الموضوع: فين ميكانيكى متخصص فى الكليسا وعنوانه أرجوكم؟

نصيحة لأنى جربت مواضيع الفتوى كتير و الخلاصة مشوار سخن للحرفيين عند مهندس سيد الفراش حتلاقيه خلف مسجد العزيز بالله
0101003520 أحسن ميكانيكى صبى عند فاهم فى الكلسيا اسمه سيد برضه 0190524993 أنا كنت عنده من شهر بغير موتور الكانشل و لقيت عنده 3 عربيات كلسيا شغالين فيهم كأنه التوكيل. بس فاصل معاه لأنه مغلوانى شويه بس بصراحة فاهم فيها.

المشاركة الأصلية كتبت بواسطة د-شريف

أنا كنت عنده من شهر بغير موتور الكانشل و لقيت عنده 3 عربيات كلسيا شغالين فيهم كأنه التوكيل. بس فاصل معاه لأنه مغلوانى شويه بس بصراحة فاهم فيها.

طب لو سمحت ممكن اعرف حضرتك غيرت موتور الكانشيل بموتور استيراد من عنده ولا جبته من دمياط ؟
وسعره وقف عليك بكام بالتركيب ؟

عشان انا بفكر حالياً .. يا اعمل عمره للكانشيل بتاعتى .. يا اما اجيب لها موتور استيراد .. انا فاكر كنت كلمت المهندس سيد الفراش من حوالى شهرين وسألته على موتور الكانشيل استيراد من عنده قالى حايتكلف 2500 جم بتركيبه .. بصراحة استغليت قوى المبلغ ده على موتور الكانشيل .. فا اتصلت بمحل فى دمياط قالى الموتور يعمل 1500 جم .... ده اول كلام .... بس بصراحة انا لسه مقررتش اجيبه استيراد ولا اعمل العمره وخلص .

ويا ترى الموتور القديم حاتعمل فيه اية ؟

وشكراً جزيلاً

المشاركة الأصلية كتبت بواسطة egawady

طب لو سمحت ممكن اعرف حضرتك غيرت موتور الكانشيل بموتور استيراد من عنده ولا جبته من دمياط ؟
وسعره وقف عليك بكام بالتركيب ؟

عشان انا بفكر حالياً .. يا اعمل عمره للكانشيل بتاعتى .. يا اما اجيب لها موتور استيراد .. انا فاكر كنت كلمت المهندس سيد الفراش من حوالى شهرين وسألته على موتور الكانشيل استيراد من عنده قالى حايتكلف 2500 جم بتركيبه .. بصراحة استغليت قوى المبلغ ده على موتور الكانشيل .. فا اتصلت بمحل فى دمياط قالى الموتور يعمل 1500 جم .... ده اول كلام .... بس بصراحة انا لسه مقررتش اجيبه استيراد ولا اعمل العمره وخلص .

ويا ترى الموتور القديم حاتعمل فيه اية ؟

وشكراً جزيلاً

أسف اخى الكريم على التأخر فى الرد لظروف عملى.
حضرتك أنا أشتريت الموتور من عنده بعد فصال ب 2000 جنية لأنى سيبت فى الموتور الجديد الإنجيكشن لأن عربية المدام كابرتير عادة و على فكرة تجربة المواتير بعد التركيب. يعنى تجيب الميكانيكى بتاعك و بعد ما يختار الأنسب يسقطه فى العربية بتاعتك و يجربه و بعدين تروح تشتريه. و على فكرة أنا غلطت إنى جبت ميكانيكى خارجى مش من عنده صحيح أنه فاهم بس كانت غلبه أروح و أرجع كل شوية و بعدين بعد ما ركبت الموتور و مشيت حوالى 500 كيلو رجعت للميكانيكى بتاع سيد تانى و ماشاء الله ضيط التاكيهات و صوت الموتور بقى ناعم جدا. فنصيحة أشترى وغير من عنده حتى يبقى مسؤول على كل شيء. نسيت أقولك أنى دفعت تركيب الموتور 500 جنيه.

اما موضوع عمرة الموتور فلا أنصحك به لأن الموتور صغير و كتير نصحونى ان العمرة فى المواتير الصغيرة مابتنجحش قوى و محتاجة ميكانيكى شاطر قوى.

بالنسبة للموتور القديم فأنا ماعرفتش أبيعه بالرغم إن الميكانيكى بتاعى قالى أنه بيتباع و مازال موجود عندى. لو حبيت تعمل عمرة لموتورك و عايز أى قطع غيار للموتور ممكن تيجيلى و أديك أى حاجة من الموتور القديم بدون أى بيع أو مقابل لأنى مخزنه على الفاضى.

ملحوظة: أنا سألت على منيعم فى دمياط على الموتور الجديد و فال لى 1500 جنية بس لما حسبت المواصلات لقيت الموضوع قريب ده غير التعب و البهدله خصوصا لو الموتور الجديد ماكنش كويس و محتاج تبدله حتعمل ايه؟
المهم أستخير الله و ربنا يوفقك.