حد عنده حل للموضوع ده (بخصوص ال cover البلاستيك للمراية الجانبية)؟

**meza** · 08-12-2010 06:48 PM

أهلاً بأعضاء المنتدى الكرام ... أتمنى تكونوا بخير
دلوقتى واحد ربنا يسامحه خبط فى المراية الجانبية شمال فى عربيتى النيو أكسنت ... المراية سليمة بالقاعدة وكله الحمد لله و محصلهاش أى حاجة غير إن الغطاء البلاستيك اللى بيغطى ضهر المراية اتخلع و الراجل سابه واقع فى الشارع راحت عربية عدت عليه دشدشته عشان ميبقاش منه أمل و أتحسر أنا عليه بقى.

المهم إتنرفزت من الموضوع ده رحت قررت أطلع على الحرفيين على طول ... و بعد دوخان هناك لقيته عند واحد بتاع مرايات إسمه الفيومى فكهولى من مراية عنده بس لون تانى و مشروخ و عاوز يبيعهولى ب 200 جنية!!! ..
و أنا لقيت المراية كهربا إستيراد ب 350 أصلاً بس أنا مرايتى سليمه كلها بالقاعدة و مش عايز أغيرها غير إن عندى مانيوال مش كهربا فهيبقى فيه لعب فى الكهربا.

فلو حد يعرف إزاى أوصل لل cover البلاستيك ده و هو صغير خالص سعره بالكتير توقعت ميعديش 40 50 جنية.

....للعلم المراية بتاعة النيو أكسنت زى النيو سيراتو بالظبط بس الفرق إن فى السيراتو فيه إشارات فى المرايات .... و لقيت إنى ممكن أغير الcover فى الناحيتين عندى و أركبهم بالإشارات على كهربة الإشارة الجانبية و تبقى تمام بس ألاقيهم الأول بسعر معقول.

فلو حد يعرف فين ممكن ألاقى ال cover ده سواء بإشارات أو من غير يا ريت يقوللى مشكوراً و بجد يبقى عمل فيا خدمة كبيرة جداً مش هنسهاله .

**meza** · 08-12-2010 07:06 PM

ده شكل المراية بالظبط بس فى نيو سيراتو بليدات كمان

**meza** · 08-12-2010 08:14 PM

يا شباب فيه تطورات لقيتها فى الموضوع ده : http://www.nilemotors.net/Nile/185050-2010.html

الكف البلاستيك موجود فى التوكيل أصلى ب 80 جنية

دلوقتى بقا ما دام الأسعار طلعت كده ... بفكر أغير الناحيتين ببتوع النيو سيراتو و أعملهم بإشارات .. حد يعرف الموضوع ده سهل و لا هيأثر على كهربة العربية؟

**meza** · 15-12-2010 04:05 PM

المشاركة الأصلية كتبت بواسطة meza

يا شباب فيه تطورات لقيتها فى الموضوع ده : http://www.nilemotors.net/Nile/185050-2010.html

الكف البلاستيك موجود فى التوكيل أصلى ب 80 جنية

دلوقتى بقا ما دام الأسعار طلعت كده ... بفكر أغير الناحيتين ببتوع النيو سيراتو و أعملهم بإشارات .. حد يعرف الموضوع ده سهل و لا هيأثر على كهربة العربية؟

معلش يا جماعة الكف اللى إتذكر فى الموضوع اللى فوق طلع المقصود بيه المراية نفسها (الإزازة) ... و من ساعتها و أنا بدور فى كل مراكز هيونداى على الغطا ده و مش لاقيه خالص ... قالولى لازم أغير المراية كلها ب 750 !!! ... و الغطا بتاع الكيا سيراتو لقيته ب 150 بس المشكلة إن فيه فتحة للإشارة.

دى صورة المراية للتوضيح

حد يعرف أجيب الغطا ده منين لو سمحتم؟

.

**windofchange** · 16-12-2010 12:13 AM

لو لاقدرالله ملقتش هات ابو150 جنيه واقفل فتحة الاشارة عند بتاع الفبر ودور تاني عند بتوع الهيونداي الاستيراد وان شاء الله تلاقي واحد حنين

**mahmoud_afifi** · 16-12-2010 12:32 AM

طب لو جبت الغطا النيكل الحليه الي بتتحط على المرايه ؟

**Mohamd_Saad** · 16-12-2010 11:34 AM

كان الغطاء اليمين للمراية ضايع من الكرولا واشتريته ب 130 جنية من محلات قطع الغيار للتيوتا ورشيتة أسود بلون العربية
أسأل فى محلات قطع الغيار هتلاقية ان شاء الله

**meza** · 16-12-2010 02:03 PM

المشاركة الأصلية كتبت بواسطة windsofchange

لو لاقدرالله ملقتش هات ابو150 جنيه واقفل فتحة الاشارة عند بتاع الفبر ودور تاني عند بتوع الهيونداي الاستيراد وان شاء الله تلاقي واحد حنين

طب هو الحتة دى مش هتبان ؟

المشاركة الأصلية كتبت بواسطة mahmoud_afifi

طب لو جبت الغطا النيكل الحليه الي بتتحط على المرايه ؟

مش عاجبنى شكلها بصراحة ..

المشاركة الأصلية كتبت بواسطة mohamd_saad

كان الغطاء اليمين للمراية ضايع من الكرولا واشتريته ب 130 جنية من محلات قطع الغيار للتيوتا ورشيتة أسود بلون العربية
أسأل فى محلات قطع الغيار هتلاقية ان شاء الله

أنا نزلت الحرفيين و لفيت بتاع 3 ساعات و ملقتش غير اللى بيقولى 200 جنية ده و الغطا مشروخ كمان
بفكر أنزل التوفيقية بقا ... بس هو إحتمال ألاقى فى التوفيقية عشان منزلش عالفاضى بس؟

**wael ahmed** · 13-06-2011 05:14 PM

لمبه الاشاره فى كفر المرايا اتكسرت بس المرايه سليمه ( سيراتو والاشاره عاديه مش ليدات )

كده لازم اشترى الكفر كامل ولا ممكن الاقى البلاستيكه بتاعته الاشاره بس ؟؟؟ علشان حرام اغير كفر كامل

ياريت لو حد يعرف يفدنى يرد عليا

وشكرا مقدما :)