجهة نطري بالنسبة للانسر الكريستالة والصني
اللانسر بياعة اوي ... يعني ممكن تلاقيها اتباعت مثلا ............ 10 مرات
والصني معتقدش توصل للرقم ده ... فتلاقيها متهانتش كتير ... و اعتقد قطع الغيار هايبقي الفرق جامد كده بينهم مع انك ممكن تلاقيهم نفس السعر (اقصد الصني واللانسر)
وبصراحة طول ما العربية بتبقي شبابي زي الانسر ........ هههه بخاف منها يعني بقي الشد والجري والكلام ده
لكن الصني هتلاقي رجالة كبار مش بتوع جري وكده (معظمهم يعني) مع انها عفية ماشاء الله
ومتنساش الاستخارة ان شاء الله ............. وربنا ييسرلك الخير يارب