السلام عليكم و رحمة الله
من فتره و انا ملاحظ ان الرصيد بتاعي بيطير
فدخلت على صفحة فودافون لقيت انه بيحسب الدقيقة ب 0.29 قرش و الرساله الدولي ب 0.8 قرش
و الرساله العاديه ب 0.29 قرش
ايه النظام ده
انا كنت فاكر ان الدقيقة ب 0.19 قرش
عرض للطباعة
السلام عليكم و رحمة الله
من فتره و انا ملاحظ ان الرصيد بتاعي بيطير
فدخلت على صفحة فودافون لقيت انه بيحسب الدقيقة ب 0.29 قرش و الرساله الدولي ب 0.8 قرش
و الرساله العاديه ب 0.29 قرش
ايه النظام ده
انا كنت فاكر ان الدقيقة ب 0.19 قرش
انا كمان كده
المفروض ان الدقيقه ب 19 وهما بياخدو 29
حضرتك على نظام ايه؟؟
هو بالشكل دا يبقي فيه نظام البلد كلها ماشيه من غير نظام فتح عينك تاكل ملبن
لاحظت نفس الملاحظة الأسبوع الماضى من بعد إنتهاء شهر رمضان حولوا من تلقاء أنفسهم بعض العملاء على نظام حكاوى الذى يستفيد منه كل من يتكلم كثيرا و يتمتع بتخفيضات على المكالمات التى تمتد لأكثر من خمس دقائق فإتصلت بهم و طلبت إرجاعى لنظام كل المصريين ذو التكلفة 19 قرشا للدقيقة حيث ان كل مكالماتى منذ إشتراكى معهم سنة 2002 لا تزيد المكالمة عن ثلاث دقائق و فى أغلب المكالمات لا تصل لدقيقة كاملة و ذلك من منطلق تجنب أضرار إشعاع الموبايل المعروف
ثم إتصلت برقم 880 و طلبت تحويلى لنظام الثوانى
يمكنك عمل إشتراك مجانى فى موقع فودافون على الإنترنت و سوف يرسلون لك على رقم الموبايل الخاص بك رقم سرى يفعل إشتراكك و ذلك سوف يتسمح لك متابعة رصيدك مجانا على الموقع و كذلك تفاصيل مكالماتك .
حول لنظام كل المصريين
وعلى فكرة المفروض الرسالة دولى ب50 قرش بس
لا انا عندى ب19 قرش لاى شبكة و الارضى
وبتابع الرصيد اول باول من على الموقع بتاعهم و مفيش اى حاجة زيادة
إيه النصب ده بس ... و أنا أقول الرصيد بقى يطير بسرعة لييييه
شكراً عالتنبية
انا برده بعتولي رساله و حويلوني لوحدهم لنظام فريندز :8954[1]:
نفس الي حصل معايا
واتصلت بخدمة العملا
وقالولي انهم حولوا معظم العملا لانظمه مختلفه تناسب مكالماتهم
وقالي تقدر ترجع لنظامك الي كنت عليه مجانا طالما كنت عليه قبل التحويل
بس حركه مش كويسه منهم اصراحه
A.Yakout
انا بقى اللى حصل معايا الشهر ده جديد....انا خط مش كارت....بدفع كل شهر اشتراك 50 جنيه وليا دقايق مجانيه ورقم بكلمه مجانا....وفى حاله لو حبيت اغير الرقم المجانى بتحمل مصاريف تحويل الرقم المجانى 30 جنيه ومن يوم مابقيت خط من اكتر من سنه مغيرتش الرقم المجانى....اول الشهر اللى فات جاتلى رساله من فودافون فيها انه تم تأكيد استخدام الرقم المجانى(اللى انا اصلا مشترك فيها من زمان ومغيرتهاش)اتصلت بهم اسئل ايه موضوع الرساله دى قالولى دى رساله عاديه لتذكير حضرتك بأنه فيه رقم مجانى....سكت....جات الفاتوره فيها 30 جنيه مش فاهم بتوع ايه...اتصلت بهم قالولى دول لانك غيرت الرقم المجانى....قلتله قولى كدا الرقم المجانى بتاعى...قالهولى....قولتله قوللى بقى الرقم الجديد اللى انا غيرته...سكت وقالى احنا بنعتذر يا فندم واضح ان فيه غلط وشالوا ال30 جنيه...بجد حاجه مسخره...احنا عايشين فى عالم سمسم
و انا اللي كنت فاكر موبينيل #@%#$#@
برجاء متابعه الموضوع ده معانا
http://www.nilemotors.net/Nile/189136-a.html
لما كلمت الراجل بتاع خدمه العملاء قاللى انك انت حولت النظام مع اني والله ماحولته ولا جيت ناحيته
وقاللى النظام اللى انت عليه ده احسن و قعد يشتغلني و يثبتني
بس خليته يرجعني تاني لنظام ابو 0.19 قرش
دلوقتي انا عايز اغير لاتصالات بنفس الرقم بعمل ايه؟؟
تتجه لاقرب فرع اتصالات حاملا بطاقتك الشخصية
توقع على الطلب و تدفع 75 جنيه و للعلم المبلغ ده بيروح للحكومة مش للشركة عندنا
تستلم شريحة اتصالات
بعد 4 ايام عمل - غير متضمنة الجمعة و لا السبت - هتلاقي الشريحة القديمة توقفت و الجديدة اشتغلت .... و ما تقلقش .... مفيش انقطاع في الخدمة .... الجديدة بتشتغل قبل ما القديمة تقف .....
مع العلم ... في حالة التحويل من اي شركة لاي شركة, الرصيد القديم - لو كنت كارت - بيروح عليك ..... حاول اخر اربع ايام دول تشحن بحاجات بسيطة (كروت ب 5 او ب 10) عشان ما يروحش عليك كتير ......
و مبروك عليك انضمامك لعملاء اتصالات بنفس رقمك القديم بكامل العشرة ارقام
طب احسن نظام في اتصالات ايه ؟؟
و هل لو حبيت اشغل الخط الجديد على النت بيتحسب بكام وينفع اشترك في النظام بتاع 19 جنيه في الشهر 110 ميجا على نفس الشريحه ولا لازم خط داتا و يو اس بي مودم
فيه انظمة كتير جدا .... اذكر منها حاليا yes و كل الناس و كل الناس بلاس و بالثانية و حضرتك اول ما تحول بتختار نظام خطك زي ما انت عايز كانه جديد
بالنسبة لاضافة باقة الداتا على خط كارت فده غير متاح حاليا بس يمكن اضافتها على خط فاتورة
أو تشتري خط داتا (و ده ممكن يبقى كارت عادي جدا مفيش مشكلة) و تختار الباقة بتاعة 19 جنيه شهريا)
على فكرة يمكن الاتصال ب 0111234567 للتحويل و بيبعتوا لحضرتك مندوب بالاوراق اللازمة بس الموضوع بيبقى اسرع لو حضرتك رحت الفرع
جزاك الله خيرا على ردك
انا كنت جايب الفلاشة بتاعة النت من اتصالات و بقالى اكثر من 6 سهور ما شحنتهاش من ساعة ما خلصت الرصيد هل ممكن تشتغل تانى و لا خلاص كدة تترمى و اجيب واحدة تانية و لو عملت كدة و جيبت واحدة تانية ثمن الشريحة كام لان الفلاشة عندى و كل اللى هعمله اغير الشريحة بس