سائقي التاكسي هم الأسوء على الإطلاق

**Super_Star_h** · 10-12-2010 09:48 AM

انا اما بنزل القاهره بقول يا ساتر استر
فى اخر مره كنت هناك السكه وقفت قدامى قومت مشغل انتظار قبل ما اقف بكتير
عشان سواق الميكروباص اللى ورايا وكاسح ده يفهم
وبرضو مافيش فايده لغايت ما وقفت وجاى ورا وقام مفرمل
جى ملاكى بقى من وراه لبس فيـــه
نزلت وقولتله هو انت مبتشوفش ؟؟؟؟ انا مديك انتظار بقالى ساعه عشان تفهم ان السكه واقفه يعنى انت ولا شايف السكه ولا شايفنى ؟؟؟
قالى المهم عربيتك سليمه
قولتله تمام اتصرف بقى مع اللى لبس فيك
وسبتهم موقفين السكه وبيتخانقو قولت يلا اولعو فى بعض بقى
ده غير ان كله بيلزق فى كله وميغه بقى
بجد يعنى سواقين المكروباص والتاكسى فى القاهره حاجه مش طبيعيه
........................
حط سواقين اسكندريه دول فى قائمه لوحدهم
لان دول من بعد اللى بشوفه فى القاهره اسمهم سواقيييييين
ولو هتقارن سواق الميكروباص بالتاكسى
سواق التاكسى احسن طبعآ ومحترف عنه
التاكسى بيمشى فى كل خرم ابره فى البلد
لكن الميكروباص خط واحد رايح جاى عليه طول عمره
اللى بوظ التاكسيات
ان اغلبهم دلوقتى شباب مالهاش فيها بتسوقه
كل اللى مالوش شغله بيشوفله تاكس يشتغل عليه

**NoRmAl** · 10-12-2010 09:36 PM

المشاركة الأصلية كتبت بواسطة abouhaidy

يا خوانى انا هتجنن من الناس اللى بتحب ترد على المشاركات
دلوقت بقى سواق الميكروباص بقى مؤدب وماشى فى حاله
والنقل الجماعى كمان وهيئة النقل العام رغم كل الادخنه والتلوث
نيجى بقى لسواق الناكسى اللى ماشى يدور على اكل عيشه
وتسديد اقساطه انه ماشى بدون خبره
ياراجل اتقى الله وخليك عارف كويس ان 90% من سواقين الملاكى
ليس لديهم خبرة ومطلعين الرخص بالكوسه واكلة كباب

يا باشا أنت الى لازم تفهم أن كل الى سايقين عربيات فى الشارع ملاكى وتاكسى وغيرهم بيجروا ورا أكل عيشهم
أنت لو رئيس مجلس إداره شركه ورايح أجتماع لمجموعه شركاتك وراكب البوجاتى بردو رايح لأكل عيشك
ومين الى قالك أنك لو بتجرى على أكل عيشك تجرى تخبط فى الناس
لاهو دى حجه بالزمه!!
وأنا بتقى الله والحمد لله ومتجنتش على حد

**Khaled_Nowaihy** · 10-12-2010 09:52 PM

الاثنين عاوزين ضرب النار
الشهر الماضى ميكروباص رمسيس حاول يعدى من شمالى ودخل فى الكارينز وطبق لى صاج الرفرف الشمال
مع ان الطريق واقف انما برضه حشر نفسه فى الحتة الفاضية على شمالى

اضف الى ذلك وقوفهم فى مطالع الكبارى وعلى نواصى التقاطعات و كمان وقوفهم فى ال u-turn

**M.Osman** · 10-12-2010 09:59 PM

و كمان وقوفهم فى ال u-turn

دي مستفزة اوي و ببقى عايز اسيب العربية في قلب اليوترن و انزل اولعله في الميكروباص

**ahmed_su** · 10-12-2010 10:04 PM

متفق معاك

العن سواق فى المدينة هو التاكسى

**smsmxxxxxx** · 11-12-2010 12:39 AM

سواقين المايكروباص والتاكس والنصف نقل

هما ذباب الطريق

لو سبتهم هيقرفوك لو اديتهم على دماغهم هيبعدوا عنك

اى سواق منهم بيبقي حاتط في دماغه انك خايف على عربيتك وهي دى نقطة الضعف اللى بيستغلها فينا

علشان كدة لازم تجمد قلبك ولما ييجي يرمي بوز العربية تخش فيه وتصمم متعديهوش حتى لو الشارع كله وقف

واى سواق من دول طالع من يو تيرن بالزق متعمد في العربية اللى قدامي علشان معديهوش

باختصار لازم تستخدم نفس اساليبهم علشان تعرف تمشي في الشارع

الكلام دا من خبرة في مشي في شارع فيصل اللى فيه اكبر كمية مايكروباصات ونصف نقل وتاكسي

-----------------
محمد سالم

**Bishoy.Girgis** · 11-12-2010 12:47 AM

حقيقي ربنا يستر علي عربياتنا حتي لو كنا مأمنيين عليها لأن اكيد جسم العربية بيتأثر حتي لو اتصلحت 100%

**shaddadfalcon1** · 11-12-2010 08:00 PM

ضيفو ليهم سواقين الملاكي كمان لو سمحتم

لسه جاي دلوقتي من بره وواصل الشقه وكنت هجيب جنب العربيه كله بسبب متخلف سايق اسبرانزا سودا ومازلين من علي كوبري العوايد والدنيا شتا علي اخرها والطريق واقف وده كان قدامي علي اليمين ومدي اشاره شمال مش عارف مستغجل علي ايه
المهم انا عديت والطريق مشي وببص يميني لقيته بقي لازق فيا لدرجة اني مرايتي اليمين اتقفلت قمت كاسر شمال لما ملقيتش حد في شمالي وايدي علي الكلاكس وهو ولا هنا
لما وصلت لقيت الحمد لله حكه بسيطه في الرفرف والباب يعني لو ملحقتش نفسي كنت ادمرت

انا بجد كنت ماشي لا شايف قدامي ولا ورايا ولا حواليا لان الشتا بينزل فيه رمله وكل القزاز بيبقي ضلمه

ربنا يستر الكام يوم اللي جايين

**calipha3** · 11-12-2010 08:18 PM

قاعده واحده كل السواقين مهما اختلفت تسميتهم ملاكي او تاكسي او او في الضياع الا من رحم ربي

-

الموضوع: سائقي التاكسي هم الأسوء على الإطلاق

LinkBack

أدوات الموضوع

عرض

-

-

-

-

-

-

-

المواضيع المتشابهه

|| خبر مروري:- تعميم عداد التاكسي الأبيض على التاكسي الأسود بالقاهرة من موديل 2005

صندوق أسود لحماية سائقي التاكسي

التاكسي‏ ‏الأبيض‏ ‏يخرج‏ ‏التاكسي‏ ‏الأسود‏ ‏من‏ ‏السوق‏!!‏

بولو العربية ذات الأسوء تسويق ؟؟

الفيس بوك....اروع اختراع على الإطلاق

الكلمات الدلالية لهذا الموضوع

المفضلات

المفضلات

ضوابط المشاركة